ಡಬ್ಬಿಂಗ್: ಸಂವಿಧಾನವೇ ಸರಿ ಅಂದ ಮೇಲೆ ನಮ್ಮದೇನು ಇಲ್ಲ!– ಜಗ್ಗೇಶ್
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ನವರಸ ನಾಯಕ ಜಗ್ಗೇಶ್ ಕನ್ನಡದಲ್ಲಿ ಡಬ್ಬಿಂಗ್ ಕುರಿತಂತೆ ಟ್ವೀಟ್ ಮಾಡಿದ್ದು ನನಗೂ ಮತ್ತು ಡಬ್ಬಿಂಗ್‌ಗೂ ಯಾವುದೇ ಸಂಬಂಧ ಇಲ್ಲ, ಕನ್ನಡಿಗರಿಗೆ ಏನು ಇಷ್ಟವೋ ಅದನ್ನು ನೋಡಲು, ಪಡೆಯಲು ಸರ್ವಸ್ವತಂತ್ರರು ಎಂದು ಹೇಳಿದ್ದಾರೆ.
ಇತ್ತೀಚೆಗೆ ಜಗ್ಗೇಶ್ ಡಬ್ಬಿಂಗ್ ವಿರೋಧದ ಸಭೆಯಲ್ಲಿ ಭಾಗವಹಿಸಿದ್ದರು. ಇದರಿಂದಾಗಿ ಚಿತ್ರೋದ್ಯಮದಲ್ಲಿ ಕೆಲವರು ಅವರ ಬಗ್ಗೆ ಅಪಾರ್ಥ ಕಲ್ಪಿಸಿದ್ದರು. ಇದಕ್ಕೆ ಸಂಬಂಧಿಸಿದಂತೆ ಜಗ್ಗೇಶ್ ಗುರುವಾರ ಟ್ವೀಟ್ ಮಾಡಿ, ನನಗೂ ಮತ್ತು ಡಬ್ಬಿಂಗ್‌ಗೂ ಯಾವುದೇ ಸಂಬಂಧವಿಲ್ಲ ಎಂದು ಟ್ವೀಟ್ ಮಾಡಿದ್ದಾರೆ.
ಇದನ್ನೂ ಓದಿ: ಡಬ್ಬಿಂಗ್: ಎರಡು ಮುಖಗಳು
ಜಗ್ಗೇಶ್ ಅವರ ಟ್ವೀಟ್‌ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು 669 ಜನರು ಲೈಕ್‌ ಮಾಡಿದ್ದಾರೆ. 70 ಜನರು ರೀಟ್ವೀಟ್ ಮಾಡಿದ್ದು, 69 ಜನರು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ.
ನಾನು ಬದುಕಿನಲ್ಲಿ ಶ್ರಮದಿಂದ ಮುಂದೆ ಬಂದವನು!!ಕನಸಿನಲ್ಲಿಯು ಯಾರಿಗು ಕೆಟ್ಟದ್ದು ಬಯಸಿಲ್ಲಾ ಬಯಸೋಲ್ಲಾ!ರಾಯರ ಭಕ್ತರು ತಪ್ಪುಮಾಡುವರಲ್ಲಾ..!
ನನಗೆ ನನ್ನ ಕನ್ನಡಭಾಷೆ ಕನ್ನಡಜನರೆ ದೇವರು ಎಂದು ಭಾವಿಸಿ ಶ್ರದ್ಧೆಯಿಂದ ಯಾವತಪ್ಪು ಮಾಡದೆ ಬದುಕಿರುವೆ.
