ನಮ್ಮದು ಸಿಂಕ್‌ ಸೌಂಡ್‌ ಸಿನಿಮಾ ಅಲ್ಲ: ಸಾಗರ್‌ ಪುರಾಣಿಕ್‌

ವಿವಾದವೇನು?

ಧ್ವನಿ ವಿನ್ಯಾಸಕ, ಆಸ್ಕರ್‌ ಪ್ರಶಸ್ತಿ ಪುರಸ್ಕೃತ ರಸೂಲ್‌ ಪೂಕುಟ್ಟಿ ಅವರು ಡೊಳ್ಳು ಸಿನಿಮಾಕ್ಕೆ ಬೆಸ್ಟ್‌ ಆಡಿಯೋಗ್ರಫಿ (ಅತ್ಯುತ್ತಮ ಧ್ವನಿಗ್ರಹಣ) ವಿಭಾಗದಲ್ಲಿ ಪ್ರಶಸ್ತಿ ಸಿಕ್ಕಿರುವುದಕ್ಕೆ ಟ್ವಿಟರ್‌ನಲ್ಲಿ ಆಕ್ಷೇಪ ಎತ್ತಿದ್ದರು. ಇದು ಸಿಂಕ್‌ ಸೌಂಡ್‌ ಅಲ್ಲ. ಹಾಗಿದ್ದರೂ ಈ ಚಿತ್ರಕ್ಕೆ ಸಿಂಕ್‌ ಸೌಂಡ್‌ ವಿಭಾಗದಲ್ಲಿ ಪ್ರಶಸ್ತಿ ಹೇಗೆ ಕೊಟ್ಟರೋ ಗೊತ್ತಿಲ್ಲ. ತೀರ್ಪುಗಾರರಿಗೂ ಗೊತ್ತಾಗಲಿಲ್ಲವೇ ಎಂದು ಪ್ರಶ್ನಿಸಿದ್ದರು. ಜಾಲತಾಣದಲ್ಲಿ ಚರ್ಚೆ ಗಂಭೀರ ಸ್ವರೂಪ ಪಡೆಯುತ್ತಿದ್ದಂತೆಯೇ ಸಾಗರ್‌ ಪುರಾಣಿಕ್‌ ಸ್ಪಷ್ಟನೆ ನೀಡಿದರು.

ಕತ್ರಿನಾ ಕೈಫ್–ವಿಕ್ಕಿ ಕೌಶಲ್‌ಗೆ ಜೀವ ಬೆದರಿಕೆ: ವ್ಯಕ್ತಿ ಬಂಧನ

‘ನಾವು ಸಿಂಕ್‌ ಸೌಂಡ್‌ ವಿಭಾಗದಲ್ಲಿ ಅರ್ಜಿ ಸಲ್ಲಿಸಿಯೇ ಇಲ್ಲ. ನಮ್ಮದು ಧ್ವನಿ ಡಬ್‌ ಮಾಡಿರುವ ಸಿನಿಮಾ. ಇದಕ್ಕೆ ಡಬ್ಬಿಂಗ್‌ ಸ್ಟುಡಿಯೋದವರು, ಬೇರೆ ಚಿತ್ರಗಳ ಪ್ರಮುಖರೂ ಸಾಕ್ಷಿಯಾಗಿದ್ದಾರೆ. ಹಾಗಿದ್ದರೂ ಈ ಸಿನಿಮಾವನ್ನು ಸಿಂಕ್‌ ಸೌಂಡ್‌ ವಿಭಾಗದಲ್ಲಿ ಹೇಗೆ ಸೇರಿಸಿದರು ಎಂದೂ ಗೊತ್ತಿಲ್ಲ. ನಾವೂ ಪ್ರಶಸ್ತಿ ಸಮಿತಿಯ ಪ್ರತಿಕ್ರಿಯೆಗೆ ಕಾಯುತ್ತಿದ್ದೇವೆ’ ಎಂದು ಹೇಳಿದರು.

‘ನಾವು ಅರ್ಜಿ ಸಲ್ಲಿಸಿರುವ ದಾಖಲೆಗಳೂ ಇವೆ. ಬಹುಷ ಲಿಪಿಕಾರರ ತಪ್ಪಿನಿಂದ (ಕ್ಲರಿಕಲ್‌ ಎರರ್‌) ಹೀಗಾಗಿರಬಹುದು. ವಿಷಯವನ್ನು ನಾವೇ ಒಪ್ಪಿಕೊಂಡ ಮೇಲೆ ಅದನ್ನು ಬೆಳೆಸುವ ಅವಶ್ಯಕತೆಯಿಲ್ಲ’ ಎಂದು ಸಾಗರ್‌ ಹೇಳಿದರು.

ಮುಂಬೈ: ನಗ್ನ ಚಿತ್ರ ಪ್ರಕಟಿಸಿದ ರಣವೀರ್ ಸಿಂಗ್ ವಿರುದ್ಧ ಪೊಲೀಸರಿಗೆ ದೂರು