‘ಮತದಾರರ ಪಟ್ಟಿ ಗೊಂದಲ ನಿವಾರಿಸಿ’

ಯಾದಗಿರಿ: ಮತದಾರರ ಯಾದಿಯಲ್ಲಿ ಗೊಂದಲ ನಿವಾರಣೆ ಮಾಡಿ ನಮ್ಮ ಮನೆಯ ಹತ್ತಿರ ಇರುವ ಮತಗಟ್ಟೆಯಲ್ಲಿಯೇ ಮತದಾನ ಮಾಡುವಂತೆ ಮಾಡಲು ಅವಕಾಶ ಮಾಡಿಕೊಡಿ ಎಂದು ಕೆಂಭಾವಿ ಪಟ್ಟಣದ ನಿವಾಸಿಗಳು ತಹಶೀಲ್ದಾರ್ಗೆ ಮನವಿ ಮಾಡಿದರು.

. ಪಟ್ಟಣದ ವಿವಿಧ ಮತಗಟ್ಟೆಗಳಿಗೆ ಈಚೆಗೆ ಭೇಟಿ ನೀಡಿದ ತಹಶೀಲ್ದಾರ್ ಸುಬ್ಬಣ್ಣ ಜಮಖಂಡಿ ಅವರಿಗೆ ಮನವಿ ಮಾಡಿದ ಮತದಾರರು ಮತ್ತು ಮುಖಂಡರು, ಹಲವು ಮತಗಟ್ಟೆಗಳು ದೂರವಾಗುವ ಪ್ರಯುಕ್ತ ನಾವು ಮತದಾನದಿಂದ ವಂಚಿತರಾಗುತ್ತಿದೇವೆ ಎಂದು ಪಟ್ಟಣದ ಕೆಂಚಮ್ಮ ದೇವಿ ಗುಡಿ ಹತ್ತಿರ ಇರುವ ಹರಿಜನ ಬಡಾವಣೆಯಲ್ಲಿ ಮತದಾರರು ಅಳಲು ತೋಡಿಕೊಂಡರು.

. ಮತಗಟ್ಟೆ ಸಂಖ್ಯೆ ನಂ. 94, 95, 96, 97 ಹಾಗೂ 98 ಸೇರಿದಂತೆ 107,108 ಮತಗಟ್ಟೆಗಳಲ್ಲಿನ ಮತದಾರರರು ತಹಶೀಲ್ದಾರ್ ಅವರಿಗೆ ಮನವಿ ಮಾಡಿಕೊಂಡಿದ್ದಾರೆ.

. ಮತದಾರರ ಯಾದಿಯಲ್ಲಿ ಬಹಳಷ್ಟು ಗೊಂದಲವಿದೆ. ನಮ್ಮ ಮನೆ ಇರುವುದು 1ನೇ ಮತಗಟ್ಟೆಯಲ್ಲಿ. ನಾವು ಮತ ಹಾಕಬೇಕಾದದ್ದು ಮತ್ತೊಂದು ಮತಗಟ್ಟೆಯಲ್ಲಿ. ಅಲ್ಲಿಯ ಮತದಾರರು ಇಲ್ಲಿಗೆ ಬಂದು ಮತದಾನ ಮಾಡಬೇಕಾಗಿದೆ. ಇದರಿಂದ ಮತದಾನದ ಪ್ರಮಾಣ ಸಂಪೂರ್ಣವಾಗಿ ಕಡಿಮೆಯಾಗುವ ಸಂಭವವಿದೆ. ವಿಧಾನಸಭೆ ಮತ್ತು ಲೋಕಸಭೆ ಚುನಾವಣೆಗಳಲ್ಲಿ ಮತದಾರರಿಗೆ ಚುನಾವಣಾ ಗುರುತಿನ ಚೀಟಿಗಳು ಬಂದು ತಲುಪದ ಕಾರಣ ಮತದಾನವಾಗಿಲ್ಲ. ಮತದಾನಕ್ಕೆ ಹೋಗುವುದು ಇಲ್ಲ. ಅದೇ ಪುರಸಭೆ ಚುನಾವಣೆಯಲ್ಲಿ ನಮ್ಮ ಮತದಾನದ ಅವಶ್ಯಕತೆ ಇರುತ್ತದೆ. ಆ ಸಂದರ್ಭದಲ್ಲಿ ಸರಿಯಾಗಿ ನಮ್ಮ ಮನೆ ಹತ್ತಿರ ಇರುವ ಮತಗಟ್ಟೆಗೆ ಅಲ್ಲಿಯೇ ನಮ್ಮ ಹೆಸರು ಬರುವಂತೆ ಮಾಡಿ ಮತದಾನ ಮಾಡಿಸಿಕೊಳ್ಳುತ್ತಾರೆ ಎಂದರು.

