ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಅನೂಪ್‌ ಮೆನನ್‌ ಹೊಸ ಚಿತ್ರಕ್ಕೆ ಪ್ರಿಯಾ ವಾರಿಯರ್‌ ಹೀರೊಯಿನ್

Last Updated 26 ಜೂನ್ 2020, 11:13 IST
ಅಕ್ಷರ ಗಾತ್ರ

ನಟಿ ಪ್ರಿಯಾ ಪ್ರಕಾಶ್ ವಾರಿಯರ್ ‘ವರು ಅಡಾರ್ ಲವ್’ ಸಿನಿಮಾದ ‘ಮಾಣಿಕ್ಯ ಮಲರಾಯ ಪೂವಿ’ ಸಾಂಗ್‌ನ ದೃಶ್ಯದಲ್ಲಿ ಕಣ್ಣು ಮಿಟುಕಿಸಿ ಪಡ್ಡೆ ಹುಡುಗರ ನಿದ್ದೆ ಕೆಡಿಸಿದ್ದು ಹಳೆಯ ಸುದ್ದಿ. ಈ ಕಣ್ಸನ್ನೆ ಮೂಲಕವೇ ದೇಶದಾದ್ಯಂತ ಅಭಿಮಾನಿ ಬಳಗ ವೃದ್ಧಿಸಿಕೊಂಡ ಆಕೆ ಬಾಲಿವುಡ್‌ ಅಂಗಳಕ್ಕೂ ಜಿಗಿದರು. ಆಕೆ ಹಿಂದಿಯಲ್ಲಿ ನಟಿಸಿರುವ ‘ಶ್ರೀದೇವಿ ಬಂಗ್ಲೊ’ ಚಿತ್ರದ ಶೂಟಿಂಗ್‌ ಪೂರ್ಣಗೊಂಡಿದ್ದು, ಬಿಡುಗಡೆಗಾಗಿ ಕಾಯುತ್ತಿದ್ದಾರೆ.

ಪ್ರಿಯಾ ಕನ್ನಡದ ‘ವಿಷ್ಣುಪ್ರಿಯ’ ಚಿತ್ರಕ್ಕೂ ಬಣ್ಣ ಹಚ್ಚಿದ್ದಾರೆ. ಈ ನಡುವೆ ಆಕೆ ಮತ್ತೆ ಅನೂಪ್‌ ಮೆನನ್‌ ನಟನೆಯ ಮಲಯಾಳದ ‘ಒರು ನಾಲ್ಪದುಕಾರಂಡೆ ಇರುವತ್ತೊನ್ನುಕಾರಿ’ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಇದನ್ನು ವಿ.ಕೆ. ಪ್ರಕಾಶ್‌ ನಿರ್ದೇಶಿಸುತ್ತಿದ್ದಾರೆ. ಅಂದಹಾಗೆ ‘ವಿಷ್ಣುಪ್ರಿಯ’ ಸಿನಿಮಾ ನಿರ್ದೇಶಿಸಿರುವುದೂ ಅವರೇ.

‘ವಿ.ಕೆ. ಪ್ರಕಾಶ್‌ ಜೊತೆಗೆ ಎರಡನೇ ಬಾರಿಗೆ ಕೆಲಸ ಮಾಡುತ್ತಿರುವುದಕ್ಕೆ ಖುಷಿಯಾಗುತ್ತಿದೆ. ನಿಮ್ಮೆಲ್ಲರ ಪ್ರೀತಿ ಮತ್ತು ವಿಶ್ವಾಸ ನಮ್ಮ ಮೇಲೆ ಇರಲಿ’ ಎಂದು ಅನೂಪ್‌ ಮೆನನ್‌ ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದಾರೆ.

ಅನೂಪ್‌ ಮೆನನ್‌ ಮತ್ತು ವಿ.ಕೆ. ಪ್ರಕಾಶ್‌ ಕಾಂಬಿನೇಷನ್‌ನಡಿ 2012ರಲ್ಲಿ ತೆರೆಕಂಡ ‘ಟ್ರಿವೆಂಡ್ರಂ ಲಾಡ್ಜ್’ ಸಿನಿಮಾಕ್ಕೆ ಪ್ರೇಕ್ಷಕರಿಂದ ಉತ್ತಮ ಸ್ಪಂದನೆ ಸಿಕ್ಕಿತ್ತು. ಹಾಗಾಗಿ, ಮತ್ತೆ ಈ ಜೋಡಿ ‘ಒರು ನಾಲ್ಪದುಕಾರಂಡೆ ಇರುವತ್ತೊನ್ನುಕಾರಿ’ ಚಿತ್ರದಲ್ಲಿ ಒಂದಾಗುತ್ತಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT