ಮುಂಬೈ: ಮಹಾರಾಷ್ಟ್ರ ಸರ್ಕಾರದ ‘ದಾದಾಸಾಹೇಬ್‌ ಫಾಲ್ಕೆ ಇಂಟರ್‌ನ್ಯಾಷನಲ್‌ ಫಿಲಂ ಫೆಸ್ಟಿವಲ್‌ –2020’ ಭರವಸೆ ನಟ ಪ್ರಶಸ್ತಿಗೆ ಕನ್ನಡದ ಖ್ಯಾತ ನಟ ಕಿಚ್ಚ ಸುದೀಪ್ ಭಾಜನರಾಗಿದ್ದಾರೆ.
ಹನ್ನೊಂದು ವಿಭಾಗಗಳಲ್ಲಿ ಪ್ರಶಸ್ತಿ ಘೋಷಣೆಯಾಗಿದ್ದು, ‘ಮೋಸ್ಟ್ ಪ್ರಾಮಿಸಿಂಗ್‌ ಆಕ್ಟರ್‌’ ವಿಭಾಗದಲ್ಲಿ ಸುದೀಪ್ ಅವರು ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ದಬಾಂಗ್‌ ಸಿನಿಮಾದಲ್ಲಿನ ಅಭಿನಯಕ್ಕಾಗಿ ಈ ಪ್ರಶಸ್ತಿ ಸಂದಿದೆ. ಕಳೆದ ಜನವರಿ ತಿಂಗಳಲ್ಲಿ ಪ್ರಶಸ್ತಿ ಘೋಷಣೆ ಮಾಡಲಾಗಿತ್ತು.
ಗುರುವಾರ ರಾತ್ರಿ ಮುಂಬೈನಲ್ಲಿ ಆಯೋಜಿಸಿದ್ದ ಸಮಾರಂಭದಲ್ಲಿ ಸುದೀಪ್ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ’ಪ್ರಶಸ್ತಿ ಬಂದಿರುವುದಕ್ಕೆ ಖುಷಿಯಾಗಿದೆ. ಅಭಿಮಾನಿಗಳಿಗೆ ಧನ್ಯವಾದಗಳು’ ಎಂದು ಸುದೀಪ್ ಟ್ವಿಟರ್‌ನಲ್ಲಿ ಬರೆದುಕೊಂಡಿದ್ದಾರೆ.
Thank u all Frnzz,,media frnzz,,colleagues,, co stars,,my wonderful technicians frm cinema,,my Family,,my team n my staff,,, Its u all who make me feel complete,,,, Its u all who inspire me to do better. Its u all for whom I shall entertain with my best. Mch luv to u all. 🤗🤗🤗 pic.twitter.com/SB2xMug1wa
ಈ ಫಿಲಂ ಫೆಸ್ಟಿವಲ್‌ ಅವಾರ್ಡ್‌ನಲ್ಲಿ ಉತ್ತಮ ಸಿನಿಮಾ ಪುರಸ್ಕಾರಕ್ಕೆ ‘ಸೂಪರ್‌ 30’, ಉತ್ತಮ ನಟ ಪ್ರಶಸ್ತಿಗೆ ಹೃತಿಕ್‌ ರೋಷನ್ ಭಾಜನರಾದರು. ನಟನಟಿಯರಾದ ದಿಯಾ ಮಿರ್ಜಾ, ರಿತೇಷ್ ದೇಶ್‌ಮುಖ್‌, ಹರ್ಷದ್ ಚೋಪ್ಡಾ, ದಿವ್ಯಾಂಕ ತ್ರಿಪಾಠಿ ಈ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಪಾಲ್ಗೊಂಡಿದ್ದರು.
