‘ಭಾಗಿ 3’ಯಲ್ಲಿ ಅಂಕಿತಾ ಲೋಖಂಡೆ

ಕಿರುತೆರೆಯಲ್ಲಿ ಭಾರಿ ಪ್ರಖ್ಯಾತ ಗಳಿಸಿದ್ದ ಅಂಕಿತಾ ಲೋಖಂಡೆ ಅವರಿಗೆ ಬಾಲಿವುಡ್‌ನಲ್ಲಿ ಇದು ಎರಡನೇ ಚಿತ್ರ. ‘ಈ ಪಾತ್ರ ಪ್ರೇಕ್ಷಕರಿಗೆ ಇಷ್ಟವಾಗಲಿದೆ ಎಂಬುದು ನನಗೆ ಗೊತ್ತು. ಈ ಹಿಂದಿನ ಎರಡು ಚಿತ್ರಗಳಿಗಿಂತ ಈ ಚಿತ್ರ ವಿಭಿನ್ನವಾಗಿರಲಿದ್ದು, ಭಾಗಿ–3 ಕೌಟುಂಬಿಕ ಪ್ರಧಾನ ಚಿತ್ರ’ ಎಂದು ಅಂಕಿತಾ ಹೇಳಿದ್ದಾರೆ.

ಇದನ್ನೂ ಓದಿ: ಮಣಿಕರ್ಣಿಕಾ ಸಿನಿಮಾ ವಿಮರ್ಶೆ: ಕಂಗನಾ ಪ್ರಭಾವಳಿಯಲ್ಲಿ ಉಳಿದವರೆಲ್ಲರೂ ಮಂಕು

‘ಇದರಲ್ಲಿ ನನ್ನದು ಆಪ್ತ ಸಂಬಂಧ ಹೊಂದಿರುವ ಸಹೋದರಿಯರಾಗಿ ನಟಿಸಿದ್ದೇವೆ. ಕಿರುತೆರೆಯಲ್ಲೂ ಈ ಥರ ಪಾತ್ರ ನಾನು ಮಾಡಿಲ್ಲ’ ಎಂದು ಹೇಳಿದ್ದಾರೆ.‘ಭಾಗಿ 3’ ಚಿತ್ರವನ್ನು ಅಹ್ಮದ್‌ ಖಾನ್‌ ನಿರ್ದೇಶಿಸುತ್ತಿದ್ದು, ಟೈಗರ್‌ ಶ್ರಾಫ್‌ ಹಾಗೂ ಶ್ರದ್ಧಾ ಕಪೂರ್‌ ಅವರೇ ಈ ಚಿತ್ರದಲ್ಲೂ ನಾಯಕ– ನಾಯಕಿಯರಾಗಿ ನಟಿಸಿದ್ದಾರೆ. ರಿತೇಶ್‌ ದೇಶ್‌ಮುಖ್‌ ಅವರು ಈ ಚಿತ್ರದಲ್ಲಿ ಟೈಗರ್‌ ಶ್ರಾಫ್‌ ಅವರ ಸಹೋದರನಾಗಿ ನಟಿಸಿದ್ದಾರೆ. ಈ ಚಿತ್ರ ನಿರ್ಮಾಣ ಮಾಡುತ್ತಿರುವವರು ಸಾಜಿದ್ ನಡಿಯಾವಾಲಾ. ಈ ಚಿತ್ರವು 2020ರ ಮಾರ್ಚ್‌ 6ರಂದು ಬಿಡುಗಡೆಯಾಗಲಿದೆ.