ಡಿ. ಇಮಾನ್‌ ಈ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದ್ದಾರೆ. ಮೋಷನ್‌ ಪೋಸ್ಟರ್‌ಗೆ ಅವರು ನೀಡಿದ್ದ ರೆಟ್ರೊ ಶೈಲಿಯ ಹಿನ್ನೆಲೆ ಸಂಗೀತ ರಜನಿಯ ಅಭಿಮಾನಿಗಳಲ್ಲಿ ಸಂತಸ ಮೂಡಿಸಿತ್ತು. ಅಂದಹಾಗೆ ‘ದರ್ಬಾರ್’ನಲ್ಲಿ ರಜನಿಗೆ ನಾಯಕಿಯಾಗಿದ್ದ ನಯನತಾರಾ ಅವರೇ ಈ ಚಿತ್ರದಲ್ಲೂ ‘ತಲೈವ’ನಿಗೆ ಜೋಡಿಯಾಗಿದ್ದಾರೆ. ಕೀರ್ತಿ ಸುರೇಶ್‌ ಅವರು ರಜನಿಯ ಪುತ್ರಿಯ ಪಾತ್ರದಲ್ಲಿ ನಟಿಸಿದ್ದಾರಂತೆ. ಉಳಿದಂತೆ ಖುಷ್ಬೂ, ಮೀನಾ, ಪ್ರಕಾಶ್‌ ರಾಜ್ ಮುಖ್ಯಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಹೈದರಾಬಾದ್‌ನ ರಾಮೋಜಿ ಫಿಲ್ಮ್‌ ಸಿಟಿಯಲ್ಲಿಯೇ ಚಿತ್ರದ ಬಹುತೇಕ ಭಾಗದ ಚಿತ್ರೀಕರಣ ನಡೆದಿದೆ.
