ಪ್ರಕರಣದ ವಿವರ: 2015ರಲ್ಲಿ ಈ ದಂಪತಿ ಇಲ್ಲಿನ ರೇಡಿಯನ್ಸ್ ಮೀಡಿಯಾ ಪ್ರೈವೇಟ್ ಲಿಮಿಟೆಡ್ನಿಂದ ಸಾಲ ಪಡೆದಿದ್ದರು. ಆ ಹಣದಿಂದ ತಮ್ಮದೇ ನಿರ್ಮಾಣ ಸಂಸ್ಥೆಯ (ಮ್ಯಾಜಿಕ್ ಫ್ರೇಮ್ಸ್ ) ಮೂಲಕ ‘ಇದು ಎನ್ನ ಮಾಯಂ’ ಹೆಸರಿನ ಸಿನಿಮಾ ನಿರ್ಮಿಸಿದ್ದರು. ಶರತ್ ಅವರು ಇದೇ ಸಂಸ್ಥೆಯಿಂದ ₹ 50 ಲಕ್ಷ ಕೈಸಾಲವನ್ನೂ ಪಡೆದಿದ್ದರು. ಸಾಲ ಮರುಪಾವತಿ ಸಂಬಂಧಿಸಿದಂತೆ ನೀಡಲಾದ ಚೆಕ್ ಬೌನ್ಸ್ ಆಗಿತ್ತು. ಪ್ರಕರಣ ಸಂಬಂಧಿಸಿ ರೇಡಿಯನ್ಸ್ ಗ್ರೂಪ್ ಕೋರ್ಟ್ ಮೆಟ್ಟಿಲೇರಿತ್ತು. ಶರತ್ ವಿರುದ್ಧ 7 ಮತ್ತು ರಾಧಿಕಾ ವಿರುದ್ಧ 2 ಪ್ರಕರಣಗಳು ದಾಖಲಾಗಿದ್ದವು. ಶಾಸಕ ಮತ್ತು ಸಂಸದರಿಗೆ ಸಂಬಂಧಿಸಿದ ಪ್ರಕರಣಗಳ ವಿಚಾರಣೆ ನಡೆಸುವ ವಿಶೇಷ ನ್ಯಾಯಾಲಯವು ಶಿಕ್ಷೆ ವಿಧಿಸಿ ತೀರ್ಪು ನೀಡಿದೆ. ಶರತ್ ಕುಮಾರ್, ರಾಧಿಕಾ ಮತ್ತು ಲಿಸ್ಟಿನ್ ಸ್ಟೀಫನ್ ಅವರು ಮ್ಯಾಜಿಕ್ ಫ್ರೇಮ್ಸ್ನ ಪಾಲುದಾರರಾಗಿದ್ದಾರೆ.