ಕೊಚ್ಚಿ: ಮಲಯಾಳ ಚಿತ್ರನಟ ಶರತ್ ಚಂದ್ರನ್ (37) ಅವರ ಮೃತದೇಹವು ಇಲ್ಲಿನ ಕಕ್ಕಾಡ್ನಲ್ಲಿರುವ ಅವರ ಮನೆಯಲ್ಲಿ ಶನಿವಾರ ಪತ್ತೆಯಾಗಿದೆ.
ಶರತ್ ಅವರು ಬರೆದಿಟ್ಟಿರುವ ಪತ್ರ ಲಭಿಸಿದ್ದು, ಅವರು ಆತ್ಮಹತ್ಯೆ ಮಾಡಿಕೊಂಡಿರುವ ಶಂಕೆ ಇದೆ ಎಂದು ಪೊಲೀಸರು ತಿಳಿಸಿದ್ದಾರೆ. ತನ್ನ ಸಾವಿಗೆ ಯಾರೂ ಕಾರಣರಲ್ಲ ಎಂದು ಅವರು ಪತ್ರದಲ್ಲಿ ಬರೆದಿದ್ದಾರೆ ಎಂದೂ ಹೇಳಿದ್ದಾರೆ.
ಶರತ್ ಅವರು ‘ಅಂಗಮಾಲಿ ಡೈರೀಸ್’, ‘ಒರು ಮೆಕ್ಸಿಕನ್ ಅಪರತ’, ‘ಸಿಐಎ’, ‘ಕೂಡೆ’ ಮೊದಲಾದ ಚಿತ್ರಗಳಲ್ಲಿ ನಟಿಸಿದ್ದರು.