ಲಾಕ್ಡೌನ್ ಸಮಯದಲ್ಲಿಎಂಟು ತಿಂಗಳು ವೈಟ್ ಟ್ರೈನಿಂಗ್, ಪಥ್ಯಕ್ರಮದ ಮುಖಾಂತರ ತೂಕ ಇಳಿಸಿಕೊಂಡು, ಹೊಸ ಸಿನಿಮಾ ಪ್ರಾಜೆಕ್ಟ್ಗಳಿಗೆ ಮಾನ್ವಿತಾ ಸಜ್ಜಾಗಿದ್ದರು. ‘ಟಗರು’, ’ಇಂಡಿಯಾ ವರ್ಸಸ್ ಇಂಗ್ಲೆಡ್‘ ಚಿತ್ರದ ಬಳಿಕ ‘ಶಿವ 143’ ಚಿತ್ರದಲ್ಲಿ ರಾಜ್ಕುಮಾರ್ ಅವರ ಮೊಮ್ಮಗ ಧೀರೇನ್ ಅವರಿಗೆ ಜೋಡಿಯಾಗಿ ಮಾನ್ವಿತಾ ಅವರು ನಟಿಸಿದ್ದರು.ಈ ಚಿತ್ರದ ಚಿತ್ರೀಕರಣ, ಡಬ್ಬಿಂಗ್ ಎಲ್ಲವೂ ಮುಗಿದಿದೆ. ಚಿತ್ರಮಂದಿರದಲ್ಲೇ ಈ ಚಿತ್ರ ಬಿಡುಗಡೆಗೆ ಚಿತ್ರತಂಡ ಕಾಯುತ್ತಿದೆ. ಮಾನ್ವಿತಾ ನಟನೆಯ ದ್ವಿಭಾಷಾ ಚಿತ್ರ‘ರಾಜಸ್ಥಾನ್ ಡೈರೀಸ್’ ಕೂಡಾ ಬಿಡುಗಡೆಗೆ ಸಜ್ಜಾಗಿದೆ.