ತಮ್ಮಿಬ್ಬರ ನಡುವಿನ ಸಂಬಂಧದ ಕುರಿತಾದ ಎಲ್ಲ ವದಂತಿಗಳಿಗೆ ತೆರೆ ಎಳೆದಿರುವ ನಟ ರಣವೀರ್‌ ಸಿಂಗ್‌, ಪತ್ನಿ ದೀಪಿಕಾ ಪಡುಕೋಣೆ ನನ್ನ ರಾಣಿ ಎಂದಿದ್ದಾರೆ. ದೀಪಿಕಾ ಪಡುಕೋಣೆ ರಣವೀರ್‌ ಸಿಂಗ್‌ ನಡುವಿನ ಸಂಬಂಧ ಸರಿಯಿಲ್ಲವೆಂದು ಇತ್ತೀಚೆಗೆಷ್ಟೆ ಟ್ವಿಟರ್‌ನಲ್ಲಿ ಟ್ರೆಂಡ್‌ ಆಗಿತ್ತು.
ಉಮರ್‌ ಸಂಧು ಎಂಬ ಸಿನಿಮಾ ವಿಮರ್ಶಕರೊಬ್ಬರು ದೀಪಿಕಾ–ರಣವೀರ್‌ ದಾಂಪತ್ಯದಲ್ಲಿ ಎಲ್ಲವೂ ಸರಿಯಿಲ್ಲ ಎಂಬಂತೆ ಟ್ವೀಟ್‌ ಮಾಡಿದ್ದರು. ಆದರೆ ಇದಕ್ಕೆ ಇಬ್ಬರೂ ಉತ್ತರಿಸಲು ಹೋಗಿರಲಿಲ್ಲ. ಬದಲಿಗೆ ಅವರ ಅಭಿಮಾನಿಗಳು ಸಂಧು ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದರು. ವೈರಲ್‌ ಆದ ಟ್ವೀಟ್‌ನ ಸುದ್ದಿ ಬರಿ ವದಂತಿ ಎಂಬಂತೆ ರಣವೀರ್‌ ಟ್ವೀಟ್‌ ಮಾಡಿದ್ದರು. ಇದೀಗ ದೀಪಿಕಾ ಬಗ್ಗೆ ಮತ್ತೆ ಪೋಸ್ಟ್‌ ಮಾಡುವ ಮೂಲಕ ರಣವೀರ್‌ ವದಂತಿಗಳಿಗೆ ಸ್ಪಷ್ಟನೆ ನೀಡಿದ್ದಾರೆ.
ಇನ್ನೊಂದೆಡೆ ದೀಪಿಕಾ ಕೂಡ ರಣವೀರ್‌ ಪೋಸ್ಟ್‌ಗಳಿಗೆ ಪ್ರೀತಿಯಿಂದ ಪ್ರತಿಕ್ರಿಯಿಸುವ ಮೂಲಕ ಟೀಕಾಕಾರರಿಗೆ ಪರೋಕ್ಷವಾಗಿ ಉತ್ತರ ನೀಡಿದ್ದಾರೆ.
