ಅಂಗದ್ ಬೇಡಿ, ಸಿಖಂದರ್‌ ಖೇರ್‌, ಸಂದೀಪ್ ಧರ್‌, ಪ್ರಿಯಾಂಕ್‌ ಶರ್ಮಾ ಹಾಗೂ ಮಧುರಿಮಾ ರಾಯ್ ಮೊದಲಾದವರು ನಟಿಸಿರುವ ‘ಮುಂಬೈ’ ವೆಬ್‌ಸರಣಿ ಇಂದು ಬಿಡುಗಡೆಯಾಗಲಿದೆ. ಆ್ಯಕ್ಷನ್‌–ಥ್ರಿಲ್ಲರ್ ಕಥೆ ಹೊಂದಿರುವ ಈ ವೆಬ್‌ಸರಣಿಯು ಎಎಲ್‌ಟಿ ಬಾಲಾಜಿ ಹಾಗೂ ಜೀ 5ನಲ್ಲಿ ತೆರೆ ಕಾಣಲಿದೆ.
1980 ಹಾಗೂ 1990ರ ದಶಕದ ಮುಂಬೈನ ಪಾತಕಲೋಕ ಹಾಗೂ ಪೊಲೀಸರ ನಡುವೆ ನಡೆದ ಘಟನೆಗಳ ಎಳೆಯನ್ನು ಇರಿಸಿಕೊಂಡು ಈ ಸರಣಿಯನ್ನು ನಿರ್ಮಾಣ ಮಾಡಲಾಗಿದೆ. ಭಾಸ್ಕರ್ ಶೆಟ್ಟಿ ಎಂಬ ಎನ್ಕೌಂಟರ್ ಸೆಷಲಿಸ್ಟ್ ಎನ್ಕೌಂಟರ್ ಮೂಲಕ ಮುಂಬೈ ಪಾತಕ ಲೋಕವನ್ನು ಹೇಗೆ ಮಟ್ಟ ಹಾಕುತ್ತಾನೆ, ಆತ ಮಾಡಿದ ಎನ್‌ಕೌಂಟರ್‌ಗಳೆಷ್ಟು? ಎನ್ಕೌಂಟರ್ ಮೂಲಕ ಮುಂಬೈ ಪಾತಕ ಲೋಕವನ್ನು ಹೇಗೆ ಬೆಚ್ಚಿ ಬೀಳಿಸುತ್ತಾನೆ ಎಂಬ ಅಂಶಗಳನ್ನು ಈ ವೆಬ್‌ಸರಣಿಯ ಟ್ರೈಲರ್‌ನಲ್ಲಿ ತೋರಿಸಲಾಗಿತ್ತು.
ಟ್ರೈಲರ್‌ ಮೂಲಕ ಕುತೂಹಲ ಹುಟ್ಟುಹಾಕಿರುವ ಈ ವೆಬ್‌ಸರಣಿಗೆ ಅಪೂರ್ವ ಲಖಿಯಾ ಹಣ ಹೂಡಿಕೆ ಮಾಡಿದ್ದಾರೆ. ಅಂಗದ್ ಬೇಡಿ ಎನ್ಕೌಂಟರ್ ಸೆಷಲಿಸ್ಟ್ ಭಾಸ್ಕರ್ ಶೆಟ್ಟಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
