‘ನವೋದಯ’ ಪ್ರವೇಶ ಪರೀಕ್ಷೆಪ್ರಶ್ನೋತ್ತರ ಮಾದರಿ

ಹಿಂದಿನ ಎರಡು ಸಂಚಿಕೆಗಳಲ್ಲಿ ಜವಾಹರ ನವೋದಯ ವಿದ್ಯಾಲಯಗಳ ಬಗ್ಗೆ ಕಿರು ಪರಿಚಯ, ಪ್ರವೇಶ ಪ್ರಕ್ರಿಯೆ, ಪ್ರವೇಶ ಪರೀಕ್ಷೆಗಳು, ಪ್ರಶ್ನೆಗಳ ವಿಭಾಗಗಳು, ಪ್ರಶ್ನೆಪತ್ರಿಕೆಗಳ ಮಾದರಿಗಳ ಬಗ್ಗೆ ಸಂಕ್ಷಿಪ್ತವಾಗಿ ವಿವರಿಸಲಾಗಿತ್ತು.

. 6ನೆಯ ತರಗತಿಯ ಪ್ರವೇಶ ಪರೀಕ್ಷೆಯ ‘ಮಾನಸಿಕ ಸಾಮರ್ಥ್ಯ’ ಪರೀಕ್ಷೆಯ ಪ್ರಶ್ನೆ ಪತ್ರಿಕೆಯ ಮಾದರಿ ಹಾಗೂ ಕೆಲವು ಉದಾಹರಣೆಗಳನ್ನು ನೋಡಿದ್ದೇವೆ. ಅದರ ಮುಂದುವರಿದ ಭಾಗವೇ ಈ ಲೇಖನ.

. ಈ ವಿಭಾಗದಲ್ಲಿ 10 ಭಾಗಗಳಿರುತ್ತವೆ. ಹಿಂದಿನಸಂಚಿಕೆಯಲ್ಲಿ ಮೊದಲ ಎರಡು ಭಾಗಗಳ ಬಗ್ಗೆ ತಿಳಿದು ಕೊಂಡೆವು. ಈ ಸಂಚಿಕೆಯಲ್ಲಿ ಉಳಿದ ಭಾಗಗಳ ಬಗ್ಗೆ ಅರಿಯೋಣ. ಇದರ ನಂತರ ‘ಅಂಕ ಗಣಿತ’ ವಿಭಾಗದ ಪ್ರಶ್ನೆಗಳನ್ನು ನೋಡೋಣ.

. ಮಾನಸಿಕ ಸಾಮರ್ಥ್ಯ ಪರೀಕ್ಷೆ – ಭಾಗ 3

. ಈ ಕೆಳಗೆ ಕೊಟ್ಟಿರುವ ಚಿತ್ರಗಳಲ್ಲಿ ಎಡಬದಿಗೆ ಚೌಕ ಅಥವಾ ವೃತ್ತದ ಒಂದು ಭಾಗವವಿದೆ. ಅದರ ಮಿಕ್ಕ ಭಾಗವನ್ನು ಬಲಬದಿಗೆ ಕೊಡಲಾಗಿದ್ದು, A,B,C,D ಆಕೃತಿಗಳಲ್ಲಿ ಗುರುತಿಸಲಾಗಿದೆ. ಬಲಬದಿಯ ಆಕೃತಿಗಳಲ್ಲಿ ಯಾವ ಚಿತ್ರವು ಎಡಬದಿಯ ಆಕೃತಿಯನ್ನು ಪೂರ್ಣಗೊಳಿಸಲು (ದಿಶೆಯನ್ನು ಬದಲಿಸದೆ) ಸಮರ್ಪಕವಾಗುವುದೋ ಆ ಆಕೃತಿಯನ್ನು ಕಂಡುಹಿಡಿದು ಉತ್ತರಿಸಬೇಕು.

. ಉದಾಹರಣೆಗೆ,

. ಈ ಮೇಲಿನ ಚಿತ್ರವನ್ನು ಗಮನಿಸಿ. ಇಲ್ಲಿ ಎಡಬದಿಯಲ್ಲಿ (ದೊಡ್ಡದಾಗಿ) ಕೊಟ್ಟಿರುವ ಚಿತ್ರದಲ್ಲಿನ ಕೆಳಭಾಗದ ಚೌಕವು ಖಾಲಿಯಾಗಿದೆ. ಈ ಖಾಲಿಯಾಗಿರುವ ಜಾಗದಲ್ಲಿ ಬಲಭಾಗದ ಆಯ್ಕೆಯ ( A,B,C,D ) ಯಾವ ಚಿತ್ರವನ್ನು ತುಂಬಿಸಿದರೆ ಚಿತ್ರವು ಪೂರ್ಣವಾಗುವುದು?

