ಕೊರೊನಾ ಕಾಲದಲ್ಲಿ ಚಿತ್ರಪ್ರೇಮಿಗಳ ಮನಗೆದ್ದ ಸಿನಿಮಾಗಳೆಂದರೆ ಒಂದು ದಿಯಾ, ಇನ್ನೊಂದು ಲವ್ ಮಾಕ್‌ಟೇಲ್‌. ದಿಯಾ ಸಿನಿಮಾದಲ್ಲಿ ನಾಯಕ; ಲವ್ ಮಾಕ್‌ಟೇಲ್‌ನಲ್ಲಿ ನಾಯಕಿ ಸಾವಿನೊಂದಿಗೆ ಸಿನಿಮಾಗಳು ಮುಕ್ತಾಯ ಕಂಡವು. ಎರಡೂ ಚಿತ್ರಗಳನ್ನು ನೋಡಿ ನೊಂದುಕೊಂಡವರು, ‘ದಿಯಾ’ ಹಿರೋಯಿನ್‌ಗೂ ‘ಲವ್ ಮಾಕ್‌ಟೇಲ್‌’ ಹಿರೋಗೂ ಮದುವೆ ಮಾಡಿಸಿದ್ರಾಯ್ತು ಅನ್ನೋ ಕಾಮೆಂಟ್‌ಗಳನ್ನು ಕೊಟ್ಟು ಸಮಾಧಾನಪಟ್ಟುಕೊಂಡಿದ್ದರು. ಆದರೆ ಆ ಸಿನಿಮಾಗಳಲ್ಲಿ ‘ಸತ್ತವರು’ ಇತ್ತೀಚೆಗೆ ಮಂಗಳೂರು ಕಡಲ ತೀರದಲ್ಲಿ ಸ್ವಚ್ಛಂದವಾಗಿ ವಿಹರಿಸುತ್ತಿದ್ದರು. ನೋಡಿದವರು ಮೂಗಿನ ಮೇಲೆ ಬೆರಳಿಟ್ಟುಕೊಂಡರು.
