ಬೆಂಗಳೂರು: ಬಾಲಿವುಡ್ ನಟ ಹೃತಿಕ್ ರೋಷನ್ ಹಾಗೂ ನಟಿ ಸಬಾ ಆಜಾದ್ ಕಳೆದ ಒಂದು ವರ್ಷದಿಂದ ಡೇಟಿಂಗ್‌ನಲ್ಲಿದ್ದಾರೆ. ಈ ಜೋಡಿ ಇತ್ತೀಚೆಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿಲ್ಲವಾದರೂ ಈಗ ಅರ್ಜೆಂಟೀನಾದ ನಗರ ಬ್ಯೂನಸ್ ಐರಿಸ್‌ ಪ್ರವಾಸಲ್ಲಿದ್ದಾರೆ.
ಪ್ರವಾಸದ ಚಿತ್ರಗಳನ್ನು ಹಂಚಿಕೊಂಡಿರುವ ಹೃತಿಕ್, ತಮ್ಮ ಪ್ರೇಯಸಿಯನ್ನು ವಿಂಟರ್ ಗರ್ಲ್ ಎಂದು ಬಣ್ಣಿಸಿದ್ದಾರೆ. ಈ ಚಿತ್ರವನ್ನು 12 ಲಕ್ಷಕ್ಕೂ ಅಧಿಕ ಜನ ಮೆಚ್ಚಿಕೊಂಡಿದ್ದಾರೆ.
ಈ ಜೋಡಿ ಇದೇ ವರ್ಷ ಮದುವೆಯಾಗಲಿದ್ದಾರೆ ಎಂಬ ವರದಿಗಳು ಕೇಳಿ ಬಂದಿವೆ. ಸಬಾಗಿಂತ ಹೃತಿಕ್ 11 ವರ್ಷ ದೊಡ್ಡವರಿದ್ದಾರೆ.
ಇತ್ತೀಚೆಗೆ ಹೃತಿಕ್ ರೋಷನ್ ಅವರು ತಮ್ಮ ಜನ್ಮದಿನವನ್ನು ಆಚರಿಸಿಕೊಂಡಿದ್ದರು. ಜನ್ಮದಿನಕ್ಕೆ ಪ್ರೇಯಸಿ ಸಬಾ ಭಾವನಾತ್ಮಕ ಪೋಸ್ಟ್ ಹಾಕಿ ಇದೇ ವರ್ಷ ಮದುವೆಯಾಗುವ ಸುಳಿವು ನೀಡಿದ್ದರು.
