ತಾಲ್ಲೂಕು ಘಟಕದ ಅಧ್ಯಕ್ಷ ಜಗದೀಶ ಶಾಖಾನವರ ಮಾತನಾಡಿ, ‘ರಾಜ್ಯ ಸಮಿತಿ ಆದೇಶದ ಮೇರೆಗೆ ಕಸದ ಗಾಡಿಯ ಚಾಲಕರು, ನೀರು ಸರಬರಾಜು ಸಹಾಯಕರು, ಒಳಚರಂಡಿ ಕಾರ್ಮಿಕರು ಮುಂತಾದ ಹೊರಗುತ್ತಿಗೆ ನೌಕರರು ಕರ್ತವ್ಯ ನಿರ್ವಹಿಸದೆ ಬೇಡಿಕೆ ಈಡೇರುವ ವರೆಗೆ ಧರಣಿ ನಡೆಸುತ್ತಿದ್ದೇವೆ’ ಎಂದರು.
‘ಹೊರಗುತ್ತಿಗೆ ನೌಕರರಿಗೆ ಪೌರಕಾರ್ಮಿಕರ ಮಾದರಿಯಲ್ಲಿ ನೇರ ಪಾವತಿಗೆ ಒಳಪಡಿಸಬೇಕು. ಹಂತ ಹಂತವಾಗಿ ಸೇವೆ ಕಾಯಂಗೊಳಿಸಬೇಕು. ನಮ್ಮನ್ನು ನಗರಸಭೆ ಮಲತಾಯಿ ಮಕ್ಕಳಂತೆ ನೋಡಿಕೊಳ್ಳುತ್ತಿದೆ. ಇದರಿಂದ ನಮ್ಮ ಸಂಸಾರ ನಿರ್ವಹಣೆ ತೊಂದರೆಯಾಗಿದೆ’ ಎಂದರು.
ನಗರಸಭೆ ಎಇಇ ಶಾಂತಪ್ಪ ಅವರಿಗೆ ಮನವಿ ಸಲ್ಲಿಸಲಾಯಿತು.
ಗೌರವಾಧ್ಯಕ್ಷ ಮೌನೇಶ ಕಟ್ಟಿಮನಿ, ಪ್ರಧಾನ ಕಾರ್ಯದರ್ಶಿ ಶರಣಬಸವ ಮಲ್ಲಿಭಾವಿ, ಅಯ್ಯಣ್ಣ ಪುಜಾರಿ, ಅನಿಲಕುಮಾರ ನಾಯಕ, ಬಸವರಾಜ ರತ್ತಾಳ, ಸತೀಶಕುಮಾರ ನಾಯಕ, ಗೋಪಾಲ ಸತ್ಯಂಪೇಟೆ, ಮಹ್ಮದ್ ಅನ್ವರ್‍ಸಾಬ, ರಾಘವೇಂದ್ರ ಸುರಪುರಕರ, ಮಲ್ಲಿಕಾರ್ಜುನ ಉಲ್ಪೇನವರ, ನಾಗರಾಜ ನಾಯಕ, ವಿನೋದ ಬಲ್ಲಿದವ, ಪರಶುರಾಮ ಪುಜಾರಿ, ವೆಂಕಟೇಶ ಪುಜಾರಿ, ಬಸವರಾಜ ನಾಯಕ ಇದ್ದರು.
