ಮೈಸೂರು: ಕುವೆಂಪುನಗರದ ಜ್ಞಾನಗಂಗಾ ಶಾಲೆಯಲ್ಲಿ ಜಿಲ್ಲೆಯ ಚುನಾವಣಾ ರಾಯಭಾರಿ, ಕ್ರಿಕೆಟಿಗ ಜಾವಗಲ್ ಶ್ರೀನಾಥ್ ಮತದಾನ ಮಾಡಿದರು.
ನಂತರ ಮಾತನಾಡಿ, 'ಎಲ್ಲೆಡೆ ಮತದಾನ ಪ್ರಕ್ರಿಯೆ ಚೆನ್ನಾಗಿ ಆಗುತ್ತಿದೆ. ಪ್ರತಿಯೊಬ್ಬರು ಮತದಾನ ಮಾಡಬೇಕು. ಬುದ್ದಿವಂತರೆನ್ನಿಸಿಕೊಂಡ ಯುವ ಮತದಾರರು ಯಾರು ಬಂದರೇನು? ಏನು ಬದಲಾಗಿಬಿಡುತ್ತದೆ? ಎಂಬ ಮನೋಭಾವ ಬಿಡಬೇಕು. ಪ್ರಜಾಪ್ರಭುತ್ವದಲ್ಲಿ ಪಾಲ್ಗೊಳ್ಳಬೇಕು' ಎಂದರು.
'ಮೊದಲ ಬಾರಿ ಮತ ಚಲಾಯಿಸುವವರಿಗೆ ದೇಶದ ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಭಾಗವಹಿಸುವ ಅಪೂರ್ವ ಅವಕಾಶವಿದು. ಯಾರು ಸರಿ? ಯಾರು ಬೇಕು? ಯಾರು ಬೇಡ? ಎಂಬ ವಿಷಯದ ಕುರಿತು ಚರ್ಚೆ ಮಾಡುವುದು ಪ್ರಜಾಪ್ರಭುತ್ವದಲ್ಲಿ ಬಹಳ ಮುಖ್ಯ. ಯುವ ಸಮುದಾಯಕ್ಕೆ ಬಹಳ ಜೀವನೋತ್ಸಾಹ ಇರುತ್ತದೆ. ಯೋಚಿಸಿ ಮತಚಲಾಯಿಸಬೇಕು' ಎಂದು ಕೋರಿದರು.
