ಇದೇ ವೇಳೆ ಮಾತನಾಡಿದ ಸಲಗ ಚಿತ್ರದ ಸಹನಟ ಡಾಲಿ ಧನಂಜಯ, 'ಎ. 7ರ ಬಳಿಕವೂ ಚಿತ್ರ ಮಂದಿರಗಳಲ್ಲಿ ಶೇ 100ರಷ್ಟು ಸೀಟುಗಳ ಭರ್ತಿಗೆ ಸರ್ಕಾರ ಅವಕಾಶ ಕೊಡಲೇಬೇಕು. ಅನುಮತಿ ಕೊಡುವ ತನಕ ಸಲಗ ಸಿನಿಮಾ ಬಿಡುಗಡೆ ಮಾಡುವುದಿಲ್ಲ. ನಿರ್ದೇಶಕ ಹಾಗೂ ನಿರ್ಮಾಪಕರ ಬದುಕು ಜನರ ಸಿನಿಮಾ ವೀಕ್ಷಣೆಯ ಮೇಲೆ ಅವಲಂಬಿತವಾಗಿದೆ. ಸರ್ಕಾರ ನಿರ್ಬಂಧ ಸಡಲಿಸಿದ ಬಳಿಕವಷ್ಟೇ ಸಿನಿಮಾ ಬಿಡುಗಡೆ ಮಾಡಲಾಗುವುದು. ಒಂದೂವರೆ ವರ್ಷದಲ್ಲಿ ಸಿನಿಮಾ ರಂಗ ಸಾಕಷ್ಟು ಕಷ್ಟ ಅನುಭವಿಸಿದೆ. ಮುಂದೆಯೂ ಇದೇ ಕಷ್ಟ ಬೇಡ'ಎಂದರು.