ಯಾದಗಿರಿ: ನಗರ ಸೇರಿದಂತೆ ಜಿಲ್ಲೆಯಲ್ಲಿ ವಿವಿಧೆಡೆ ಭಾನುವಾರ ಸಂಜೆ ತುಂತುರು ಮಳೆಯಾಗಿದೆ.
5ರಿಂದ 10 ನಿಮಿಷಗಳ ಕಾಲ ನಗರದಲ್ಲಿ ಮಳೆ ಸುರಿಯಿತು. ನಗರದಲ್ಲಿ ಸ್ವಲ್ಪ ಮಳೆ, ಮೋಡವಾದರೂ ವಿದ್ಯುತ್ ಕಟ್‌ ಆಗುತ್ತಿದೆ. ಹಲವಾರು ಗಂಟೆಗಳ ಕಾಲ ವಿದ್ಯುತ್ ಕಡಿತದಿಂದ ನಗರ ನಿವಾಸಿಗಳು ಪರದಾಡಿದರು.
ತಾಲ್ಲೂಕಿನ ಸೈದಾಪುರದಲ್ಲಿ ಅರ್ಧ ಗಂಟೆ ಗುಡುಗು ಸಿಡಿಲು ಸಹಿತ ಮಳೆಯಾಗಿದೆ. ಗುರುಮಠಕಲ್‌, ಕೆಂಭಾವಿಯಲ್ಲಿ ತುಂತುರು ಮಳೆ ಸುರಿದಿದೆ. ವಡಗೇರಾ ಪಟ್ಟಣದಲ್ಲಿ ಒಂದೂವರೆ ಗಂಟೆ ಮಳೆಯಾಗಿದೆ.
ಪಟ್ಟಣದ ಪರಿಶಿಷ್ಟ ಜಾತಿ ಬಡಾವಣೆಯಲ್ಲಿ ಮಳೆ ನೀರಿನಿಂದಾಗಿ ಮನೆಯೊಂದು ಸೋರುತ್ತಿದ್ದು, ಮಳೆ ನೀರಿಗೆ ಮನೆಯವರು ಪಾತ್ರೆಗಳನ್ನು ಇಟ್ಟಿದ್ದರು.
