ಕನ್ನಡದ ಚಿತ್ರರಂಗಕ್ಕೆ ವಿಭಿನ್ನ ಆಲೋಚನೆಯ ಹೊಸಬರ ತಂಡ ಪ್ರವೇಶ ಮುಂದುವರೆದಿದೆ. ಈ ಬಾರಿ ಅಂಥದ್ದೇ ಒಂದು ತಂಡ ‘ಅನಾಮಿಕ– ಅವರಿವರು ಕಂಡಂತೆ...’ ಎಂಬ ಚಿತ್ರದೊಂದಿಗೆ ಬಂದಿದೆ. ಚಿತ್ರದ ಟೀಸರ್‌ ಯೂ ಟ್ಯೂಬ್‌ನಲ್ಲಿ ಸದ್ದು ಮಾಡುತ್ತಿದೆ.
ಕ್ರೈಂ, ಸಸ್ಪೆನ್ಸ್, ಥ್ರಿಲ್ಲರ್‌ನಿಂದ ಕೂಡಿರುವ ಈ ಚಿತ್ರವು ಮೇ ತಿಂಗಳಲ್ಲಿ ತೆರೆಗೆ ಬರಲು ಸಿದ್ಧವಾಗಿದೆ. ಪ್ರವೀಣ್‌ ಸುತಾರ ನಿರ್ದೇಶಿಸಿರುವ ಈ ಚಿತ್ರಕ್ಕೆ ಪ್ರಸನ್ನ ಭೋಜಶೆಟ್ಟರ ಸಂಗೀತ ನೀಡಿದ್ದಾರೆ.
ತ್ರಿನೇತ್ರ ಸ್ಟುಡಿಯೊ ಬ್ಯಾನರ್‌ನಡಿ ಹೊರಬರುತ್ತಿರುವ ಈ ಚಿತ್ರದಲ್ಲಿ ವಿಜಯ್, ಪ್ರಸಾದ್, ಪ್ರೇಕ್ಷಾ, ಹರ್ಷ ಮುಂತಾದವರು ಅಭಿನಯಿಸಿದ್ದಾರೆ. ರಘುಚಂದ್ರ, ಸೂರ್ಯ, ಬಸು ಸಹನಿರ್ದೇಶನವಿದೆ. ನಿರ್ಮಾಪಕ ವಿಜಯ ಕಂಡೋಜಿ ಶಿವು ಮತ್ತು ಕ್ರೌಡ್ ಫಂಡಿಂಗ್ ಆಗಿರುವ ಈ ಚಿತ್ರವು ಕುತೂಹಲ ಹೆಚ್ಚಿಸಿದೆ.
