ಫಸ್ಟ್‌ಲುಕ್ ಬಿಡುಗಡೆ: ಪ್ರಭಾಸ್ ಹೊಸ ಚಿತ್ರ ‘ರಾಧೆ ಶ್ಯಾಮ್’
ಅಕ್ಷರ ಗಾತ್ರ :ಆ |ಆ |ಆ
‘ಬಾಹುಬಲಿ‘ ಖ್ಯಾತಿಯ ನಟ ಪ್ರಭಾಸ್ ಅಭಿನಯದ 21ನೇ ಚಿತ್ರದ ‘ಫಸ್ಟ್‌ಲುಕ್‘ ಅನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. ಈ ಹೊಸ ಚಿತ್ರಕ್ಕೆ ‘ರಾಧೆ ಶ್ಯಾಮ್’ ಎಂದು ಟೈಟಲ್‌ ಇಡಲಾಗಿದೆ.
ಇದು ರೋಮ್ಯಾಂಟಿಕ್‌ ಕಥೆಯಾಧಾರಿತ ಸಿನಿಮಾವಾಗಿದ್ದು, ಪ್ರಭಾಸ್‌ಗೆ ಜೋಡಿಯಾಗಿ ಇದೇ ಮೊದಲ ಬಾರಿಗೆ ಪೂಜಾ ಹೆಗ್ಡೆ ನಟಿಸುತ್ತಿದ್ದಾರೆ. ಈ ಚಿತ್ರದ ‘ಫಸ್ಟ್‌ಲುಕ್‘ ಅನ್ನು ಪೂಜಾ ಹೆಗ್ಡೆ ತಮ್ಮ ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ‘ನಮ್ಮ ಸುಂದರ ಚಿತ್ರಕ್ಕೆ ಸುಂದರ ಶೀರ್ಷಿಕೆ’ ಎಂದು ಅಡಿಬರಹ ಬರೆದುಕೊಂಡಿದ್ದಾರೆ.
ಪೂಜಾರೊಂದಿಗೆ ರೊಮ್ಯಾಂಟಿಕ್ ಆಗಿ ಪೋಸ್ ನೀಡಿರುವ ಈ ಫೋಟೊವನ್ನು ಪ್ರಭಾಸ್ ಕೂಡ ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಂಡಿದ್ದು, ‘ಇದು ನಿಮಗಾಗಿ ಅಭಿಮಾನಿಗಳೇ, ನಿಮಗೆ ಇಷ್ಟವಾಗುತ್ತದೆ ಎಂಬ ನಂಬಿಕೆಯಿದೆ’ ಎಂದು ಹೇಳಿದ್ದಾರೆ.
ರಾಧೆ ಶ್ಯಾಮ್ ಚಿತ್ರತಂಡ ‘ಫಸ್ಟ್‌ಲುಕ್‘ ಬಿಡುಗಡೆ ಮಾಡಿದ ಕೆಲವೇ ಕ್ಷಣಗಳಲ್ಲಿ ಹ್ಯಾಷ್‌ಟ್ಯಾಗ್‌ ‘#ಪ್ರಭಾಸ್20ಫಸ್ಟ್‌ಲುಕ್’ ಟ್ವಿಟರ್‌ನಲ್ಲಿ ಟ್ರೆಂಡ್‌ ಸೃಷ್ಟಿಸಿದೆ.
ಇದು ಪ್ರಭಾಸ್ ಅವರ 21ನೇ ಚಿತ್ರ. ಅಷ್ಟೇ ಅಲ್ಲ, ಪ್ರಭಾಸ್‌ಗೆ ಖ್ಯಾತಿ ತಂದುಕೊಟ್ಟ ‘ಬಾಬುಬಲಿ’ ಸಿನಿಮಾ ರಿಲೀಸ್‌ ಆಗಿದ್ದೂ ಇದೇ ಜುಲೈ 10ರಂದು. ಹಾಗಾಗಿ, ಈ ದಿನ ಅವರಿಗೆ ಬಹಳ ವಿಶೇಷ. ಇದೇ ಕಾರಣಕ್ಕೇ ಹೊಸ ಸಿನಿಮಾದ ಟೈಟಲ್‌ ಮತ್ತು ಫಸ್ಟ್‌ ಲುಕ್‌ ಬಿಡುಗಡೆ ಮಾಡಿದ್ದಾರೆ.
ರಾಧಾಕೃಷ್ಣಕುಮಾರ್ ನಿರ್ದೇಶನದಲ್ಲಿ ಈ ಸಿನಿಮಾ ತಯಾರಾಗುತ್ತಿದೆ. ಉಳಿದಂತೆ ಮುರಳಿ ಶರ್ಮಾ, ಭಾಗ್ಯಶ್ರೀ, ಪ್ರಿಯಾದರ್ಶಿ ಮತ್ತಿರರು ಪೋಷಕ ಪಾತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ.
RADHE SHYAM ❤️ Our beautiful film has a beautiful name....here’s our much awaited first look ❤️ #radheshyam #Prabhas @director_radhaa @UVKrishnamRaju Garu @itsBhushanKumar @TSeries #Vamshi #Pramod & @PraseedhaU @UV_Creations @AAFilmsIndia pic.twitter.com/LAvclv37Iy
— Pooja Hegde (@hegdepooja) July 10, 2020
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
