ಬೆಂಗಳೂರು: ಬಾಲಿವುಡ್ ಬಿಗ್ ಬಿ ಅಮಿತಾಭ್ ಬಚ್ಚನ್ ಮೊಮ್ಮಗಳು ನವ್ಯಾ ನವೇಲಿ ನಂದಾ ಇತ್ತೀಚೆಗೆ ಹೆಚ್ಚು ಸುದ್ದಿಯಲ್ಲಿದ್ದಾರೆ.
ಈ ಬಾರಿ ನವ್ಯಾ ಗೆಳತಿಯರಾದ ಖುಷಿ ಕಪೂರ್ ಮತ್ತು ಶಾನಾಯ ಕಪೂರ್ ಹಾಗೂ ಗೌರಿ ಜತೆಗೆ ಡಿನ್ನರ್ ಪಾರ್ಟಿಗೆ ತೆರಳಿದ್ದಾರೆ. ಅಲ್ಲದೆ, ಗೆಳತಿಯರೊಂದಿಗಿರುವ ಫೋಟೊಗಳನ್ನು ನವ್ಯಾ ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಬಾಲಿವುಡ್‌ನ ಮುಂದಿನ ಪೀಳಿಗೆ ಎಂದೇ ನವ್ಯಾ ಮತ್ತು ಅವರ ಗೆಳತಿಯರನ್ನು ಗುರುತಿಸಲಾಗುತ್ತಿದೆ.
ಹೀಗಾಗಿ ನವ್ಯಾ ಮತ್ತು ಗೆಳತಿಯರ ಸುತ್ತಾಟವೂ ಸುದ್ದಿಯಾಗುತ್ತಿದೆ. ಜತೆಗೆ ಖುಷಿ ಕಪೂರ್ ಕೂಡ ಬಾಲಿವುಡ್‌ನತ್ತ ಒಲವು ಹೊಂದಿದ್ದು, ಹೊಸ ಚಿತ್ರಗಳತ್ತ ಗಮನ ಹರಿಸುತ್ತಿದ್ದಾರೆ.
