<p><strong>ಯಾದಗಿರಿ</strong>: ‘ಪ್ರಜಾವಾಣಿ’ ಯಾದಗಿರಿ ಕಚೇರಿಯಲ್ಲಿ ಸೋಮವಾರ ಹಮ್ಮಿಕೊಂಡಿದ್ದ ಫೋನ್ ಇನ್ ಕಾರ್ಯಕ್ರಮದಲ್ಲಿ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿ ಮಲ್ಲನಗೌಡ ಎಸ್.ಪಾಟೀಲ ಅವರಿಗೆ ಜಿಲ್ಲೆಯ ವಿವಿಧೆಡೆಯಿಂದ ನಿರೀಕ್ಷೆಗಳು ಮೀರಿ ಕರೆಗಳು ಬಂದವು.</p>.<p>ಆರೋಗ್ಯ ಇಲಾಖೆಯಲ್ಲಿ ಕೈಗೊಂಡಸುಧಾರಣೆ ಕ್ರಮ, ಆರೋಗ್ಯ ಕ್ಷೇತ್ರದಲ್ಲಿನ ಹೊಸ ವಿಧಾನ, ಸಾಂಕ್ರಾಮಿಕ ರೋಗಗಳಿಂದ ರಕ್ಷಣೆ, ವೈದ್ಯರ ಕೊರತೆ, ಆಸ್ಪತ್ರೆ ಸ್ವಚ್ಛತೆ ಸೇರಿದಂತೆ ವಿವಿಧ ವಿಷಯಗಳ ಬಗ್ಗೆ ಸಾರ್ವಜನಿಕರು ಕೇಳಿದ ಪ್ರಶ್ನೆಗಳಿಗೆ ಡಿಎಚ್ಒ ಅವರು ಸಮಾಧಾನದಿಂದ ಉತ್ತರಿಸಿದರು.</p>.<p class="Subhead">l ಆರ್.ವಿಶ್ವನಾಥರೆಡ್ಡಿ, <span class="Designate">ಅಬ್ಬೆತುಮಕೂರ</span><br /><strong>ಸಾಂಕ್ರಾಮಿಕ ರೋಗ ಹೇಗೆ ತಡೆಗಟ್ಟಬೇಕು?</strong></p>.<p>ಉ: ಮನೆ ಅಕ್ಕಪಕ್ಕದಲ್ಲಿ ಕೊಳಚೆ ನೀರು ನಿಲ್ಲದಂತೆ ಕ್ರಮ ಕೈಗೊಳ್ಳಿ. ಆಶಾ, ಕಿರಿಯ ಆರೋಗ್ಯ ಸಹಾಯಕರು ಮನೆ ಮನೆಗೆ ಭೇಟಿ ನೀಡಿ ಲಾರ್ವಾ ಪತ್ತೆ ಹಚ್ಚುತ್ತಿದ್ದಾರೆ. ಮಲೇರಿಯಾ ಹೆಚ್ಚಿದ್ದರೆ ಆ ಭಾಗದಲ್ಲಿ ಔಷಧ ಸಿಂಪಡಿಸಲಾಗುವುದು. ಜಾಗೃತಿ ಇದ್ದಷ್ಟು ಸಾಂಕ್ರಾಮಿಕ ರೋಗ ನಿವಾರಣೆ ಸಾಧ್ಯ.</p>.<p class="Subhead">l ಸಂಗನಗೌಡ, <span class="Designate">ರಾಜನಕೋಳೂರ</span><br /><strong>ಜಿಲ್ಲಾ, ತಾಲ್ಲೂಕು ಮಟ್ಟದಲ್ಲಿ ವಿಕಲಚೇತರಿಗೆ, ಶ್ರವಣ ದೋಷ ಉಳ್ಳವರಿಗೆ ಏನು ಸೌಲಭ್ಯ ಇದೆ.</strong></p>.<p>ಉ: ಜಿಲ್ಲೆಯಲ್ಲಿ ತಜ್ಞ ವೈದ್ಯರ ಕೊರತೆ ಇದೆ. ಶ್ರವಣ ದೋಷಕ್ಕೆ ಸಂಬಂಧಿಸಿದ ಪರಿಣಿತರು ಅರ್ಜಿ ಸಲ್ಲಿಸಿದರೆ ನೇಮಕ ಮಾಡಿಕೊಂಡು ಜನರ ಸಮಸ್ಯೆ ಬಗೆಹರಿಸುತ್ತೇನೆ.</p>.<p class="Subhead">l ಶ್ರೀಕಾಂತ, <span class="Designate">ಯಾದಗಿರಿ</span><br /><strong>ಜಿಲ್ಲೆಯಲ್ಲಿ ಅಪಘಾತ ಸಂಭವಿಸಿದರೆ ಜಿಲ್ಲಾ ಆಸ್ಪತ್ರೆಯಲ್ಲಿ ಸೂಕ್ತ ಚಿಕಿತ್ಸೆ ವ್ಯವಸ್ಥೆ ಇಲ್ಲ. ವೈದ್ಯರು ಕಲಬುರ್ಗಿ, ರಾಯಚೂರಿಗೆ ಹೋಗಿ ಎನ್ನುತ್ತಾರೆ.</strong></p>.<p>ಉ: ಅರ್ಥೋಪೆಡಿಷನ್ (ಎಲುಬಿನ ಚಿಕಿತ್ಸೆ) ವೈದ್ಯರ ಕೊರತೆ ಇರುವುದರಿಂದ ಚಿಕಿತ್ಸೆಗೆ ಸಮಸ್ಯೆ ಆಗುತ್ತಿದೆ. ಈ ಸಂಬಂಧ ಜಿಲ್ಲಾಧಿಕಾರಿಯೊಂದಿಗೆ ಚರ್ಚಿಸಿ ಸಂಬಂಧಿಸಿದ ವೈದ್ಯರನ್ನು ನೇಮಕ ಮಾಡಿಕೊಳ್ಳುವಂತೆ ಮನವಿ ಮಾಡುತ್ತೇನೆ. ಎರಡು ತಿಂಗಳಲ್ಲಿ ಸಮಸ್ಯೆ ಬಗೆಹರಿಸಲಾಗುವುದು.