<p>ಈ ಬಾರಿ ಪ್ರೇಮಕಥೆ ಒಳಗೊಂಡ ಚಿತ್ರಗಳಲ್ಲಿ ಭಾರಿ ಸದ್ದು ಮಾಡಿದ ‘ಲವ್ ಮಾಕ್ಟೇಲ್ -2’ ಶೀಘ್ರ ಬಿಡುಗಡೆ ಆಗಲಿದೆ.</p>.<p>‘ಲವ್ ಮಾಕ್ಟೇಲ್’ ಯಶಸ್ಸಿನಿಂದ ಸ್ಫೂರ್ತಿಗೊಂಡ ತಂಡ ಈಗ ಅದರ ಎರಡನೇ ಭಾಗ ಸಿದ್ಧಪಡಿಸುತ್ತಿದೆ. ಚಿತ್ರದ ಶೇ 60ರಷ್ಟು ಭಾಗದ ಚಿತ್ರೀಕರಣ ಮುಗಿದಿದೆ. ಈಗ ಸಂಕಲನ ನಡೆಯುತ್ತಿದೆ. ಎಂದು ನಟ, ನಿರ್ದೇಶಕ ‘ಡಾರ್ಲಿಂಗ್’ ಕೃಷ್ಣ ತಮ್ಮ ಟ್ವಿಟರ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.</p>.<p>ಬೆಂಗಳೂರು, ಮೈಸೂರು ಭಾಗಗಳಲ್ಲಿ ಈಗಾಗಲೇ ಚಿತ್ರೀಕರಣ ನಡೆದಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಈ ವರ್ಷಾಂತ್ಯದಲ್ಲೇ ಚಿತ್ರವನ್ನು ಬಿಡುಗಡೆ ಮಾಡಲು ತಂಡ ನಿರ್ಧರಿಸಿದೆ.</p>.<p>ಮೊದಲ ಭಾಗದಲ್ಲಿದ್ದ ನಾಯಕ ‘ಆದಿ’ ಪಾತ್ರ ಹಾಗೇ ಇರಲಿದೆ. ಅವನ ಗೆಳೆಯರೂ ಈ ಭಾಗದಲ್ಲೂ ಇದ್ದಾರೆ. ಪ್ರೀತಿಗಾಗಿ ನಾಯಕನ ಪ್ರಯತ್ನ ಮುಂದುವರಿಯುತ್ತದೆ ಎಂದು ಅವರು ಕಥೆಯ ಎಳೆ ಹಂಚಿಕೊಂಡಿದ್ದಾರೆ.</p>.<p>ನಾಯಕಿ ಯಾರು ಎಂಬುದು ಇನ್ನೂ ಖಚಿತವಾಗಿಲ್ಲ. ಆದರೆ, ನಿರ್ಮಾಪಕರು ನಾಯಕಿಯ ಪಾತ್ರಕ್ಕೆ ಒಬ್ಬರನ್ನು ಆಯ್ಕೆ ಮಾಡಿದ್ದಾರೆ. ಮಲಯಾಳಂ ನಟಿ (ಬೆಂಗಳೂರು ಮೂಲದವರು) ರಾಶೆಲ್ ಡೇವಿಡ್ ಅವರ ಕಾಲ್ ಶೀಟ್ ಪಡೆದಿದ್ದಾರೆ ಎಂದು ತಂಡದ ಮೂಲಗಳು ಹೇಳಿವೆ.</p>.<p>ಚಿತ್ರಕ್ಕೆ ರಘು ದೀಕ್ಷಿತ್ ಅವರ ಸಂಗೀತವಿದೆ. ಚಿತ್ರ ಬಿಡುಗಡೆಯ ಬಳಿಕ ಕೃಷ್ಣ- ಮಿಲನ ಜೋಡಿ ಮದುವೆಯಾಗಲಿದೆ ಎಂದು ತಂಡ ಸುಳಿವು ನೀಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಈ ಬಾರಿ ಪ್ರೇಮಕಥೆ ಒಳಗೊಂಡ ಚಿತ್ರಗಳಲ್ಲಿ ಭಾರಿ ಸದ್ದು ಮಾಡಿದ ‘ಲವ್ ಮಾಕ್ಟೇಲ್ -2’ ಶೀಘ್ರ ಬಿಡುಗಡೆ ಆಗಲಿದೆ.