ನನ್ನ ಮೇಲಿನ ಅಪಾರ್ಥ ಸರಿಪಡಿಸಲು
ಈ ಬರಹ..ಓದಿ ಭಿನ್ನಾಭಿಪ್ರಾಯ ಇದ್ದರೆ ಮರೆತುಬಿಡಿ!ವಿನಂತಿ! pic.twitter.com/le4yPiHuqo— ನವರಸನಾಯಕ ಜಗ್ಗೇಶ್ (@Jaggesh2) November 30, 2018
ಜಗ್ಗೇಶ್ ಟ್ವೀಟ್ ಸಾರಾಂಶ
ನಾನು ಬದುಕಿನಲ್ಲಿ ಶ್ರಮದಿಂದ ಮುಂದೆ ಬಂದವನು!!ಕನಸಿನಲ್ಲಿಯು ಯಾರಿಗು ಕೆಟ್ಟದ್ದು ಬಯಸಿಲ್ಲಾ ಬಯಸೋಲ್ಲಾ!ರಾಯರ ಭಕ್ತರು ತಪ್ಪುಮಾಡುವರಲ್ಲಾ..! ನನಗೆ ನನ್ನ ಕನ್ನಡಭಾಷೆ ಕನ್ನಡಜನರೆ ದೇವರು ಎಂದು ಭಾವಿಸಿ ಶ್ರದ್ಧೆಯಿಂದ ಯಾವತಪ್ಪು ಮಾಡದೆ ಬದುಕಿರುವೆ. ನನ್ನ ಮೇಲಿನ ಅಪಾರ್ಥ ಸರಿಪಡಿಸಲು. ಈ ಬರಹ..ಓದಿ ಭಿನ್ನಾಭಿಪ್ರಾಯ ಇದ್ದರೆ ಮರೆತುಬಿಡಿ! ವಿನಂತಿ!
ಇದನ್ನೂ ಓದಿ: ಡಬ್ಬಿಂಗ್ ವಿವಾದದ ಸುತ್ತ
ಪ್ರಾಮಾಣಿಕ ಅನಿಸಿಕೆ... ಮಾನ್ಯರೆ 36 ವರ್ಷದಿಂದ ಕನ್ನಡ ಚಿತ್ರರಂಗದಲ್ಲಿ ದುಡಿದ ನಾನು ಚಿತ್ರರಂಗದ ಸಮಸ್ಯೆಗೆ ಸ್ಪಂದಿಸುವುದು ನನ್ನ ಕರ್ತವ್ಯ. ಉದ್ಯಮ ಕರೆದ ಡಬ್ಬಿಂಗ್ ವಿರೋಧದ ಸಭೆಗೆ ನಾನು ಹೋಗಿದ್ದು ನಿಜ. ನಮ್ಮ ಆಕ್ರೋಷವು ನಿಜ! ಆದರೆ ಇದೆಲ್ಲಾ ನಮ್ಮ ಕಲಾವಿದರು ಮತ್ತು ತಂತ್ರಜ್ಞರಿಗಾಗಿ ಮಾತ್ರವೆ ವಿನಹ ಯಾವ ವೈಯಕ್ತಿಕ ಹಿತಾಸಕ್ತಿಗಾಗಿ ಅಲ್ಲಾ! ಸಂವಿಧಾನವೇ ಸರಿ ಅಂದ ಮೇಲೆ ನಮ್ಮದೇನು ಇಲ್ಲ!
ಕನ್ನಡಿಗರಿಗೆ ಏನು ಇಷ್ಟವೋ ಅದನ್ನು ನೋಡಲು, ಪಡೆಯಲು ಸರ್ವಸ್ವತಂತ್ರರು. ಇನ್ನು ಮುಂದೆ ನನಗೂ ಡಬ್ಬಿಂಗ್‌ಗೂ ಯಾವುದೇ ಸಂಬಂಧ ಇರುವುದಿಲ್ಲಾ! ನಾನಾಯಿತು, ನನ್ನ ಕಲಾ ಕರ್ತವ್ಯವಾಯಿತು... ನನ್ನ ಹಿಂದಿನ ನಡಾವಳಿಗಳಿಂದ ನಿಮಗೆ ನೋವಾಗಿದ್ದರೆ ಕ್ಷಮೆ ಇರಲಿ ಎಂದು ಜಗ್ಗೇಶ್ ತಮ್ಮ ಟ್ವೀಟರ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.