. ಇದಕ್ಕೆ ಉತ್ತರ ಕಂಡುಹಿಡಿಯುವುದು ಸುಲಭ ಅಲ್ಲವೇ? ಎಡಭಾಗದ ಚಿತ್ರವು ನಾಲ್ಕು ಭಾಗಗಳಿಂದ ಕೂಡಿದೆ ಎಂದು ಗಮನಿಸಿದ್ದೀರಿ. ಪ್ರತಿ ಭಾಗವನ್ನು ತುಂಬಿರುವ ಚಿತ್ರಗಳನ್ನು ಗಮನಿಸಿ.

. ಈಗ ಖಾಲಿಯಿರುವ ಜಾಗದಲ್ಲಿ ತುಂಬ ಬೇಕಾದ ಚಿತ್ರವನ್ನು ಕಂಡುಹಿಡಿಯುವುದು ಸುಲಭವಲ್ಲವೇ? ಇಲ್ಲಿ ಸರಿ ಉತ್ತರ (D) ಆಗುತ್ತದೆ ಅಲ್ಲವೇ?

. ಮತ್ತೊಂದು ಉದಾಹರಣೆಯನ್ನು ನೋಡೋಣ.

. ಇಲ್ಲಿಯೂ ಸಹ ಮೊದಲಿನಂತೆಯೇ, ಪ್ರಶ್ನೆಯಲ್ಲಿರುವ ಚಿತ್ರವನ್ನು ನಾಲ್ಕು ಭಾಗಗಳಾಗಿ ವಿಂಗಡಿಸಿಕೊಂಡು ನೋಡಲು ಪ್ರಯತ್ನಿಸಿ. ಆಗ ಈ ಚಿತ್ರವು ಎಡಭಗದಲ್ಲಿರುವಂತೆ ಕಾಣುತ್ತದೆ.

. ಈಗ ಇದನ್ನು ಗಮನಿಸಿ, ಈ ಚಿತ್ರವನ್ನು ಪೂರ್ಣಗೊಳಿಸುವ ಸರಿಯಾದ ಆಯ್ಕೆ ಯಾವುದೆಂದು ನೀವೇ ಹೇಳಬಹುದಲ್ಲವೇ?

. ಈ ರೀತಿಯ ಪ್ರಶ್ನೆಗಳಿಗೆ ಉತ್ತರಿಸಲು ಮೇಲೆ ತಿಳಿಸಿದಂತೆ ಪ್ರಶ್ನೆಯಲ್ಲಿ ಕೊಟ್ಟಿರುವ ಚಿತ್ರವನ್ನು ಸಮಾನ ಭಾಗಗಳಾಗಿ ದೃಶ್ಯೀಕರಿಸಿಕೊಂಡು ಸುಲಭವಾಗಿ ಉತ್ತರಿಸಬಹುದು. ಸ್ವಲ್ಪ ಮಟ್ಟಿನ ಅಭ್ಯಾಸದಿಂದ ಈ ರೀತಿಯ ಪ್ರಶ್ನೆಗಳಿಗೆ ವೇಗವಾಗಿ ಉತ್ತರಿಸುವುದನ್ನು ಕಲಿಯಬಹುದು.

