ಸ್ಟಾರ್‌ ಚಂದ್ರು ಸಂದರ್ಶನ: ಮಂಡ್ಯ– ಇಂಡಿಯಾ ನಡುವೆ ಕೊಂಡಿಯಾಗುವೆ

ಉದ್ಯಮ ಕ್ಷೇತ್ರದಿಂದ ರಾಜಕಾರಣಕ್ಕೆ ಪದಾರ್ಪಣೆ ಮಾಡಿರುವ ವೆಂಕಟರಮಣೇಗೌಡ (ಸ್ಟಾರ್ ಚಂದ್ರು) ಮಂಡ್ಯ ಕ್ಷೇತ್ರದ ಕಾಂಗ್ರೆಸ್ ಹುರಿಯಾಳು. ಮೈತ್ರಿ ಅಭ್ಯರ್ಥಿಯಾಗಿ ಎಚ್.ಡಿ.ಕುಮಾರಸ್ವಾಮಿ ಸ್ಪರ್ಧಿಸಿರುವ ಕಾರಣಕ್ಕೆ ಕ್ಷೇತ್ರ ರಾಜ್ಯದ ಗಮನ ಸೆಳೆಯುತ್ತಿದೆ. ಕ್ಷೇತ್ರದಾದ್ಯಂತ ಸುತ್ತಾಡುತ್ತಿರುವ ಚಂದ್ರು ‘ಪ್ರಜಾವಾಣಿ’ ಜೊತೆ ಮಾತನಾಡಿದ್ದಾರೆ.

. * ಜೆಡಿಎಸ್ ಅಭ್ಯರ್ಥಿ 2 ಬಾರಿ ಮುಖ್ಯಮಂತ್ರಿಯಾಗಿದ್ದಾರೆ, ನೀವು ಹೊಸಬರಲ್ಲವೇ?

. ನಮ್ಮ ಕುಟುಂಬದಲ್ಲಿ ಶಾಸಕರು, ಸಂಸದರಿದ್ದು ರಾಜಕಾರಣವನ್ನು ಹತ್ತಿರದಿಂದ ಕಂಡಿದ್ದೇನೆ. ಉದ್ಯಮಿಯಾಗಿ ರಾಜಕಾರಣಿಗಳ ಜೊತೆ ಬಾಂಧವ್ಯ ಹೊಂದಿದ್ದೇನೆ. ಹೀಗಾಗಿ ನಾನು ರಾಜಕಾರಣಕ್ಕೆ ಹೊಸಬನೇನೂ ಅಲ್ಲ. ಜೊತೆಗೆ ಹುಟ್ಟಿದಾಗಿನಿಂದಲೂ ಮಂಡ್ಯ ರಾಜಕಾರಣ ನೋಡಿಕೊಂಡೇ ಬೆಳೆದಿದ್ದೇನೆ. ಜಿಲ್ಲೆಯ ಸಮಗ್ರ ಚಿತ್ರಣವಿದೆ.

. * ಚುನಾವಣೆಯಲ್ಲಿ ‘ಕುಮಾರಸ್ವಾಮಿ ವಿರುದ್ಧ ಚಲುವರಾಯಸ್ವಾಮಿ’ ಎಂಬ ಸ್ಥಿತಿ ಇದೆ, ಅಭ್ಯರ್ಥಿಯಾಗಿ ನಿಮ್ಮ ಪಾತ್ರವೇನು?

. ಚಲುವರಾಯಸ್ವಾಮಿ ನನ್ನ ಹಿರಿಯಣ್ಣ. ಜಿಲ್ಲೆಯ ಶಾಸಕರು, ವಿಧಾನ ಪರಿಷತ್ ಸದಸ್ಯರು ನನಗೆ ಬೆಂಬಲವಾಗಿ ನಿಂತಿದ್ದಾರೆ. ಒಗ್ಗಟ್ಟಿನ ಬಲದ ಮೇಲೆ ನನಗೆ ನಂಬಿಕೆಯಿದೆ. ಈ ಚುನಾವಣೆ ನನ್ನದು ಎನ್ನುವುದಕ್ಕಿಂತ ನನ್ನ ನಾಯಕರದ್ದು ಎಂದು ತಿಳಿದಿದ್ದೇನೆ. ಎದುರಾಳಿ ಎಷ್ಟೇ ಶಕ್ತಿಯುತವಾಗಿದ್ದರೂ ಅವರನ್ನು ಒಗ್ಗಟ್ಟಿನಿಂದ ಎದುರಿಸುತ್ತಿದ್ದೇವೆ.

. * ‘ಒಕ್ಕಲಿಗರ ಪ್ರಶ್ನಾತೀತ ನಾಯಕ ಕುಮಾರಸ್ವಾಮಿ’ ಎಂಬ ಅಸ್ತ್ರ ಬಳಕೆಯಾಗುತ್ತಿದೆಯಲ್ಲಾ?

. ನಾನೂ ಒಕ್ಕಲಿಗನೇ. ಆದಿಚುಂಚನಗಿರಿ ಕಾಲೇಜಿನಲ್ಲಿ ಓದಿದ್ದೇನೆ, ನಿರ್ಮಲಾನಂದನಾಥ ಸ್ವಾಮೀಜಿ ಆಶೀರ್ವಾದ ಪಡೆದೇ ಸ್ಪರ್ಧಿಸಿದ್ದೇನೆ. ಒಕ್ಕಲಿಗರು ಕಾಂಗ್ರೆಸ್ ಪರ ನಿಲ್ಲುತ್ತಾರೆಂಬ ವಿಶ್ವಾಸವಿದೆ.

