ಚಿರಂಜೀವಿ ‘ವಾಯುಪುತ್ರ’ ಚಿತ್ರದ ಮೂಲಕ ಚಿತ್ರರಂಗ ಪ್ರವೇಶಿಸಿದರು. ‘ಗಂಡೆದೆ’, ‘ಚಿರು’, ‘ದಂಡಂ ದಶಗುಣಂ’, ‘ವರದನಾಯಕ’, ‘ಆಟಗಾರ’, ‘ಆಕೆ’, ‘ಸಂಹಾರ’, ‘ಅಮ್ಮ ಐ ಲವ್ ಯು’ ಸೇರಿದಂತೆ 22 ಸಿನಿಮಾಗಳಲ್ಲಿ ಅವರು ನಟಿಸಿದ್ದಾರೆ. ಇವರ ನಟನೆಯಲ್ಲಿ ತೆರೆಕಂಡಿದ್ದ ಕೊನೆಯ ಚಿತ್ರ ‘ಶಿವಾರ್ಜುನ’. ಇತ್ತೀಚೆಗೆ ಇವರು ರಮೇಶ್ ರಾಜ್ ನಿರ್ದೇಶನದ ‘ಧೀರಂ’ ಚಿತ್ರದಲ್ಲಿ ನಟಿಸಲು ಸಹಿ ಹಾಕಿದ್ದರು. ಇವರು ನಟಿಸುತ್ತಿದ್ದ ‘ಏಪ್ರಿಲ್’, ‘ರಾಜಮಾರ್ತಾಂಡ’ ಮತ್ತು ‘ಕ್ಷತ್ರಿಯ’ ಸಿನಿಮಾಗಳ ಶೂಟಿಂಗ್ ಕೊರೊನಾದಿಂದಾಗ ಸ್ಥಗಿತಗೊಂಡಿದ್ದವು.