ತೆಲುಗು ಗಾಯಕಿ ಮಂಗ್ಲಿಯ ಬಳಿ ಅಭಿಮಾನಿಗಳು ಸೆಲ್ಪಿತೆಗೆದುಕೊಳ್ಳಲು ಮುಗಿಬಿದ್ದ ಸಂದರ್ಭದಲ್ಲಿ ಅವರು ಅಭಿಮಾನಿಗಳ ವಿರುದ್ಧ ಕೋಪಗೊಂಡು ಹೊಡೆಯಲು ಮುಂದಾಗಿರುವ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ಮಂಗ್ಲಿ ಅವರು ಪ್ರಕಾಶಂ ಜಿಲ್ಲೆಯಲ್ಲಿ ನಡೆದ ಆಂಧ್ರಸಚಿವರ ಪುತ್ರನ ವಿವಾಹಕ್ಕೆ ತೆರಳಿದ್ದರು. ಈ ವೇಳೆ ಸಾಕಷ್ಟು ಅಭಿಮಾನಿಗಳು ಸೆಲ್ಪಿಗೆಮುಂದಾಗಿದ್ದಾರೆ. ಇದರಿಂದ ಕೋಪಗೊಂಡು ಅವರು ಹೊಡೆಯಲು ಮುಂದಾದರು. ನಂತರ ಕೆಲ ಯುವಕರು ಅವರನ್ನು ಕಾರಿನಲ್ಲಿ ಕಳುಹಿಸಿಕೊಟ್ಟರು ಎಂದು ತೆಲುಗು ಮಾಧ್ಯಮಗಳು ವರದಿ ಮಾಡಿವೆ.
ದರ್ಶನ್ ನಟನೆಯ 'ರಾಬರ್ಟ್' ಸಿನಿಮಾದ ತೆಲುಗು ಆವೃತ್ತಿಯ 'ಕಣ್ಣೇ ಅಧಿರಿಂದಿ' ಹಾಡನ್ನು ಮಂಗ್ಲಿ ಹಾಡಿದ್ದರು. ಈ ಹಾಡು ಅವರಿಗೆ ಖ್ಯಾತಿ ತಂದುಕೊಟ್ಟಿತ್ತು. ಇದೀಗತೆಲುಗು ಸೇರಿದಂತೆ ಕನ್ನಡ ಸಿನಿಮಾಗಳಲ್ಲೂ ಅವರು ಹಾಡುತ್ತಿದ್ದಾರೆ.
ಸದ್ಯ ಅವರು ಪ್ರೇಮ್‌ ನಿರ್ದೇಶನದ ’ಏಕ್ ಲವ್‌ಯಾ’ ಸಿನಿಮಾದಲ್ಲೂ ಹಾಡಿದ್ದಾರೆ. ಮುಂದೆ ಹಲವು ಸಿನಿಮಾಗಳಲ್ಲೂ ಅವರು ಹಾಡಲಿದ್ದಾರೆ.