</p>.<p class="Subhead">l ಶಿವರಾಜ ಪಾಟೀಲ, <span class="Designate">ಸುರಪುರ</span><br /><strong>ಜಿಲ್ಲೆಯಲ್ಲಿ ಡೆಂಗಿ, ಚಿಕೂನ್ಗುನ್ಯಾ ಪ್ರಕರಣ ಹೆಚ್ಚಾಗಿದೆ. ಇಲಾಖೆ ವತಿಯಿಂದ ಏನು ಕ್ರಮ ಕೈಗೊಳ್ಳಲಾಗಿದೆ</strong>.</p>.<p>ಉ: ಈ ವರ್ಷ ಡೆಂಗಿ ಮತ್ತೆ ಚಿಕೂನ್ಗುನ್ಯಾ ಪ್ರಕರಣಗಳು ಹೆಚ್ಚಾಗಿವೆ. 248 ಜನರಲ್ಲಿ ಡೆಂಗಿ ದೃಢಪಟ್ಟಿದೆ. ಜನರು ವಾಸಿಸುವ ಪ್ರದೇಶದಲ್ಲಿ ಸೊಳ್ಳೆ ಉತ್ಪತ್ತಿಯಾಗದಂತೆ ನೋಡಿಕೊಳ್ಳಿ. ನೀರು ಸಂಗ್ರಹಿಸಿದ ಮೇಲೆ ಮುಚ್ಚಿ. ಮುಂಜಾಗೃತೆ ವಹಿಸಿ.</p>.<p class="Subhead">l ಜುಮ್ಮಣ್ಣ, <span class="Designate">ಹುಣಸಗಿ</span><br /><strong>ಶ್ರೀನಿವಾಸಪುರ ಆಸ್ಪತ್ರೆಯಲ್ಲಿ ವೈದ್ಯರ ಕೊರತೆ ಇದೆ. ಇದನ್ನು ಬಗೆಹರಿಸಿ.</strong></p>.<p>ಉ: ಜಿಲ್ಲೆಯ ಎಲ್ಲ ಆಸ್ಪತ್ರೆಗಳಲ್ಲಿ ಹೊಸ ವೈದ್ಯರ ನೇಮಕ ಮಾಡಲಾಗಿದೆ. ವೈದ್ಯರ ಹಾಜರಾತಿಗೆ ಬಯೋ ಮೆಟ್ರಿಕ್ ಅಳವಡಿಸಲಾಗಿದೆ. ಎಲ್ಲ ಸಮಯದಲ್ಲೂ ರೋಗಿಗಳನ್ನು ಪರೀಕ್ಷಿಸಲು ವೈದ್ಯರು ಸಿಗುತ್ತಾರೆ. ಶೀಘ್ರವೇ ಹೊಸ ವೈದ್ಯರನ್ನು ನೇಮಿಸುತ್ತೇವೆ.</p>.<p class="Subhead">l ಅಭಿಷೇಕ ದಾಸನಕೇರಿ, <span class="Designate">ಯಾದಗಿರಿ</span><br /><strong>ಜಿಲ್ಲೆಯ ಆರೋಗ್ಯ ಇಲಾಖೆಯಲ್ಲಿ ಏನು ಸುಧಾರಣೆ ಕೈಗೊಂಡಿದ್ದಿರಿ.</strong></p>.<p>ಉ: ವೈದ್ಯರ ಹಾಜರಾತಿ ಕಡ್ಡಾಯಗೊಳಿಸಲಾಗಿದೆ. ವೈದ್ಯರು ಕೆಲಸಕ್ಕೆ ಹಾಜರಾಗುತ್ತಿರುವ ಕುರಿತು ಆನ್ಲೈನ್ ಮೂಲಕ ಮಾಹಿತಿ ದಾಖಲಿಸಲಾಗುತ್ತಿದೆ. ಔಷಧಿ ಬೇಕಾದರೆ ಸ್ಟೋರ್ನಿಂದ ತರಿಸಿಕೊಂಡು ಚಿಕಿತ್ಸೆ ನೀಡಲಾಗುತ್ತಿದೆ. ಚೀಟಿ ಬರೆದುಕೊಡುವುದನ್ನು ನಿಷೇಧಿಸಲಾಗಿದೆ.</p>.<p class="Subhead">l ಸೋಮಶೇಖರ, <span class="Designate">ರಾಜನಕೋಳೂರ</span><br /><strong>ರಾಜನಕೋಳೂರ ತಾಂಡಾದಲ್ಲಿ ಡೆಂಗಿ ಪ್ರಕರಣ ಹೆಚ್ಚಾಗಿವೆ. ಏನು ಕ್ರಮ ವಹಿಸಿದ್ದಿರಿ.</strong></p>.<p>ಉ: ತಾಂಡಾದಲ್ಲಿ ಲಾರ್ವಾ ಸರ್ವೆ ನಡೆಸಲಾಗಿದೆ. ಸೊಳ್ಳೆ ಕಚ್ಚದಂತೆ ಎಚ್ಚರಿಕೆ ವಹಿಸಿ. ಡೆಂಗಿ ಪೀಡಿತ ಇಲ್ಲಿನ ನಿವಾಸಿಗಳಿಗೆ ಶಹಾಪುರ, ಕಲಬುರ್ಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ನೀಡಲಾಗಿದೆ. ರಾಜನಕೋಳೂರು ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಆ್ಯಂಬುಲೆನ್ಸ್ ವ್ಯವಸ್ಥೆ ಕಲ್ಪಿಸಲಾಗಿದೆ.