ಯಾದಗಿರಿ: ಜಿಲ್ಲೆಯ ವಡಗೇರಾ ತಾಲ್ಲೂಕಿನ ಬೆಂಡಬೆಂಬಳಿ ಗ್ರಾಮದಲ್ಲಿ ಕೋವಿಡ್ ಲಸಿಕೆ ನೀಡಲು ತೆರಳಿದ ಆರೋಗ್ಯ ಸಿಬ್ಬಂದಿ ಮೇಲೆ ವ್ಯಕ್ತಿಯೊಬ್ಬರು ಹಲ್ಲೆಗೆ ಯತ್ನಿಸಿರುವ ಘಟನೆಯ ವಿಡಿಯೊ ವೈರಲ್ ಆಗಿದೆ.
ಕುಡಿದ ಮತ್ತಿನಲ್ಲಿದ್ದ ವ್ಯಕ್ತಿ ಬಡಿಗೆ ಹಿಡಿದುಕೊಂಡು ಹೊಡೆಯಲು ಮುಂದು ಓಡಿ ಹೋಗಿದ್ದಾನೆ. ಕುಡುಕನ ಕಾಟದಿಂದ ಬೇಸತ್ತು ಸ್ಥಳದಿಂದ ಸಿಬ್ಬಂದಿ ಬೇರೆ ಕಡೆ ತೆರಳಿದ್ದಾರೆ. ಕೋವಿಡ್ ಲಸಿಕೆ ನೀಡಲು ಹೋದವರಿಗೆ ಜೀವ ಬೆದರಿಕೆ ಹಾಕಿ ಕುಡಿದ ಮತ್ತಿನಲ್ಲಿ ರಾದ್ದಾಂತ ಮಾಡಿದ್ದಾನೆ.
ನಮ್ಮ ಹತ್ತಿರ ಬರಬೇಡಿ. ನಮ್ಮ ಏರಿಯಾಕ್ಕೆ ಬಂದರೆ ಬಡಿಗೆಯಿಂದ ಹೊಡೆಯುತ್ತೇನೆ. ವಿಡಿಯೊ ಜಿಲ್ಲಾಧಿಕಾರಿಗೆ ಕಳುಹಿಸಿ. ಡಿಸಿ ಬರಲಿ ನಾನು ಭಯಪಡಲ್ಲ ಎಂದು ಬೆದರಿಕೆ ಹಾಕಿ ಹಲ್ಲೆಗೆ ಯತ್ನಿಸಿದ್ದಾನೆ.
ಈ ಕುರಿತು ಆರ್ ಸಿಎಚ್ ಒ ಡಾ.ಲಕ್ಷ್ಮಿಕಾಂತ ಪ್ರತಿಕ್ರಿಯಿಸಿ, 'ಈಗ ವೈರಲ್ ಆಗಿರುವ ವಿಡಿಯೊ ಎರಡು ತಿಂಗಳ ಹಿಂದಿನದು. ಈಗ ಯಾಕೊ ಹರಿಬಿಟ್ಟಿದ್ದಾರೊ ಗೊತ್ತಿಲ್ಲ' ಎಂದರು.