ಈ ನಡುವೆಯೇ ಅವರು ಹಿಂದಿಯ ಆಲ್ಬಂವೊಂದರಲ್ಲಿ ನಟಿಸಲು ಬಿಟೌನ್ ಅಂಗಳಕ್ಕೂ ಪ್ರವೇಶಿಸಿದರು. ಬಾಲಿವುಡ್ ನಿರ್ದೇಶಕ ಸುರೇಶ್ ತ್ರಿವೇಣಿ ನಿರ್ದೇಶನದ ‘ಚನ್ ಕಿತ್ತಾನ್’ ಹೆಸರಿನ ಮ್ಯೂಸಿಕ್ ವಿಡಿಯೊದಲ್ಲಿ ನಟ ಆಯುಷ್ಮಾನ್ ಖುರಾನಾ ಅವರಿಗೆ ಜೋಡಿಯಾಗಿ ಪ್ರಣೀತಾ ಹೆಜ್ಜೆಹಾಕಿದರು. ಇದರಿಂದ ಬಾಲಿವುಡ್ನಲ್ಲಿ ಅವಕಾಶದ ಬಾಗಿಲು ತೆರೆಯುತ್ತದೆ ಎಂದು ಆಕೆಯ ಅಭಿಮಾನಿಗಳು ಲೆಕ್ಕಾಚಾರ ಹಾಕಿದ್ದರು. ಆದರೆ, ಹಾಗಾಗಲಿಲ್ಲ. ಕೆಲವು ದಿನಗಳ ಕಾಲ ನಟನೆಯಿಂದ ದೂರ ಸರಿದ ಅವರು ಅಪ್ಪನ ಸಮಾಜಸೇವೆಗೆ ಕೈಜೋಡಿಸಿದರು. ‘ಹ್ಯಾಟ್ರಿಕ್ ಹೀರೊ’ ಶಿವರಾಜ್ಕುಮಾರ್ ನಟನೆಯ‘ಮಾಸ್ ಲೀಡರ್’ ಚಿತ್ರದಲ್ಲಿ ಶಿವಣ್ಣ ಅವರ ಪತ್ನಿಯಾಗಿ ಅವರು ಕಾಣಿಸಿಕೊಂಡಿದ್ದರು. ಇದು ಕನ್ನಡದಲ್ಲಿ ಅವರು ನಟಿಸಿದ ಕೊನೆಯ ಚಿತ್ರ.