ಸಮಾನ ಭಾಷಾನೀತಿ ಅಭಿಯಾನದಲ್ಲಿ ತೊಡಗಿಸಿಕೊಂಡಿರುವ ಅರುಣ್‌ ಜಾವಗಲ್‌ ಅವರು ಜಗ್ಗೇಶ್ ಟ್ವೀಟ್‌ಗೆ ಪ್ರತಿಕ್ರಿಯೆ ನೀಡಿದ್ದಾರೆ.
ನಿನ್ನೆ ಜಗ್ಗೇಶ್ ರವರು,ತಮಗೂ ಡಬ್ಬಿಂಗ್ ಗೂ ಯಾವುದೇ ಸಂಬಂಧವಿಲ್ಲ. ಕನ್ನಡಿಗರು ತಮಗೆ ಬೇಕಾದ್ದನ್ನು ನೋಡಲು ಸರ್ವ ಸ್ವತಂತ್ರರು ಎನ್ನುವ ರೀತಿಯಲ್ಲಿ ಟ್ವೀಟ್ ಮಾಡಿದ್ದಾರೆ.. ಕನ್ನಡಿಗರ ಆಯ್ಕೆ ಸ್ವಾತಂತ್ರವನ್ನು ಗೌರವಿಸಿದ ಜಗ್ಗೇಶ್ ರವರಿಗೆ ಧನ್ಯವಾದಗಳು. ಇನ್ನಾದರೂ ಉದ್ಯಮ ಡಬ್ಬಿಂಗ್ ತಡೆಯುವುದನ್ನು ನಿಲ್ಲಿಸಲಿ... ಎಂದು ತಮ್ಮ ಫೇಸ್‌ಬುಕ್‌ ಪುಟದಲ್ಲಿ ಬರೆದುಕೊಂಡಿದ್ದಾರೆ.
ಜಗ್ಗೇಶ್ ಟ್ವೀಟ್‌ಗೆ ಕೆಲವರು ಈ ರೀತಿ ಪ್ರತಿಕ್ರಿಯಿಸಿದ್ದಾರೆ.
ನೀವೂ ತಪ್ಪಾದ ಜಾಗದಲ್ಲಿ ಕ್ಷಮೆ ಕೇಳುತ್ತಿದ್ದಿರಿ. ಇಲ್ಲಿ ಕ್ಷಮೆಯನ್ನು ಗೌರವಿಸುವವರಿಗಿಂತ ಅವಮಾನಿಸುವವರೆ ಹೆಚ್ಚು.
ನಮ್ಮ ನಂಬಿಕೆಯನ್ನು ಇನ್ಯಾರಿಗೂ ಅರ್ಥಮಾಡಿಸುವುದೇ ಸೋಲು.ಸಣ್ಣತನ ಇರುವವರಲ್ಲಿ ಕ್ಷಮೆ ಕೇಳುವುದು ದಡ್ಡತನ. ಕ್ಷಮೆಯಿರಲ್ಲಿ ನನ್ನ ಮಾತು ಕಹಿ ಅನಿಸಿದ್ದರೆ.🙏
— ನಿಮ್ಮೊಳಗೊಬ್ಬ. (@Narayan22969170) November 30, 2018
ಡಬ್ಬಿಂಗ್ ಬೇಡ. ಬೇರೆ ಭಾಷೆಯಲ್ಲಿ ನೋಡಲು ತಾಯಾರಿಲ್ದೇ ಇದ್ರು ಅದನ್ನ ತೋರಿಸುಬಮವ ಹುಂಬತನ ಏಕೆ. ಅದೇ ನಮ್ಮ ಭಾಷೆಯಲ್ಲಿ ನೋಡುವಂತಾಗಲಿ ಬಿಡಿ. ಹೇಗಿದೆ ನೋಡಿ ಇವರ ವರಸೆ. ದುಡ್ಡು ಕೊಟ್ಟು ಸಿನೆಮಾ ಅರ್ಥ ಆಗದೇ ಇದ್ದರೂ ನಮ್ಮ ಜನ ಒತ್ತಾಯಪೂರ್ವಕವಾಗಿ ನೋಡಬೇಕಾದಂತಹ ಕರ್ಮ. ನನ್ನ ಕನ್ನಡದ ಅಭಿಮಾನ ಅಳಿಯಲು ನನ್ನ ಡಬ್ಬಿಂಗ್ ಪರ ನಿಲುವಿನಿಂದ
