‘ವಿಕ್ರಂ ವೇದಾ': ಸೈಫ್ ಅಲಿ ಖಾನ್‌ರ ಫಸ್ಟ್ ಲುಕ್ ಹಂಚಿಕೊಂಡ ಹೃತಿಕ್ ರೋಷನ್
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: 2017ರಲ್ಲಿ ತೆರೆಕಂಡ ತಮಿಳು ಚಿತ್ರ ‘ವಿಕ್ರಂ ವೇದಾ’ ಹಿಂದಿಯಲ್ಲಿ ರಿಮೇಕ್ ಆಗುತ್ತಿದೆ. ನಟ ಹೃತಿಕ್ ರೋಷನ್, ಸೈಫ್ ಅಲಿ ಖಾನ್ ಈ ಚಿತ್ರದಲ್ಲಿ ಮುಖ್ಯ ಪಾತ್ರದಲ್ಲಿದ್ದಾರೆ.
ವಿಕ್ರಂ ವೇದಾ ಚಿತ್ರದಲ್ಲಿನ ಸೈಫ್ ಅಲಿ ಖಾನ್ ಅವರ ಫಸ್ಟ್ ಲುಕ್ ಅನ್ನು ಹೃತಿಕ್ ರೋಷನ್ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಪೊಲೀಸ್‌ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಸೈಫ್ ಅವರು ಜೀನ್ಸ್, ಟೀ ಶರ್ಟ್ ಹಾಗೂ ಕಪ್ಪು ಕಣ್ಣಡಕವನ್ನು ಧರಿಸಿ ಒರಟು ನೋಟವನ್ನು ಬೀರಿದ್ದಾರೆ.
‘ಅತ್ಯುತ್ತಮ ನಟರಲ್ಲಿ ಒಬ್ಬರು’ ಎಂದು ಸೈಫ್ ಅವರ ಕುರಿತು ಹೃತಿಕ್ ಬರೆದುಕೊಂಡಿದ್ದಾರೆ.
‘ಹಲವು ವರ್ಷಗಳಿಂದ ನಾನು ಮೆಚ್ಚಿದ ಅತ್ಯುತ್ತಮ ನಟ ಮತ್ತು ಸಹೋದ್ಯೋಗಿಯೊಂದಿಗೆ ಕೆಲಸ ಮಾಡುತ್ತಿದ್ದೇನೆ. ಈ ಅನುಭವವನ್ನು ಖಂಡಿತವಾಗಿಯೂ ನಾನು ಸಂಭ್ರಮಿಸುತ್ತೇನೆ’ ಎಂದೂ ಹೃತಿಕ್ ತಿಳಿಸಿದ್ದಾರೆ.
'ವಿಕ್ರಂ ವೇದಾ' ಸಿನಿಮಾದ ಶೂಟಿಂಗ್‌ ನಡೆಯುತ್ತಿದ್ದು, ಸದ್ಯ ಸೈಫ್ ಅಲಿ ಖಾನ್ ಭಾಗದ ದೃಶ್ಯಗಳನ್ನು ಚಿತ್ರೀಕರಣ ಮಾಡಲಾಗುತ್ತಿದೆ.
ಪುಷ್ಕರ್‌ ಗಾಯತ್ರಿ ಈ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದಾರೆ. 2022ರ ಸೆಪ್ಟೆಂಬರ್ ತಿಂಗಳಲ್ಲಿ 'ವಿಕ್ರಂ ವೇದಾ’ ಸಿನಿಮಾ ಬಿಡುಗಡೆಯಾಗಲಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