</p>.<p>‘ಲವ್ ಮಾಕ್ಟೇಲ್’ ಯಶಸ್ಸಿನಿಂದ ಸ್ಫೂರ್ತಿಗೊಂಡ ತಂಡ ಈಗ ಅದರ ಎರಡನೇ ಭಾಗ ಸಿದ್ಧಪಡಿಸುತ್ತಿದೆ. ಚಿತ್ರದ ಶೇ 60ರಷ್ಟು ಭಾಗದ ಚಿತ್ರೀಕರಣ ಮುಗಿದಿದೆ. ಈಗ ಸಂಕಲನ ನಡೆಯುತ್ತಿದೆ. ಎಂದು ನಟ, ನಿರ್ದೇಶಕ ‘ಡಾರ್ಲಿಂಗ್’ ಕೃಷ್ಣ ತಮ್ಮ ಟ್ವಿಟರ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.</p>.<p>ಬೆಂಗಳೂರು, ಮೈಸೂರು ಭಾಗಗಳಲ್ಲಿ ಈಗಾಗಲೇ ಚಿತ್ರೀಕರಣ ನಡೆದಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಈ ವರ್ಷಾಂತ್ಯದಲ್ಲೇ ಚಿತ್ರವನ್ನು ಬಿಡುಗಡೆ ಮಾಡಲು ತಂಡ ನಿರ್ಧರಿಸಿದೆ.</p>.<p>ಮೊದಲ ಭಾಗದಲ್ಲಿದ್ದ ನಾಯಕ ‘ಆದಿ’ ಪಾತ್ರ ಹಾಗೇ ಇರಲಿದೆ. ಅವನ ಗೆಳೆಯರೂ ಈ ಭಾಗದಲ್ಲೂ ಇದ್ದಾರೆ. ಪ್ರೀತಿಗಾಗಿ ನಾಯಕನ ಪ್ರಯತ್ನ ಮುಂದುವರಿಯುತ್ತದೆ ಎಂದು ಅವರು ಕಥೆಯ ಎಳೆ ಹಂಚಿಕೊಂಡಿದ್ದಾರೆ.</p>.<p>ನಾಯಕಿ ಯಾರು ಎಂಬುದು ಇನ್ನೂ ಖಚಿತವಾಗಿಲ್ಲ. ಆದರೆ, ನಿರ್ಮಾಪಕರು ನಾಯಕಿಯ ಪಾತ್ರಕ್ಕೆ ಒಬ್ಬರನ್ನು ಆಯ್ಕೆ ಮಾಡಿದ್ದಾರೆ. ಮಲಯಾಳಂ ನಟಿ (ಬೆಂಗಳೂರು ಮೂಲದವರು) ರಾಶೆಲ್ ಡೇವಿಡ್ ಅವರ ಕಾಲ್ ಶೀಟ್ ಪಡೆದಿದ್ದಾರೆ ಎಂದು ತಂಡದ ಮೂಲಗಳು ಹೇಳಿವೆ.</p>.<p>ಚಿತ್ರಕ್ಕೆ ರಘು ದೀಕ್ಷಿತ್ ಅವರ ಸಂಗೀತವಿದೆ. ಚಿತ್ರ ಬಿಡುಗಡೆಯ ಬಳಿಕ ಕೃಷ್ಣ- ಮಿಲನ ಜೋಡಿ ಮದುವೆಯಾಗಲಿದೆ ಎಂದು ತಂಡ ಸುಳಿವು ನೀಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>