ಧ್ವನಿ ವಿನ್ಯಾಸಕ, ಆಸ್ಕರ್ ಪ್ರಶಸ್ತಿ ಪುರಸ್ಕೃತ ರಸೂಲ್ ಪೂಕುಟ್ಟಿ ಅವರು ಡೊಳ್ಳು ಸಿನಿಮಾಕ್ಕೆ ಬೆಸ್ಟ್ ಆಡಿಯೋಗ್ರಫಿ (ಅತ್ಯುತ್ತಮ ಧ್ವನಿಗ್ರಹಣ) ವಿಭಾಗದಲ್ಲಿ ಪ್ರಶಸ್ತಿ ಸಿಕ್ಕಿರುವುದಕ್ಕೆ ಟ್ವಿಟರ್ನಲ್ಲಿ ಆಕ್ಷೇಪ ಎತ್ತಿದ್ದರು. ಇದು ಸಿಂಕ್ ಸೌಂಡ್ ಅಲ್ಲ. ಹಾಗಿದ್ದರೂ ಈ ಚಿತ್ರಕ್ಕೆ ಸಿಂಕ್ ಸೌಂಡ್ ವಿಭಾಗದಲ್ಲಿ ಪ್ರಶಸ್ತಿ ಹೇಗೆ ಕೊಟ್ಟರೋ ಗೊತ್ತಿಲ್ಲ. ತೀರ್ಪುಗಾರರಿಗೂ ಗೊತ್ತಾಗಲಿಲ್ಲವೇ ಎಂದು ಪ್ರಶ್ನಿಸಿದ್ದರು. ಜಾಲತಾಣದಲ್ಲಿ ಚರ್ಚೆ ಗಂಭೀರ ಸ್ವರೂಪ ಪಡೆಯುತ್ತಿದ್ದಂತೆಯೇ ಸಾಗರ್ ಪುರಾಣಿಕ್ ಸ್ಪಷ್ಟನೆ ನೀಡಿದರು.