. ಮಾನಸಿಕ ಸಾಮರ್ಥ್ಯ ಪರೀಕ್ಷೆ –ಭಾಗ 4

. ಇಲ್ಲಿ, ಎಡಬದಿಗೆ ಮೂರು ಪ್ರಶ್ನೆ ರೂಪದ ಆಕೃತಿಗಳನ್ನು ಕೊಡಲಾಗಿರುತ್ತದೆ ಹಾಗೂ ನಾಲ್ಕನೆಯ ಆಕೃತಿಯ ಸ್ಥಾನವನ್ನು ಖಾಲಿ ಬಿಡಲಾಗಿರುತ್ತದೆ. ಈ ಪ್ರಶ್ನೆಯ ಆಕೃತಿಗಳು ಯಾವುದೋ ಒಂದು ಶ್ರೇಣಿಯಲ್ಲಿರುತ್ತವೆ. ಬಲ ಭಾಗದಲ್ಲಿ ಉತ್ತರ ರೂಪದಲ್ಲಿ ಕೊಟ್ಟಿರುವ A,B,C,D ಆಕೃತಿಗಳಲ್ಲಿ ಯಾವುದೋ ಒಂದು ಆಕೃತಿಯು ಪ್ರಶ್ನೆಯಲ್ಲಿರುವ ಖಾಲಿ ಜಾಗಕ್ಕೆ ಸರಿಯಾಗಿ ಹೊಂದಿಕೊಳ್ಳುವ ಚಿತ್ರವಾಗಿರುತ್ತದೆ. ಆ ಸರಿಯಾದ ಚಿತ್ರವನ್ನು ಕಂಡುಹಿಡಿದು ಉತ್ತರಿಸಬೇಕು.

. ಉದಾಹರಣೆಗೆ,

. ಇಲ್ಲಿ, ಎಡಭಾಗದ ಪ್ರಶ್ನೆಯಲ್ಲಿ ಮೂರು ಚಿತ್ರಗಳಿವೆ ಹಾಗೂ ಬಲಭಾಗದಲ್ಲಿ ಉತ್ತರದ ಆಯ್ಕೆಗಳಾಗಿ ( A,B,C, D ) ನಾಲ್ಕು ಚಿತ್ರಗಳಿವೆ.

. ಎಡಭಾಗದ ಪ್ರಶ್ನೆಯಲ್ಲಿನ ಮೂರು ಚಿತ್ರಗಳನ್ನು ಗಮನಿಸಿದರೆ, ಈ ಚಿತ್ರಗಳು ಚಕ್ರಾಕಾರವಾಗಿ ತಿರುಗುತ್ತಿವೆ ಎಂದು ತಿಳಿಯಬಹುದು ಅಲ್ಲವೇ? ಹಾಗೂ ಪ್ರತಿ ಚಲನೆಯಲ್ಲೂ ಒಂದು ನಿರ್ದಿಷ್ಟ ಬದಲಾವಣೆಯಾ ಗುತ್ತಿರುವುದು ಗೋಚರವಾಗುತ್ತದೆ.

. ಮೊದಲನೆಯ ಚಿತ್ರದಲ್ಲಿ ಮೇಲೆ ಅರ್ಧ ವೃತ್ತದ ಒಳಗೆ ಒಂದು ಸಣ್ಣ ವೃತ್ತವಿದೆ, ಕೆಳಗೆ ಪಂಚಭುಜಾಕೃತಿಯ ಒಳಗೆ ಒಂದು x ಇದೆ. ಎರಡನೆಯ ಚಿತ್ರವು ಚಲಿಸಿ ಅರ್ಧವೃತ್ತವು ಕೆಳಗೆ ಬಂದಿದೆ ಹಾಗೂ ಪಂಚ ಭುಜಾಕೃತಿಯ ಒಳಗೆ ಎರಡು x x ಇವೆ. ಹಾಗೆಯೇ ಮೂರನೆಯ ಚಿತ್ರವೂ ಚಲಿಸಿದೆ ಹಾಗೂ ಪಂಚಭುಜಾಕೃತಿಯಲ್ಲಿ ಮೂರು x x x ಇವೆ. ಹಾಗಾದರೆ ಈ ಚಿತ್ರವು ಇದೇ ರೀತಿಯಲ್ಲಿ ಚಲಿಸಿದಾಗ ನಾಲ್ಕನೆಯ ಬಾರಿ ಏನಾಗಬೇಕು? ನಾಲ್ಕನೆಯ ಬಾರಿ, ಚಿತ್ರವು ಚಲಿಸಿ ಅರ್ಧವೃತ್ತಾಕಾರವು ಕೆಳಗೆ ಬರಬೇಕು ಹಾಗೂ ಪಂಚಭುಜಾಕೃತಿಯಲ್ಲಿ ನಾಲ್ಕು x x x x ಗಳಿರಬೇಕಾಗುತ್ತದೆ ಅಲ್ಲವೇ? (ಏಕೆಂದರೆ ಪ್ರತಿ ಚಲನೆಯಲ್ಲಿಯೂ ಒಂದೊಂದು x ಗಳು ಹೆಚ್ಚುತ್ತಿವೆ!) ಆದ್ದರಿಂದ ಸರಿ ಉತ್ತರ C. ಎಷ್ಟು ಸುಲಭವಾಗಿದೆ ಅಲ್ವಾ !