ನಟ, ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್–2 ಚಿತ್ರ ಗಳಿಕೆಯಲ್ಲಿ ಎಲ್ಲ ದಾಖಲೆಗಳನ್ನು ಮುರಿದಿದೆ. ಸಿಂಗಲ್‌ ಸ್ಕ್ರೀನ್‌ ಮಾತ್ರವಲ್ಲದೇ ಮಲ್ಟಿಪ್ಲೆಕ್ಸ್‌ಗಳಲ್ಲೂ ದಾಖಲೆ ಮಾಡಿದೆ.
ಮಲ್ಟಿಪ್ಲೆಕ್ಸ್‌ನ ಪಿ.ವಿ.ಆರ್‌. ಸಿನಿಮಾಸ್‌ಗಳಲ್ಲಿ ಈ ಚಿತ್ರ ದಾಖಲೆಯ ₹ 121.4 ಕೋಟಿ ಗಳಿಗೆ ಮಾಡಿದೆ ಎಂದು ತೆಲುಗಿನ ಆಂಧ್ರ ಬಾಕ್ಸ್‌ಆಫೀಸ್‌ ಟ್ವೀಟ್‌ ಮಾಡಿದೆ. ಇದು ಮಲ್ಟಿಪ್ಲೆಕ್ಸ್‌ ಇತಿಹಾಸದಲ್ಲೇ ದಾಖಲೆಯ ಗಳಿಕೆಯಾಗಿದೆ.
#KGFChapter2 : With ₹121.4 Cr NETT in PVR Cinemas, it has set an “All Time” Record as the Biggest Earner in Multiplex History.
— AndhraBoxOffice.Com (@AndhraBoxOffice) July 26, 2022
ದೇಶದಾದ್ಯಂತ 173 ಪಿವಿಆರ್‌ ಸಿನಿಮಾ ಮಂದಿರಗಳಲ್ಲಿ ಈ ದಾಖಲೆ ಮಾಡಿದೆ. 2022ರಲ್ಲಿ ಪಿವಿಆರ್‌ ಚಿತ್ರಮಂದಿರಗಳಲ್ಲಿ ಆರ್‌ಆರ್‌ಆರ್‌ ಸಿನಿಮಾ₹93.7 ಕೋಟಿ,ಭೂಲ್‌ಭೂಲಿಯಾ₹47.4 ಕೋಟಿ,ಡಾಕ್ಟರ್‌ ಸ್ಟ್ರೇಂಜ್‌–2₹45.8 ಕೋಟಿ ಹಾಗೂ ವಿಕ್ರಮ್‌ ಸಿನಿಮಾ₹26.6 ಕೋಟಿ ಗಳಿಕೆ ಕಂಡಿದೆ.
ಚಿತ್ರ ಬಿಡುಗಡೆಯಾಗಿ 20 ದಿನಗಳಲ್ಲಿ ₹1000 ಕೋಟಿ ಕ್ಲಬ್‌ ಸೇರಿದ ಮೊದಲ ಕನ್ನಡ ಸಿನಿಮಾ ಎಂಬ ಹೊಸ ದಾಖಲೆ ಕೂಡ ಮಾಡಿದೆ.