— shiva shankar S M (@sm_shivu2004) November 30, 2018
ಇಂದಿನ ಪರಿಸ್ಥಿತಿಯಲ್ಲಿ ಡಬ್ಬಿಂಗ್ ಅನಿವಾರ್ಯ ಅನ್ನೋದು ನಿಮಗೇ ಮನವರಿಕೆ ಆದಂತಿದೆ..ಪರಭಾಷಾ ಹಾವಳಿ ತಡೆಯಲು ಡಬ್ಬಿಂಗ್ ಒಂದು ಅಸ್ತ್ರ.ಕನ್ನಡಿಗರಿಗೆ ಎಲ್ಲವೂ ಕನ್ನಡದಲ್ಲೇ ದೊರಕಲಿ.ನಮ್ಮ ಭಾಷೆ ನಮ್ಮ ಹಕ್ಕು#ಡಬ್ಬಿಂಗ್_ಇದು_ಕನ್ನಡಪರ
— ಕನ್ನಡಿಗ ಚೇತನ್ (@dfvaUHrsqoSrOIV) November 30, 2018
ಒಂದಂತು ನಿಜ ಡಬ್ಬಿಂಗ್ ತಡೆದರು ಬೇರೆ ಸಿನಿಮಾಗಳು ೭೦೦ ಥಿಯಟರ್ ಪಡೆಯುತ್ತೆ. ಡಬ್ಬಿಂಗ್ ಇದ್ದರೆ ಅದರಲ್ಲಿ ೬೦೦ ಥಿಯಟರ್ಗಳು ಕನ್ನಡದಲ್ಲಿ ಇರುತ್ತೆ.ಅದು ಮುಖ್ಯ.ಅದಕ್ಕೆ ಡಬ್ಬಿಂಗ್ ಬರಲಿ.ನಾವು ಕೂಡ ನಮ್ಮ ಸಿನಿಮಾನ ಡಬ್ಬಿಂಗ್ ಮಾಡಿ ಇಂಟರ್ನ್ಯಾಶನಲ್ ಮಾಡೋಣ ಅದರಿಂದ ಹೆಚ್ಚು ಕೆಲಸ ಹುಟ್ಟಿಕೊಳ್ಳುತ್ತೆ.ಕಾಲದೊಟ್ಟಿಗೆ ನಡೆಯಿದಿದ್ದರೆ ಕಾಲ ಸಹಿಸಲ್ಲ
— vijaya kumar (@vijayakls) November 30, 2018
ಈ ಫೋಟೊವನ್ನೊಮ್ಮೆ ನೋಡಿ.. 2.0 ಚಿತ್ರ ತಮಿಳಲ್ಲದೆ ಪರಭಾಷೆಗೂ ಡಬ್ ಆಗಿ, ಬೆಂಗ್ಳೂರಲ್ಲಿ ರಿಲೀಸ್ ಆಗಿದೆ ಅಂದ್ರೆ ಅದಕ್ಕೆ ನೀವೇ ನೇರೆ ಹೊಣೆ.. ಇಂದು ರಾಜಧಾನಿಯಲ್ಲಿ ಕನ್ನಡ ಸಾರ್ವಭೌಮತ್ವ ಕಳೆದುಕೊಳ್ಳುತ್ತಿರೋದಕ್ಕೆ ನಿಮ್ಮಂತ ಡಬ್ಬಿಂಗ್ ವಿರೋಧಿಗಳೇ ನೇರ ಕಾರಣ.. ಅದೇನೆ ಇರಲಿ, ಇಂದಾದರೂ ಬೆಂಬಲಿಸಿದ್ದೀರಲ, ಧನ್ಯವಾದ.. ಮಾತು ತಪ್ಪದೇ ಇರಲಿ :) pic.twitter.com/IozbsG3QLY
— Ankith Raj (@AnkithRaj_5) December 1, 2018
ಇವನ್ನೂ ಓದಿ