</p>.<p class="Subhead">l ರಮೇಶ ಬಿರಾದಾರ, <span class="Designate">ಕೊಡೆಕಲ್ಲ</span><br /><strong>ಆಸ್ಪತ್ರೆಗಳು ಸ್ವಂತ ಔಷಧಿ ಖರೀದಿಸುವಂತೆ ಇಲಾಖೆ ಪ್ರಧಾನ ಕಾರ್ಯದರ್ಶಿ ಅವರು ಸುತ್ತೋಲೆ ಹೊರಡಿಸಿದ್ದಾರೆ. ಏನು ಕ್ರಮ ಕೈಗೊಳ್ಳಲಾಗಿದೆ.</strong></p>.<p>ಉ: ತಾಲ್ಲೂಕು ಆಸ್ಪತ್ರೆಗಳಿಗೆ ₹ 2 ಲಕ್ಷ, ಜಿಲ್ಲಾ ಆಸ್ಪತ್ರೆಗೆ ₹ 5 ಲಕ್ಷ ವೆಚ್ಚದಲ್ಲಿ ಔಷಧಿ ಖರೀದಿಗೆ ಅನುಮತಿ ನೀಡಲಾಗಿದೆ. ಇದನ್ನು ಜಿಲ್ಲೆಯಲ್ಲಿ ಕಟ್ಟುನಿಟ್ಟಾಗಿ ಜಾರಿಗೆ ತರಲಾಗುವುದು. ಇನ್ನ ಮೇಲೆ ಯಾವುದೇ ಆಸ್ಪತ್ರೆಯಲ್ಲಿ ಔಷಧಿ ಚೀಟಿ ಬರೆದರೆ ನನ್ನ ಗಮನಕ್ಕೆ ತನ್ನಿ. ಸೂಕ್ತ ಕ್ರಮಕೈಗೊಳ್ಳುತ್ತೇನೆ.</p>.<p class="Subhead">l ಸಂಗಮೇಶ, <span class="Designate">ಕೆಂಭಾವಿ</span><br /><strong>ಜಿಲ್ಲಾ ಆಸ್ಪತ್ರೆಯಲ್ಲಿ ಸ್ವಚ್ಛತೆ ಕೊರತೆ ಇದೆ. ಅದನ್ನು ಪರಿಹರಿಸಿ.</strong></p>.<p>ಉ: ಬಳಸಿದ ವಸ್ತುಗಳನ್ನು ಆಸ್ಪತ್ರೆಯಲ್ಲಿ ಬಿಸಾಡು ವುದಿಲ್ಲ. ಮುಂಜಾಗೃತೆ ದೃಷ್ಟಿಯಿಂದ ಅದನ್ನು ಕಾಮನ್ ಟ್ರೀಟ್ಮೆಂಟ್ ಪ್ಲಾಂಟ್ ವಿಲೇವಾರಿ ಮಾಡಲಾಗುತ್ತಿದೆ. ಸ್ವಚ್ಛತೆಗೆ ಮೊದಲ ಆದ್ಯತೆ ನೀಡಿದ್ದೇವೆ.</p>.<p class="Subhead">l ಪ್ರಥಮ, <span class="Designate">ಯಾದಗಿರಿ</span><br /><strong>ಜಿಲ್ಲಾ ಆಸ್ಪತ್ರೆಯಲ್ಲಿ ವೈದ್ಯರು ಸರಿಯಾಗಿ ಚಿಕಿತ್ಸೆ ನೀಡುತ್ತಿಲ್ಲ. ಗರ್ಭಿಣಿಯರಿಗೆ ಸಮಸ್ಯೆಯಾಗುತ್ತಿದೆ. ಅವರ ವಿರುದ್ಧ ಕ್ರಮ ಕೈಗೊಳ್ಳಿ.</strong></p>.<p>ಉ: ಗರ್ಭಿಣಿ ಮಹಿಳೆಯರನ್ನು ಲ್ಯಾಬ್ ಟೆಕ್ನಿಷಿಯನ್ ಅವರೇ ಪರೀಕ್ಷೆ ನಡೆಸುತ್ತಾರೆ. ಈ ಬಗ್ಗೆ ಜನರಿಗೆ ವೈದ್ಯರ ಮೇಲೆ ಅನುಮಾನವಿದ್ದರೆ ಆಸ್ಪತ್ರೆಯ ಹೆಲ್ತ್ ಡೆಸ್ಕ್ನಲ್ಲಿ ದೂರು ಬರೆದು ಹಾಕಿ. ಖಂಡಿತ ಕ್ರಮ ಕೈಗೊಳ್ಳುತ್ತೇನೆ.</p>.<p class="Subhead">l ಶಾಂತಪ್ಪ ಖಾನಳ್ಳಿ, <span class="Designate">ಯಾದಗಿರಿ</span><br /><strong>ರೋಗಿಗಳು ತುರ್ತು ಚಿಕಿತ್ಸೆಗೆ ಅಂತ ಬಂದಾಗ ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ಸಿಗುವಂತೆ ಮಾಡಿ.</strong></p>.