. * ‘ಮಂಡ್ಯ ಜೆಡಿಎಸ್ ಭದ್ರಕೋಟೆ’ ಎನ್ನುತ್ತಾರೆ. ಅವರಿಗೆ ಈಗ ಬಿಜೆಪಿ ಬೆಂಬಲವೂ ಇದೆ. ನಿಮಗೆ ಯಾರಿದ್ದಾರೆ?

. ಕ್ಷೇತ್ರ ಈಗ ಜೆಡಿಎಸ್ ಭದ್ರಕೋಟೆಯಾಗಿ ಉಳಿದಿಲ್ಲ. ಕಾಂಗ್ರೆಸ್ ಕೋಟೆಯಾಗಿ ಬದಲಾವಣೆಯಾಗಿದೆ. ನನ್ನ ಪರ ಜನರಿದ್ದಾರೆ, 7 ಶಾಸಕರು, ಮೂವರು ಎಂಎಲ್ಸಿಗಳಿದ್ದಾರೆ, ರಾಜ್ಯ ಸರ್ಕಾರದ ಜನಪರ ಆಡಳಿತ, ಗ್ಯಾರಂಟಿ ಯೋಜನೆಗಳ ಶಕ್ತಿ ಇದೆ. ಜಿಲ್ಲೆಯಲ್ಲಿ ಬಿಜೆಪಿಗೆ ನೆಲೆಯಿಲ್ಲ.

. * ನರೇಂದ್ರ ಮೋದಿ ಜೊತೆಗೆ ಎಚ್.ಡಿ.ದೇವೇಗೌಡರ ಅಲೆಯ ಮಾತೂ ಇದೆಯಲ್ಲಾ?

. ಮಂಡ್ಯ ಜನ ವಿಚಾರವಂತರು, ಸಾಮಾನ್ಯ ವ್ಯಕ್ತಿಗೂ ರಾಜಕಾರಣ ಗೊತ್ತಿದೆ. ಇಲ್ಲಿ ಯಾವುದೇ ಅಲೆಯೂ ನಡೆಯುವುದಿಲ್ಲ. ಪ್ರತಿ ಹಳ್ಳಿಯಲ್ಲೂ ರಾಜ್ಯ ಸರ್ಕಾರದ ಗ್ಯಾರಂಟಿ ಯೋಜನೆಗಳ ಬಗ್ಗೆ ಪ್ರೀತಿ ಇದೆ. ಕಾಂಗ್ರೆಸ್ ಗ್ಯಾರಂಟಿಗಳ ಅಲೆ ಇದೆ.

. * ಜನರು ನಿಮಗೇ ಏಕೆ ವೋಟು ಕೊಡಬೇಕು?

. ನಾನು ವಲಸೆ ಬಂದವನಲ್ಲ. ನಾಗಮಂಗಲದ ಕನ್ನಾಘಟ್ಟದಲ್ಲಿ ಹುಟ್ಟಿ ಬೆಳೆದು, ಬದುಕು ಅರಸಿ ಬೆಂಗಳೂರಿಗೆ ತೆರಳಿ, ಕಂಪನಿ ಕಟ್ಟಿ 4 ಸಾವಿರ ಮಂದಿಗೆ ಕೆಲಸ ಕೊಟ್ಟಿದ್ದೇನೆ. ಈಗ ಮಂಡ್ಯದಲ್ಲಿ ಮನೆ ಖರೀದಿಸಿ ಇಲ್ಲಿಯೇ ನೆಲೆಸಿದ್ದೇನೆ. ಮನೆಯ ಬಾಗಿಲು ಸದಾ ತೆರೆದಿರುತ್ತದೆ. ಮಂಡ್ಯ– ಇಂಡಿಯಾ ನಡುವೆ ಕೊಂಡಿಯಾಗಿರುತ್ತೇನೆ. ಸ್ಥಳೀಯನಾಗಿರುವ ಕಾರಣಕ್ಕೆ ನನಗೆ ವೋಟು ಕೊಡಬೇಕು.

. * ನಿಮ್ಮ ಹೆಸರಿನಲ್ಲಿರುವ ‘ಸ್ಟಾರ್’ ರಾಜಕಾರಣಕ್ಕೂ ಜೊತೆಯಾಗುವುದೇ?

. ನಾನು ಕಟ್ಟಿದ ಕಂಪನಿಯ ಹೆಸರು ಸ್ಟಾರ್ ಇನ್ಫೊಟೆಕ್, ಈ ಕಾರಣದಿಂದಾಗಿ ಸ್ಟಾರ್ ಹೆಸರು ಬಂದಿದೆ. ನನಗೆ ಅದೃಷ್ಟಕ್ಕಿಂತ ಪರಿಶ್ರಮದ ಮೇಲೆ ಹೆಚ್ಚು ನಂಬಿಕೆ ಇದೆ. ಜನಸೇವೆಗಾಗಿ ಸಿದ್ಧನಾಗಿ ಬಂದಿದ್ದೇನೆ, ಅರ್ಪಿಸಿಕೊಂಡು ಜನರ ಕೆಲಸ ಮಾಡುತ್ತೇನೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸ್ಟಾರ್‌ ಚಂದ್ರು ಸಂದರ್ಶನ: ಮಂಡ್ಯ– ಇಂಡಿಯಾ ನಡುವೆ ಕೊಂಡಿಯಾಗುವೆ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