ಈ ಟ್ವೀಟ್‌ ಅನ್ನು ರೀಟ್ವೀಟ್‌ ಮಾಡಿರುವ ಕಂಗನಾ ರನೌತ್, ಈ ವಿಷಯದಲ್ಲಿ ತಮ್ಮ ಅಭಿಪ್ರಾಯವೂ ಇದೇ ಆಗಿರುವುದಾಗಿ ಹೇಳಿದ್ದಾರೆ. ‘ಇದು ಪಾಶ್ಚಿಮಾತ್ಯ ಸಂಸ್ಕೃತಿಯಾಗಿದ್ದು, ಅವರೇ ಆವಿಷ್ಕರಿಸಿದ ಬಟ್ಟೆಯಾಗಿದೆ. ಹಿಂದೊಮ್ಮೆ ವ್ಯಾಟಿಕನ್‌ ಸಿಟಿಗೆ ಹೋಗಿದ್ದಾಗ, ಶಾರ್ಟ್ಸ್ ಧರಿಸಿದ್ದೆನೆಂಬ ಕಾರಣಕ್ಕೆ ನನಗೆ ಪ್ರವೇಶ ನಿರಾಕರಿಸಿದರು. ಕೊನೆಗೆ ಹೋಟೆಲ್‌ಗೆ ಹೋಗಿ ಬಟ್ಟೆ ಬದಲಿಸಿ ಚರ್ಚ್ ಪ್ರವೇಶ ಮಾಡಬೇಕಾಯಿತು. ನೈಟ್‌ ಡ್ರೆಸ್‌ಗಳನ್ನು ಸಾಮಾನ್ಯ ಬಟ್ಟೆ ಎಂಬಂತೆ ಧರಿಸುವ ಇಂತಹ ಮೂರ್ಖರಿಗೆ ದೇವಸ್ಥಾನಕ್ಕೆ ಪ್ರವೇಶ ನೀಡಬಾರದು ಅಷ್ಟೇ‘ ಎಂದು ಹೇಳಿದರು.
