ಬೆಂಗಳೂರು: ‘ದೃಶ್ಯಂ 2’ ಹಿಂದಿ ಚಿತ್ರದ ಶೂಟಿಂಗ್‌ ಸೆಟ್‌ನಲ್ಲಿ ತೆಗೆದ ಫೋಟೊವನ್ನು ನಟ ಅಜಯ್‌ ದೇವಗನ್‌ ಅವರು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
ಮಲಯಾಳಂ ಚಿತ್ರದ ರಿಮೇಕ್‌ನಲ್ಲಿ ಅಜಯ್‌ ದೇವಗನ್‌, ಶ್ರೇಯಾ ಶರಣ್‌, ಟಬು ಹಾಗೂ ಇಶಿತಾ ದತ್ತಾ ಅವರು ಅಭಿನಯಿಸಲಿದ್ದಾರೆ.
ನಟಿ ಶ್ರೇಯಾ ಶರಣ್‌, ನಿರ್ದೇಶಕ ಅಭಿಷೇಕ್‌ ಪಾಠಕ್‌ ಹಾಗೂ ಅಜಯ್‌ ದೇವಗನ್‌ ಅವರು ಶೂಟಿಂಗ್‌ನಲ್ಲಿ ತಲ್ಲೀಣರಾಗಿರುವುದು ಫೋಟೊದಲ್ಲಿ ಕಂಡುಬರುತ್ತದೆ.
‘ವಿಜಯ್ ತನ್ನ ಕುಟುಂಬವನ್ನು ಮತ್ತೆ ರಕ್ಷಿಸಬಹುದೇ? ದೃಶ್ಯಂ 2 ಚಿತ್ರೀಕರಣ ಪ್ರಾರಂಭವಾಗಿದೆ’ ಎಂದು ಅಜಯ್‌ ದೇವಗನ್‌ ಬರೆದುಕೊಂಡಿದ್ದಾರೆ. ಟಬು ಹಾಗೂ ಶ್ರೇಯಾ ಶರಣ್‌ ಅವರನ್ನು ಟ್ಯಾಗ್‌ ಮಾಡಿದ್ದಾರೆ.
ಮಲಯಾಳಂನ ‘ದೃಶ್ಯಂ 2’ ಚಿತ್ರದಲ್ಲಿ ಮೋಹನ್‌ ಲಾಲ್‌ ಮತ್ತು ಮೀನಾ ನಟಿಸಿದ್ದರು. ಇದನ್ನು ಜೀತು ಜೋಸೆಫ್‌ ನಿರ್ದೇಶಿಸಿದ್ದರು.