<p>ಉ: ಆಸ್ಪತ್ರೆಗೆ ಹೆಚ್ಚು ವೈದ್ಯರನ್ನು ನೇಮಿಸಲು ಪ್ರಸ್ತಾವನೆ ಸಲ್ಲಿಸಿದ್ದೇನೆ. ಕೆಲವೇ ದಿನಗಳಲ್ಲಿ ಈ ಸಮಸ್ಯೆಗೆ ಪರಿಹಾರ ಸಿಗಲಿದೆ. ಮೆಡಿಕಲ್ ಕಾಲೇಜು ಆರಂಭವಾಗುತ್ತಿರುವುದರಿಂದ ಎಲ್ಲ ಖಾಯಿಲೆಗೂ ಸೂಕ್ತ ಚಿಕಿತ್ಸೆ ಸಿಗಲಿದೆ.</p>.<p class="Subhead">l ಭೀಮರಾಯ, <span class="Designate">ಹೊಸಳ್ಳಿ</span><br /><strong>ಜಿಲ್ಲಾಸ್ಪತ್ರೆ ಇದ್ದರೂ ವೈದ್ಯರು ಬೇರೆ ಆಸ್ಪತ್ರೆಗೆ ಕಳುಹಿಸುತ್ತಿದ್ದಾರೆ. ಏಕೆ ಈ ಸಮಸ್ಯೆ.</strong></p>.<p>ಉ: ಖಾಯಿಲೆಗಳಿಗೆ ಸಂಬಂಧಿಸಿದ ವೈದ್ಯರು ಇಲ್ಲದಿದ್ದಾಗ ಹೀಗೆ ಮಾಡಲಾಗುತ್ತದೆ. ಶೀಘ್ರವೇ ಹೆಚ್ಚುವರಿ ವೈದ್ಯರನ್ನು ನೇಮಕ ಮಾಡಿಕೊಳ್ಳಲಾಗುತ್ತದೆ. ಆಗ ಈ ಸಮಸ್ಯೆ ಉದ್ಭವಿಸುವುದಿಲ್ಲ. ಇಲಾಖೆ ಸದಾ ಜನರ ಆರೋಗ್ಯದ ಕುರಿತು ಕಾಳಜಿ ವಹಿಸುತ್ತದೆ.</p>.<p class="Subhead">l ಸಂಗಣ್ಣ ಎಸ್. ಹಡಗಲಿ, <span class="Designate">ಕಕ್ಕೇರಾ</span><br /><strong>ಪಟ್ಟಣ ಆಸ್ಪತ್ರೆಯಲ್ಲಿ ಕಡಿಮೆ ಸಿಬ್ಬಂದಿಗಳಿದ್ದಾರೆ. ಹೆಚ್ಚಿಸಿ.</strong></p>.<p>ಉ: ಪ್ರಸ್ತುತ ಒಬ್ಬರು ವೈದ್ಯರು ಕಾರ್ಯನಿರ್ವಹಿ ಸುತ್ತಿದ್ದಾರೆ. ಕೆಲವೇ ದಿನದಲ್ಲಿ ಆಯುಷ್ ವೈದ್ಯರನ್ನು ಮಂಜೂರು ಮಾಡಲಾಗುವುದು.</p>.<p class="Subhead">l ಚಂದ್ರಶೇಖರ ಚವ್ಹಾಣ, ನಾರಾಯಣಪುರ<strong><br />6 ಸಾವಿರ ಜನಸಂಖ್ಯೆ ಇರುವ ನಾರಾಯಣಪುರದಲ್ಲಿ ಆಸ್ಪತ್ರೆ ಇಲ್ಲ. ಮಂಜೂರು ಮಾಡಿಸಿ.</strong></p>.<p>ಉ: ನಾರಾಣಪುರ ಮತ್ತು ಆಲಮಟ್ಟಿಯಲ್ಲಿ ಯುಕೆಪಿ ಆಸ್ಪತ್ರೆ ಇದೆ. ಅದು ನಮ್ಮ ವ್ಯಾಪ್ತಿಗೆ ಬರುವು ದಿಲ್ಲ. ಹೀಗಾಗಿ ಅಲ್ಲಿ ಆಸ್ಪತ್ರೆ ನಿರ್ಮಿಸುವ ಬಗ್ಗೆ ಜಿಲ್ಲಾಧಿಕಾರಿಯೊಂದಿಗೆ ಚರ್ಚಿಸುತ್ತೇನೆ. ಇಲಾಖೆ ಮೇಲಾಧಿಕಾರಿಗಳಿಗೆ ಪತ್ರ ಬರೆದು ಆಸ್ಪತ್ರೆ ನಿರ್ಮಿಸಲು ಕ್ರಮ ಕೈಗೊಳ್ಳಲಾಗುವುದು.</p>.<p class="Subhead">l ಉಸ್ತಾದ್ ವಜಾಹತ್ ಹುಸೇನ್, <span class="Designate">ಸುರಪುರ</span><br /><strong>ನಗರದ ಹಳೆ ಆಸ್ಪತ್ರೆಯಲ್ಲಿ ಗರ್ಭಿಣಿಯರಿಗೆ ಚಿಕಿತ್ಸೆ ಸಿಗುವಂತೆ ಮಾಡಿ.</strong></p>.<p>ಉ: ನಗರ ಆರೋಗ್ಯ ಕೇಂದ್ರದಲ್ಲಿ ಹೆರಿಗೆಗೆ ಅವಕಾಶ ಇಲ್ಲ. ತುರ್ತು ಸಮಸ್ಯೆ ಇದ್ದರೆ 108ಕ್ಕೆ ಕರೆ ಮಾಡಿ ವಾಹನ ಬಂದು ಜಿಲ್ಲಾ ಆಸ್ಪತ್ರೆಗೆ ಕರೆದುಕೊಂಡು ಹೋಗುತ್ತದೆ. ಅಲ್ಲಿ ಸೂಕ್ತ ಚಿಕಿತ್ಸೆ ನೀಡಲಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಯಾದಗಿರಿ</strong>: ‘ಪ್ರಜಾವಾಣಿ’ ಯಾದಗಿರಿ ಕಚೇರಿಯಲ್ಲಿ ಸೋಮವಾರ ಹಮ್ಮಿಕೊಂಡಿದ್ದ ಫೋನ್ ಇನ್ ಕಾರ್ಯಕ್ರಮದಲ್ಲಿ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿ ಮಲ್ಲನಗೌಡ ಎಸ್.