ಕಿರುಚಿತ್ರಗಳು ಹಾಗೂ ‘ಮಗಳು ಜಾನಕಿ’ ಧಾರವಾಹಿ ಖ್ಯಾತಿಯ ರಾಕೇಶ್ ಮಯ್ಯ ಹಾಗೂ ‘ಕಂಬ್ಳಿಹುಳ’ ಸಿನಿಮಾ ಖ್ಯಾತಿಯ ಅಶ್ವಿತಾ ಹೆಗ್ಡೆ ನಟಿಸಿರುವ, ಭರತ ನಿರ್ದೇಶನದ ‘ನೀನೊಂದು ಶಾಯರಿ’ ಜ.15ರಂದು ಪಿಆರ್ಕೆ ಆಡಿಯೊ ಯೂಟ್ಯೂಬ್ನಲ್ಲಿ ಬಿಡುಗಡೆಯಾಗಲಿದೆ. ‘21 ನಿಮಿಷಗಳ ಈ ಕಿರುಚಿತ್ರವು ಸರಳ ಪ್ರೇಮ ಕಥೆಯಾಗಿದ್ದು, ನಮ್ಮೆಲ್ಲರ ಜೀವನದಲ್ಲಿ ನಡೆದಿರಬಹುದಾದ ಒಂದು ಘಟನೆಯನ್ನು ಆಧರಿಸಿ ಮಾಡಲಾಗಿದೆ’ ಎಂದಿದ್ದಾರೆ ಭರತ. ‘ಭಾವನಾತ್ಮಕವಾಗಿ ಪ್ರೀತಿಯ ಜಂಜಾಟದಲ್ಲಿ ಸಿಲುಕಿದ ಹುಡುಗ ಅದರಿಂದ ಆಚೆ ಬರುವ ಪ್ರಕ್ರಿಯೆ ಈ ಚಿತ್ರವಾಗಿದೆ’ ಎನ್ನುತ್ತಾರೆ ಅವರು.