ಆಸ್ಕರ್‌ ಪ್ರವೇಶಿಸಿದ ‘ಚೆಲ್ಲೊ ಶೋ’ ಚಿತ್ರದ ಬಾಲ ನಟ ನಿಧನ

ರಾಹುಲ್‌ ಕುಟುಂಬ ಮೃತ ಬಾಲಕನಿಗೆ ಸ್ವಗ್ರಾಮ ಜಾಮ್‌ನಗರದ ಬಳಿಯ ಹಪದಲ್ಲಿ ಅಂತಿಮ ನಮನ ಸಲ್ಲಿಸಿದೆ. ‌ ರಾಹುಲ್‌ ತಂದೆ ರಾಮು ಆಟೊರಿಕ್ಷಾ ಚಾಲಕರು. ಮಗನ ಜೊತೆ ಸಿನಿಮಾ ನೋಡಲು ಕಾತುರರಾಗಿದ್ದರು. ಆದರೆ ವಿಧಿಯಾಟ ಬೇರೆಯೇ ಇತ್ತು.

‘ಅ.14ರ ಚಿತ್ರ ಬಿಡುಗಡೆ ನಂತರ ನಮ್ಮ ಬದುಕು ಬದಲಾಗಲಿದೆ ಎಂದು ಆತ ಖುಷಿಯಿಂದ ಹೇಳುತ್ತಿದ್ದ. ಅದಕ್ಕೂ ಮೊದಲೇ ಆತ ನಮ್ಮನ್ನು ಬಿಟ್ಟುಹೋಗಿದ್ದಾನೆ’ ಎಂದು ರಾಮು ಮಾಧ್ಯಮಗಳ ಎದುರು ದುಃಖ ತೋಡಿಕೊಂಡಿದ್ದಾರೆ.

ಇದನ್ನೂ ಓದಿ:₹95ಕ್ಕೆ ಆಸ್ಕರ್‌ ಪ್ರವೇಶ ಪಡೆದ ಭಾರತೀಯ ಚಿತ್ರ ಪ್ರದರ್ಶನ

ಆಸ್ಕರ್‌ 2023ಕ್ಕೆ ಅಧಿಕೃತ ಪ್ರವೇಶ ಪಡೆದ ಚಿತ್ರ ಗುರುವಾರ ತೆರೆಗೆ ಬರಲಿದೆ. ನಿರ್ದೇಶಕ ನಳಿನ್‌ ಪ್ಯಾನ್‌ ಮತ್ತು ಚಿತ್ರತಂಡ ಬಾಲಕನ ಅಂತಿಮ ದಿನಗಳಲ್ಲಿ ಆಸ್ಪತ್ರೆಯಲ್ಲಿ ಆತನ ಜೊತೆಗಿತ್ತು. ಆತನನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಸಿನಿಮಾದಲ್ಲಿ ಈತ ಮನು ಎಂಬ ಪಾತ್ರ ಮಾಡಿದ್ದ. ಈತ ಚಿತ್ರದ ನಾಯಕ ಸಮಯ್‌ನ ಸ್ನೇಹಿತನಾಗಿದ್ದ ಎಂದು ನಿರ್ದೇಶಕರು ಹೇಳಿದ್ದಾರೆ.

ಸಿನಿಮಾ ಕುರಿತು ಪ್ರೀತಿ ಹೊಂದಿರುವ ಹಳ್ಳಿ ಹುಡುಗನ ಕಥೆಯಿದು. 9 ವರ್ಷದ ಗುಜರಾತ್‌ನ ಗ್ರಾಮೀಣ ಭಾಗದ ಬಾಲಕನ ಕಥೆಯನ್ನು ಚಿತ್ರ ಹೇಳುತ್ತದೆ. ರಾಯ್‌ ಕಪೂರ್‌ ಫಿಲಂಸ್‌ ಚಿತ್ರದ ನಿರ್ಮಾಪಕರು. ವಿದೇಶದ ಆಯ್ದ ಚಿತ್ರಮಂದಿರಗಳಲ್ಲಿಯೂ ಚಿತ್ರ ಬಿಡುಗಡೆಗೊಳ್ಳಲಿದೆ.