ಪಾಟೀಲ ಅವರಿಗೆ ಜಿಲ್ಲೆಯ ವಿವಿಧೆಡೆಯಿಂದ ನಿರೀಕ್ಷೆಗಳು ಮೀರಿ ಕರೆಗಳು ಬಂದವು.</p>.<p>ಆರೋಗ್ಯ ಇಲಾಖೆಯಲ್ಲಿ ಕೈಗೊಂಡಸುಧಾರಣೆ ಕ್ರಮ, ಆರೋಗ್ಯ ಕ್ಷೇತ್ರದಲ್ಲಿನ ಹೊಸ ವಿಧಾನ, ಸಾಂಕ್ರಾಮಿಕ ರೋಗಗಳಿಂದ ರಕ್ಷಣೆ, ವೈದ್ಯರ ಕೊರತೆ, ಆಸ್ಪತ್ರೆ ಸ್ವಚ್ಛತೆ ಸೇರಿದಂತೆ ವಿವಿಧ ವಿಷಯಗಳ ಬಗ್ಗೆ ಸಾರ್ವಜನಿಕರು ಕೇಳಿದ ಪ್ರಶ್ನೆಗಳಿಗೆ ಡಿಎಚ್ಒ ಅವರು ಸಮಾಧಾನದಿಂದ ಉತ್ತರಿಸಿದರು.</p>.<p class="Subhead">l ಆರ್.ವಿಶ್ವನಾಥರೆಡ್ಡಿ, <span class="Designate">ಅಬ್ಬೆತುಮಕೂರ</span><br /><strong>ಸಾಂಕ್ರಾಮಿಕ ರೋಗ ಹೇಗೆ ತಡೆಗಟ್ಟಬೇಕು?</strong></p>.<p>ಉ: ಮನೆ ಅಕ್ಕಪಕ್ಕದಲ್ಲಿ ಕೊಳಚೆ ನೀರು ನಿಲ್ಲದಂತೆ ಕ್ರಮ ಕೈಗೊಳ್ಳಿ. ಆಶಾ, ಕಿರಿಯ ಆರೋಗ್ಯ ಸಹಾಯಕರು ಮನೆ ಮನೆಗೆ ಭೇಟಿ ನೀಡಿ ಲಾರ್ವಾ ಪತ್ತೆ ಹಚ್ಚುತ್ತಿದ್ದಾರೆ. ಮಲೇರಿಯಾ ಹೆಚ್ಚಿದ್ದರೆ ಆ ಭಾಗದಲ್ಲಿ ಔಷಧ ಸಿಂಪಡಿಸಲಾಗುವುದು. ಜಾಗೃತಿ ಇದ್ದಷ್ಟು ಸಾಂಕ್ರಾಮಿಕ ರೋಗ ನಿವಾರಣೆ ಸಾಧ್ಯ.</p>.<p class="Subhead">l ಸಂಗನಗೌಡ, <span class="Designate">ರಾಜನಕೋಳೂರ</span><br /><strong>ಜಿಲ್ಲಾ, ತಾಲ್ಲೂಕು ಮಟ್ಟದಲ್ಲಿ ವಿಕಲಚೇತರಿಗೆ, ಶ್ರವಣ ದೋಷ ಉಳ್ಳವರಿಗೆ ಏನು ಸೌಲಭ್ಯ ಇದೆ.</strong></p>.<p>ಉ: ಜಿಲ್ಲೆಯಲ್ಲಿ ತಜ್ಞ ವೈದ್ಯರ ಕೊರತೆ ಇದೆ. ಶ್ರವಣ ದೋಷಕ್ಕೆ ಸಂಬಂಧಿಸಿದ ಪರಿಣಿತರು ಅರ್ಜಿ ಸಲ್ಲಿಸಿದರೆ ನೇಮಕ ಮಾಡಿಕೊಂಡು ಜನರ ಸಮಸ್ಯೆ ಬಗೆಹರಿಸುತ್ತೇನೆ.</p>.<p class="Subhead">l ಶ್ರೀಕಾಂತ, <span class="Designate">ಯಾದಗಿರಿ</span><br /><strong>ಜಿಲ್ಲೆಯಲ್ಲಿ ಅಪಘಾತ ಸಂಭವಿಸಿದರೆ ಜಿಲ್ಲಾ ಆಸ್ಪತ್ರೆಯಲ್ಲಿ ಸೂಕ್ತ ಚಿಕಿತ್ಸೆ ವ್ಯವಸ್ಥೆ ಇಲ್ಲ. ವೈದ್ಯರು ಕಲಬುರ್ಗಿ, ರಾಯಚೂರಿಗೆ ಹೋಗಿ ಎನ್ನುತ್ತಾರೆ.</strong></p>.<p>ಉ: ಅರ್ಥೋಪೆಡಿಷನ್ (ಎಲುಬಿನ ಚಿಕಿತ್ಸೆ) ವೈದ್ಯರ ಕೊರತೆ ಇರುವುದರಿಂದ ಚಿಕಿತ್ಸೆಗೆ ಸಮಸ್ಯೆ ಆಗುತ್ತಿದೆ. ಈ ಸಂಬಂಧ ಜಿಲ್ಲಾಧಿಕಾರಿಯೊಂದಿಗೆ ಚರ್ಚಿಸಿ ಸಂಬಂಧಿಸಿದ ವೈದ್ಯರನ್ನು ನೇಮಕ ಮಾಡಿಕೊಳ್ಳುವಂತೆ ಮನವಿ ಮಾಡುತ್ತೇನೆ. ಎರಡು ತಿಂಗಳಲ್ಲಿ ಸಮಸ್ಯೆ ಬಗೆಹರಿಸಲಾಗುವುದು.