ಪ್ರಜಾಪ್ರಭುತ್ವ, ಸಂವಿಧಾನ, ಚುನಾವಣೆಗಳ ಬಗ್ಗೆ ಓದಿದ್ದೆ. ಶಾಲೆ ಕಾಲೇಜಿನಲ್ಲಿ ಅಣಕು ಪ್ರದರ್ಶನ ಮಾಡಿದ್ದೆ. ಆದರೆ, ಈಗ ನಿಜವಾಗಿಯೂ ನಾನು ಮತದಾರಳು. ಈ ವಿಷಯ ನನ್ನಲ್ಲಿ ಹೆಮ್ಮೆ ಮೂಡಿಸಿದೆ. ಖಂಡಿತವಾಗಿ ನಾನು ನನ್ನ ಹಕ್ಕು ಚಲಾಯಿಸುತ್ತೇನೆ. ಶಿಕ್ಷಣದಲ್ಲಿ, ಉದ್ಯೋಗದಲ್ಲಿ ಹಿಂದುಳಿದಿದ್ದೇವೆ ಎಂದು ಹೇಳಿಕೊಳ್ಳುತ್ತ ಕೂಡುವ ಕಾಲ ಇದಲ್ಲ. ನಾವು ಸರಿಯಾದ ವ್ಯಕ್ತಿಗೆ ಮತ ಹಾಕಿ, ಸರಿಯಾದ ಸರ್ಕಾರ ಆಯ್ಕೆ ಮಾಡಿದರೆ ನಮ್ಮ ಸಮಸ್ಯೆಗಳು ನೀಗುತ್ತವೆ. ಈಗ ಆ ಹಕ್ಕು ನನಗೆ ಸಿಕ್ಕಿದೆ.