ಒಗಟ್ಟಿನಿಂದ ಎದುರಿಸಿ, ಗೆಲುವು ಸಾಧಿಸುತ್ತೇವೆ: ಇ.ತುಕಾರಾಂ ಸಂದರ್ಶನ

ಚೆನ್ನಾಗಿದೆ. ಜೋಶ್‌ ಇದೆ. ಭವಿಷ್ಯಕ್ಕಾಗಿ ಒಳ್ಳೆ ಅಭ್ಯರ್ಥಿ ಸಿಕ್ಕಿದ್ದಾರೆ. ಪದವೀದರ, ನಾಲ್ಕು ಸಲ ಶಾಸಕ ಎಂಬುದು ಜನರ ಮನಸ್ಸಿನಲ್ಲಿದೆ. ಯಾವುದೇ ಪ್ರಕರಣಗಳು, ಕಳಂಕ ನಮ್ಮ ಅಭ್ಯರ್ಥಿಗಿಲ್ಲ ಎಂಬ ಖುಷಿ ಜನರಲ್ಲಿದೆ.

ಉಪ ಚುನಾವಣೆ ಯಾಕೆ ಎಂಬ ಉದ್ದೇಶದಿಂದ ಯುವಕರಿಗೆ ಟಿಕೆಟ್‌ ಕೇಳಿದೆವು. ಆದರೆ, ಹೈಕಮಾಂಡ್‌ ನೀವೇ ನಿಲ್ಲಿ ಎಂದು ಹೇಳಿತು. ಹೀಗಾಗಿ ನಾನೇ ಸ್ಪರ್ಧಿಸುತ್ತಿದ್ದೇನೆ. 

ಹಲವರು ಕೇಳಿದ್ದರು. ಆದರೆ, ಯಾರಾದರೂ ಒಬ್ಬರಿಗಷ್ಟೇ ಟಿಕೆಟ್‌ ಕೊಡಲು ಸಾಧ್ಯ. ಈ ಸಲ ಏನಾದರೂ ಮಾಡಿ ಗೆಲ್ಲಲೇ ಬೇಕು ಎಂದು ನನಗೆ ಟಿಕೆಟ್‌ ಕೊಡಲಾಗಿದೆ. ಎಲ್ಲರೂ ಒಟ್ಟಾಗಿದ್ದೇವೆ. ಒಟ್ಟಾಗಿ ಚುನಾವಣೆ ಎದುರಿಸುತ್ತೇವೆ. 

ಅವರು ಹಿಂದೆ ಇಲ್ಲಿ ಉಸ್ತುವಾರಿ ಸಚಿವರಾಗಿದ್ದವರು. ಬಡವರ ಪರ ಕೆಲಸ ಮಾಡಿದವರು. ಎಲ್ಲರೂ ಕಲೆತು ಕೆಲಸ ಮಾಡಬೇಕು ಎಂಬುದು ನಮ್ಮ ಉದ್ದೇಶ. ಹಲವರು ಅವರಿಷ್ಟದಂತೆ ಮಾತನಾಡುತ್ತಾರೆ. ಅದಕ್ಕೆ ನಾವು ತಲೆ ಕಡಿಸಿಕೊಳ್ಳದೇ ಮುಂದೆ ಸಾಗಬೇಕು. 

ನಾವು ನಮ್ಮ ಹೊಣೆಗಾರಿಕೆಗಳ ಬಗ್ಗೆ ಮಾತನಾಡಬೇಕು. ರಾಜಕೀಯ ಪುನರ್ಜನ್ಮ ಕೇಳುವ ಮಾತುಗಳಿಗೆ ನಾನು ಪ್ರತಿಕ್ರಿಯಿಸಲಾರೆ. ಆದರೆ, ಸೋನಿಯಾ ಗಾಂಧಿ ಅವರು ಇಲ್ಲಿಂದ ಗೆದ್ದ ಮೇಲೆ ₹3,300 ಕೋಟಿ ಪ್ಯಾಕೇಜ್‌ ಕೊಟ್ಟರು. ₹2,500 ಕೋಟಿಯ ಬಳ್ಳಾರಿ ಶಾಖೋತ್ಪನ್ನ ವಿದ್ಯುತ್ ಕೇಂದ್ರವನ್ನು ನೀಡಿದರು. ₹ 800 ಕೋಟಿಗೆ ಆರೋಗ್ಯ, ಶಿಕ್ಷಣ ಮೂಲಸೌಲಭ್ಯ ಅಭಿವೃದ್ಧಿ ಮಾಡಿದರು. ಜನಕ್ಕೆ ನ್ಯಾಯ ನೀಡಿದ್ದಾರೆ. ಆದರೆ ಹಿಂದಿನ ಸಂಸದರು ಯಾವುದೇ ಅಭಿವೃದ್ಧಿ ಕಾರ್ಯ ಮಾಡಿಲ್ಲ. ಈ ವಿಚಾರವನ್ನೇ ನಾವು ಚರ್ಚೆ ಮಾಡುತ್ತಿದ್ದೇವೆ.

ನಾನು 2008ರಿಂದ ಶಾಸಕ. ಅವತ್ತು ಜನಾರ್ದನ ರೆಡ್ಡಿ ಜತೆಗೆ ಎಲ್ಲರೂ ಇದ್ದರು. ಅವತ್ತಿನಿಂದ ಸತತವಾಗಿ ನಾನು ಗೆಲ್ಲುತ್ತಿದ್ದೇನೆ. ಅವರ ಸೇರ್ಪಡೆ ಏನೂ ಕೆಲಸ ಮಾಡುವುದಿಲ್ಲ. ಜನರಿಗೆ ಗೊತ್ತು ಯಾರನ್ನು ಗೆಲ್ಲಿಸಬೇಕು ಎಂಬುದು. ಚುನಾವಣೆಯಲ್ಲಿ ಅವರು ಸೂಕ್ತ ತೀರ್ಮಾನ ಮಾಡುತ್ತಾರೆ. 

ಬದುಕಿಗೆ ಬೇಕಾದದ್ದನ್ನು ನಾವು ಕೊಟ್ಟಿದ್ದೇವೆ. ಜನ ಸುಖವಾಗಿದ್ದಾರೆ. ಅವರ ಬದುಕು ನೆಮ್ಮದಿಯಾಗಿದೆ. ಅವರ ಭಾವನೆಗಳು ನಮಗೆ ಅನುಕೂಲಕಾರಿಯಾಗಿದೆ.

ಹಲವು ಕೆಲಸ ಅಪೂರ್ಣವಾಗಿವೆ. ಅವುಗಳತ್ತ ಗಮನ ಹರಿಸಬೇಕು. ಇಲ್ಲಿ ಗಣಿಗಾರಿಕೆ, ಉದ್ಯಮಗಳು ಇದ್ದರೂ ನಿರುದ್ಯೋಗ ಇದೆ. ಯುವಕರಲ್ಲಿ ಕೌಶಲ ಅಭಿವೃದ್ಧಿ ಮಾಡಬೇಕು. ಇಲ್ಲಿನ ಹಲವು ಮೇಲ್ಸೇತುವೆಗಳು ಬಾಕಿ ಇವೆ. ಅವುಗಳನ್ನು ತ್ವರಿತವಾಗಿ ಆರಂಭಿಸಬೇಕು. ಬಳ್ಳಾರಿ ಸ್ಮಾರ್ಟ್‌ ಸಿಟಿ ಮಾಡಬೇಕು. ತುಂಗಭದ್ರಾದಿಂದ ಬಳ್ಳಾರಿ ನಗರಕ್ಕೆ ನೀರು ಒದಗಿಸಬೇಕು.