</p>.<p class="Subhead">l ಶಿವರಾಜ ಪಾಟೀಲ, <span class="Designate">ಸುರಪುರ</span><br /><strong>ಜಿಲ್ಲೆಯಲ್ಲಿ ಡೆಂಗಿ, ಚಿಕೂನ್ಗುನ್ಯಾ ಪ್ರಕರಣ ಹೆಚ್ಚಾಗಿದೆ. ಇಲಾಖೆ ವತಿಯಿಂದ ಏನು ಕ್ರಮ ಕೈಗೊಳ್ಳಲಾಗಿದೆ</strong>.</p>.<p>ಉ: ಈ ವರ್ಷ ಡೆಂಗಿ ಮತ್ತೆ ಚಿಕೂನ್ಗುನ್ಯಾ ಪ್ರಕರಣಗಳು ಹೆಚ್ಚಾಗಿವೆ. 248 ಜನರಲ್ಲಿ ಡೆಂಗಿ ದೃಢಪಟ್ಟಿದೆ. ಜನರು ವಾಸಿಸುವ ಪ್ರದೇಶದಲ್ಲಿ ಸೊಳ್ಳೆ ಉತ್ಪತ್ತಿಯಾಗದಂತೆ ನೋಡಿಕೊಳ್ಳಿ. ನೀರು ಸಂಗ್ರಹಿಸಿದ ಮೇಲೆ ಮುಚ್ಚಿ. ಮುಂಜಾಗೃತೆ ವಹಿಸಿ.</p>.<p class="Subhead">l ಜುಮ್ಮಣ್ಣ, <span class="Designate">ಹುಣಸಗಿ</span><br /><strong>ಶ್ರೀನಿವಾಸಪುರ ಆಸ್ಪತ್ರೆಯಲ್ಲಿ ವೈದ್ಯರ ಕೊರತೆ ಇದೆ. ಇದನ್ನು ಬಗೆಹರಿಸಿ.</strong></p>.<p>ಉ: ಜಿಲ್ಲೆಯ ಎಲ್ಲ ಆಸ್ಪತ್ರೆಗಳಲ್ಲಿ ಹೊಸ ವೈದ್ಯರ ನೇಮಕ ಮಾಡಲಾಗಿದೆ. ವೈದ್ಯರ ಹಾಜರಾತಿಗೆ ಬಯೋ ಮೆಟ್ರಿಕ್ ಅಳವಡಿಸಲಾಗಿದೆ. ಎಲ್ಲ ಸಮಯದಲ್ಲೂ ರೋಗಿಗಳನ್ನು ಪರೀಕ್ಷಿಸಲು ವೈದ್ಯರು ಸಿಗುತ್ತಾರೆ. ಶೀಘ್ರವೇ ಹೊಸ ವೈದ್ಯರನ್ನು ನೇಮಿಸುತ್ತೇವೆ.</p>.<p class="Subhead">l ಅಭಿಷೇಕ ದಾಸನಕೇರಿ, <span class="Designate">ಯಾದಗಿರಿ</span><br /><strong>ಜಿಲ್ಲೆಯ ಆರೋಗ್ಯ ಇಲಾಖೆಯಲ್ಲಿ ಏನು ಸುಧಾರಣೆ ಕೈಗೊಂಡಿದ್ದಿರಿ.</strong></p>.<p>ಉ: ವೈದ್ಯರ ಹಾಜರಾತಿ ಕಡ್ಡಾಯಗೊಳಿಸಲಾಗಿದೆ. ವೈದ್ಯರು ಕೆಲಸಕ್ಕೆ ಹಾಜರಾಗುತ್ತಿರುವ ಕುರಿತು ಆನ್ಲೈನ್ ಮೂಲಕ ಮಾಹಿತಿ ದಾಖಲಿಸಲಾಗುತ್ತಿದೆ. ಔಷಧಿ ಬೇಕಾದರೆ ಸ್ಟೋರ್ನಿಂದ ತರಿಸಿಕೊಂಡು ಚಿಕಿತ್ಸೆ ನೀಡಲಾಗುತ್ತಿದೆ. ಚೀಟಿ ಬರೆದುಕೊಡುವುದನ್ನು ನಿಷೇಧಿಸಲಾಗಿದೆ.</p>.<p class="Subhead">l ಸೋಮಶೇಖರ, <span class="Designate">ರಾಜನಕೋಳೂರ</span><br /><strong>ರಾಜನಕೋಳೂರ ತಾಂಡಾದಲ್ಲಿ ಡೆಂಗಿ ಪ್ರಕರಣ ಹೆಚ್ಚಾಗಿವೆ. ಏನು ಕ್ರಮ ವಹಿಸಿದ್ದಿರಿ.</strong></p>.<p>ಉ: ತಾಂಡಾದಲ್ಲಿ ಲಾರ್ವಾ ಸರ್ವೆ ನಡೆಸಲಾಗಿದೆ. ಸೊಳ್ಳೆ ಕಚ್ಚದಂತೆ ಎಚ್ಚರಿಕೆ ವಹಿಸಿ. ಡೆಂಗಿ ಪೀಡಿತ ಇಲ್ಲಿನ ನಿವಾಸಿಗಳಿಗೆ ಶಹಾಪುರ, ಕಲಬುರ್ಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ನೀಡಲಾಗಿದೆ. ರಾಜನಕೋಳೂರು ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಆ್ಯಂಬುಲೆನ್ಸ್ ವ್ಯವಸ್ಥೆ ಕಲ್ಪಿಸಲಾಗಿದೆ.