. ಅದೇ ಪ್ರಕಾರವೇ ಮತದಾರ ಪಟ್ಟಿ ಸಿದ್ಧಪಡಿಸಬೇಕು. ಪತಿಯ ಹೆಸರು ಕ್ರಮ ಸಂಖ್ಯೆ ಒಂದರಲ್ಲಿದ್ದರೆ, ಪತ್ನಿಯ ಹೆಸರು ಕ್ರಮ ಸಂಖ್ಯೆ 300ರಲ್ಲಿ ಇರುತ್ತದೆ. ಇದು ಸರಿಯಲ್ಲ.ಈ ಕುರಿತು ನಾವು ಮತಗಟ್ಟೆ ಅಧಿಕಾರಿಗಳಿಗೆ ಮನವಿ ಮಾಡುತ್ತಲೇ ಬಂದಿದ್ದೇವೆ. ಇದನ್ನು ಸರಿಪಡಿಸಲು ಅವರಿಂದ ಇನ್ನೂವರೆಗೂ ಆಗಿಲ್ಲ ಎಂದರು.

. ಕೆಂಗೇರಿಯ ಸುಡುಗಾಡ ಸಿದ್ದರ ಬಡಾವಣೆಯಲ್ಲಿ ನಮ್ಮ ಮನೆಯಿದೆ. ಎಸ್ಬಿಸಿ ಕ್ಯಾಂಪಿನಲ್ಲಿ ನಾವು ಮತದಾನ ಮಾಡಬೇಕಿದೆ. 2 ಕಿಲೋಮೀಟರ್ ಅಂತರಕ್ಕೆ ಹೋಗಿ ಮತದಾನ ಮಾಡಬೇಕು. ಮನೆ ಇರುವುದು ಆಶ್ರಯ ಕಾಲೊನಿಯಲ್ಲಿ, ಸಂಜೀವನಗರಕ್ಕೆ ಹೋಗಿ ಮತದಾನ ಮಾಡಬೇಕು. ಅಲ್ಲಿ ಮತಗಟ್ಟೆ ಸ್ಥಾಪನೆ ಮಾಡಲು ಬೇಕಾಗುವಷ್ಟು ಮತದಾರರು ಇದ್ದರೂ ಅಲ್ಲಿ ಮತಗಟ್ಟೆ ಸ್ಥಾಪನೆ ಮಾಡಲು ಅಧಿಕಾರಿಗಳು ಈ ಕೆಲಸ ಮಾಡುತ್ತಿಲ್ಲ. ಅದರಲ್ಲಿ ಜನಪ್ರತಿನಿಧಿಗಳ ನಿರ್ಲಕ್ಷ್ಯವೇ ಕಾರಣವೆಂದು ವಾಸ್ತವ ಸಮಸ್ಯೆಯನ್ನು ತಹಶೀಲ್ದಾರ್ ಗಮನಕ್ಕೆ ತಂದರು.

. ಮತದಾರರ ಯಾದಿಯಲ್ಲಿ ಮೃತಪಟ್ಟವರು, ವರ್ಗಾವಣೆಯಾಗಿ ಹೋದವರು ಅವರ ಹೆಸರುಗಳು ಹಾಗೆ ಮುಂದುವರಿದಿದೆ. ಇವುಗಳನ್ನು ತೆಗೆದು ಹಾಕಬೇಕು. ಕೆಂಭಾವಿ ಪಟ್ಟಣದಲ್ಲಿ ಜನಸಂಖ್ಯೆಗಿಂತ ಮತದಾರರೇ ಜಾಸ್ತಿ ಇದ್ದಾರೆ. ಮತದಾನ ಪ್ರಮಾಣ ಜಾಸ್ತಿಯಾಗುವ ಸಲುವಾಗಿ ಸರ್ಕಾರ ಸಾಕಷ್ಟು ಯೋಜನೆಗಳನ್ನು ರೂಪಿಸಿದೆ. ಆದರೆ, ಅದು ಇಲ್ಲಿ ಅದು ಜಾರಿ ಬರುತ್ತಿಲ್ಲ. ಈ ಬಗ್ಗೆ ಜಿಲ್ಲಾಧಿಕಾರಿ ಖುದ್ದು ಪರಿಶೀಲನೆ ಮಾಡಿ, ಇಲ್ಲಿ ಮತದಾನ ಪ್ರಮಾಣ ಜಾಸ್ತಿಯಾಗುವಂತೆ ಮಾಡಬೇಕೆಂದು ನಾಗರಿಕರು ಒತ್ತಾಯಿಸಿದರು.

. ಉಪತಹಶೀಲ್ದಾರ್ ಅವಿನಾಶ, ಕಂದಾಯ ನಿರೀಕ್ಷಕ ರಾಜಾಸಾಬ್ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಮತದಾರರ ಪಟ್ಟಿ ಗೊಂದಲ ನಿವಾರಿಸಿ’

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!