</p>.<p class="Subhead">l ರಮೇಶ ಬಿರಾದಾರ, <span class="Designate">ಕೊಡೆಕಲ್ಲ</span><br /><strong>ಆಸ್ಪತ್ರೆಗಳು ಸ್ವಂತ ಔಷಧಿ ಖರೀದಿಸುವಂತೆ ಇಲಾಖೆ ಪ್ರಧಾನ ಕಾರ್ಯದರ್ಶಿ ಅವರು ಸುತ್ತೋಲೆ ಹೊರಡಿಸಿದ್ದಾರೆ. ಏನು ಕ್ರಮ ಕೈಗೊಳ್ಳಲಾಗಿದೆ.</strong></p>.<p>ಉ: ತಾಲ್ಲೂಕು ಆಸ್ಪತ್ರೆಗಳಿಗೆ ₹ 2 ಲಕ್ಷ, ಜಿಲ್ಲಾ ಆಸ್ಪತ್ರೆಗೆ ₹ 5 ಲಕ್ಷ ವೆಚ್ಚದಲ್ಲಿ ಔಷಧಿ ಖರೀದಿಗೆ ಅನುಮತಿ ನೀಡಲಾಗಿದೆ. ಇದನ್ನು ಜಿಲ್ಲೆಯಲ್ಲಿ ಕಟ್ಟುನಿಟ್ಟಾಗಿ ಜಾರಿಗೆ ತರಲಾಗುವುದು. ಇನ್ನ ಮೇಲೆ ಯಾವುದೇ ಆಸ್ಪತ್ರೆಯಲ್ಲಿ ಔಷಧಿ ಚೀಟಿ ಬರೆದರೆ ನನ್ನ ಗಮನಕ್ಕೆ ತನ್ನಿ. ಸೂಕ್ತ ಕ್ರಮಕೈಗೊಳ್ಳುತ್ತೇನೆ.</p>.<p class="Subhead">l ಸಂಗಮೇಶ, <span class="Designate">ಕೆಂಭಾವಿ</span><br /><strong>ಜಿಲ್ಲಾ ಆಸ್ಪತ್ರೆಯಲ್ಲಿ ಸ್ವಚ್ಛತೆ ಕೊರತೆ ಇದೆ. ಅದನ್ನು ಪರಿಹರಿಸಿ.</strong></p>.<p>ಉ: ಬಳಸಿದ ವಸ್ತುಗಳನ್ನು ಆಸ್ಪತ್ರೆಯಲ್ಲಿ ಬಿಸಾಡು ವುದಿಲ್ಲ. ಮುಂಜಾಗೃತೆ ದೃಷ್ಟಿಯಿಂದ ಅದನ್ನು ಕಾಮನ್ ಟ್ರೀಟ್ಮೆಂಟ್ ಪ್ಲಾಂಟ್ ವಿಲೇವಾರಿ ಮಾಡಲಾಗುತ್ತಿದೆ. ಸ್ವಚ್ಛತೆಗೆ ಮೊದಲ ಆದ್ಯತೆ ನೀಡಿದ್ದೇವೆ.</p>.<p class="Subhead">l ಪ್ರಥಮ, <span class="Designate">ಯಾದಗಿರಿ</span><br /><strong>ಜಿಲ್ಲಾ ಆಸ್ಪತ್ರೆಯಲ್ಲಿ ವೈದ್ಯರು ಸರಿಯಾಗಿ ಚಿಕಿತ್ಸೆ ನೀಡುತ್ತಿಲ್ಲ. ಗರ್ಭಿಣಿಯರಿಗೆ ಸಮಸ್ಯೆಯಾಗುತ್ತಿದೆ. ಅವರ ವಿರುದ್ಧ ಕ್ರಮ ಕೈಗೊಳ್ಳಿ.</strong></p>.<p>ಉ: ಗರ್ಭಿಣಿ ಮಹಿಳೆಯರನ್ನು ಲ್ಯಾಬ್ ಟೆಕ್ನಿಷಿಯನ್ ಅವರೇ ಪರೀಕ್ಷೆ ನಡೆಸುತ್ತಾರೆ. ಈ ಬಗ್ಗೆ ಜನರಿಗೆ ವೈದ್ಯರ ಮೇಲೆ ಅನುಮಾನವಿದ್ದರೆ ಆಸ್ಪತ್ರೆಯ ಹೆಲ್ತ್ ಡೆಸ್ಕ್ನಲ್ಲಿ ದೂರು ಬರೆದು ಹಾಕಿ. ಖಂಡಿತ ಕ್ರಮ ಕೈಗೊಳ್ಳುತ್ತೇನೆ.</p>.<p class="Subhead">l ಶಾಂತಪ್ಪ ಖಾನಳ್ಳಿ, <span class="Designate">ಯಾದಗಿರಿ</span><br /><strong>ರೋಗಿಗಳು ತುರ್ತು ಚಿಕಿತ್ಸೆಗೆ ಅಂತ ಬಂದಾಗ ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ಸಿಗುವಂತೆ ಮಾಡಿ.</strong></p>.<p>ಉ: ಆಸ್ಪತ್ರೆಗೆ ಹೆಚ್ಚು ವೈದ್ಯರನ್ನು ನೇಮಿಸಲು ಪ್ರಸ್ತಾವನೆ ಸಲ್ಲಿಸಿದ್ದೇನೆ. ಕೆಲವೇ ದಿನಗಳಲ್ಲಿ ಈ ಸಮಸ್ಯೆಗೆ ಪರಿಹಾರ ಸಿಗಲಿದೆ. ಮೆಡಿಕಲ್ ಕಾಲೇಜು ಆರಂಭವಾಗುತ್ತಿರುವುದರಿಂದ ಎಲ್ಲ ಖಾಯಿಲೆಗೂ ಸೂಕ್ತ ಚಿಕಿತ್ಸೆ ಸಿಗಲಿದೆ.</p>.<p class="Subhead">l ಭೀಮರಾಯ, <span class="Designate">ಹೊಸಳ್ಳಿ</span><br /><strong>ಜಿಲ್ಲಾಸ್ಪತ್ರೆ ಇದ್ದರೂ ವೈದ್ಯರು ಬೇರೆ ಆಸ್ಪತ್ರೆಗೆ ಕಳುಹಿಸುತ್ತಿದ್ದಾರೆ. ಏಕೆ ಈ ಸಮಸ್ಯೆ.</strong></p>.<p>ಉ: ಖಾಯಿಲೆಗಳಿಗೆ ಸಂಬಂಧಿಸಿದ ವೈದ್ಯರು ಇಲ್ಲದಿದ್ದಾಗ ಹೀಗೆ ಮಾಡಲಾಗುತ್ತದೆ. ಶೀಘ್ರವೇ ಹೆಚ್ಚುವರಿ ವೈದ್ಯರನ್ನು ನೇಮಕ ಮಾಡಿಕೊಳ್ಳಲಾಗುತ್ತದೆ. ಆಗ ಈ ಸಮಸ್ಯೆ ಉದ್ಭವಿಸುವುದಿಲ್ಲ. ಇಲಾಖೆ ಸದಾ ಜನರ ಆರೋಗ್ಯದ ಕುರಿತು ಕಾಳಜಿ ವಹಿಸುತ್ತದೆ.</p>.<p class="Subhead">l ಸಂಗಣ್ಣ ಎಸ್. ಹಡಗಲಿ, <span class="Designate">ಕಕ್ಕೇರಾ</span><br /><strong>ಪಟ್ಟಣ ಆಸ್ಪತ್ರೆಯಲ್ಲಿ ಕಡಿಮೆ ಸಿಬ್ಬಂದಿಗಳಿದ್ದಾರೆ. ಹೆಚ್ಚಿಸಿ.</strong></p>.<p>ಉ: ಪ್ರಸ್ತುತ ಒಬ್ಬರು ವೈದ್ಯರು ಕಾರ್ಯನಿರ್ವಹಿ ಸುತ್ತಿದ್ದಾರೆ. ಕೆಲವೇ ದಿನದಲ್ಲಿ ಆಯುಷ್ ವೈದ್ಯರನ್ನು ಮಂಜೂರು ಮಾಡಲಾಗುವುದು.</p>.<p class="Subhead">l ಚಂದ್ರಶೇಖರ ಚವ್ಹಾಣ, ನಾರಾಯಣಪುರ<strong><br />6 ಸಾವಿರ ಜನಸಂಖ್ಯೆ ಇರುವ ನಾರಾಯಣಪುರದಲ್ಲಿ ಆಸ್ಪತ್ರೆ ಇಲ್ಲ. ಮಂಜೂರು ಮಾಡಿಸಿ.</strong></p>.<p>ಉ: ನಾರಾಣಪುರ ಮತ್ತು ಆಲಮಟ್ಟಿಯಲ್ಲಿ ಯುಕೆಪಿ ಆಸ್ಪತ್ರೆ ಇದೆ. ಅದು ನಮ್ಮ ವ್ಯಾಪ್ತಿಗೆ ಬರುವು ದಿಲ್ಲ. ಹೀಗಾಗಿ ಅಲ್ಲಿ ಆಸ್ಪತ್ರೆ ನಿರ್ಮಿಸುವ ಬಗ್ಗೆ ಜಿಲ್ಲಾಧಿಕಾರಿಯೊಂದಿಗೆ ಚರ್ಚಿಸುತ್ತೇನೆ. ಇಲಾಖೆ ಮೇಲಾಧಿಕಾರಿಗಳಿಗೆ ಪತ್ರ ಬರೆದು ಆಸ್ಪತ್ರೆ ನಿರ್ಮಿಸಲು ಕ್ರಮ ಕೈಗೊಳ್ಳಲಾಗುವುದು.</p>.<p class="Subhead">l ಉಸ್ತಾದ್ ವಜಾಹತ್ ಹುಸೇನ್, <span class="Designate">ಸುರಪುರ</span><br /><strong>ನಗರದ ಹಳೆ ಆಸ್ಪತ್ರೆಯಲ್ಲಿ ಗರ್ಭಿಣಿಯರಿಗೆ ಚಿಕಿತ್ಸೆ ಸಿಗುವಂತೆ ಮಾಡಿ.</strong></p>.<p>ಉ: ನಗರ ಆರೋಗ್ಯ ಕೇಂದ್ರದಲ್ಲಿ ಹೆರಿಗೆಗೆ ಅವಕಾಶ ಇಲ್ಲ. ತುರ್ತು ಸಮಸ್ಯೆ ಇದ್ದರೆ 108ಕ್ಕೆ ಕರೆ ಮಾಡಿ ವಾಹನ ಬಂದು ಜಿಲ್ಲಾ ಆಸ್ಪತ್ರೆಗೆ ಕರೆದುಕೊಂಡು ಹೋಗುತ್ತದೆ. ಅಲ್ಲಿ ಸೂಕ್ತ ಚಿಕಿತ್ಸೆ ನೀಡಲಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>