<p>ಕಾಲಿವುಡ್ ಸ್ಟಾರ್ ಸೂರ್ಯ, ಪ್ರಧಾನಮಂತ್ರಿಯೊಬ್ಬರಿಗೆ ವಿಶೇಷ ಭದ್ರತಾ ಪಡೆ ಎನ್ಎಸ್ಜಿ ಮುಖ್ಯಸ್ಥರಾಗಿ ನೇಮಕಗೊಂಡಿದ್ದಾರೆ! ಈ ವಿಶೇಷ ಗೆಟಪ್ಪಿನಲ್ಲಿ ಅವರು ಕಾಣಿಸಿಕೊಳ್ಳಲಿರುವುದು ‘ಕಾಪ್ಪಾನ್’ ಚಿತ್ರದಲ್ಲಿ.</p>.<p>ಮಲಯಾಳಂ ಚಿತ್ರರಂಗದ ಮೇರುನಟ ಮೋಹನ್ಲಾಲ್ ಈ ಚಿತ್ರದಲ್ಲಿ ಚಂದ್ರಕಾಂತ್ ವರ್ಮಾ ಹೆಸರಿನ ಪ್ರಧಾನಮಂತ್ರಿಯ ಪಾತ್ರ ಮಾಡಿದ್ದಾರೆ. ರಾಜಕೀಯ ಮತ್ತು ರಾಜಕಾರಣಿಯ ಕತೆಯುಳ್ಳ ಚಿತ್ರ ಇದೆಂದು ಮೇಲ್ನೋಟಕ್ಕೆ ಅನಿಸಿದರೂ, ಚಿತ್ರ ಬೇರೆಯೇ ಕತೆ ಹೇಳುತ್ತದೆ ಎನ್ನುತ್ತದೆ ಚಿತ್ರತಂಡ.</p>.<p>‘ಕಾಪ್ಪಾನ್’ ಆ್ಯಕ್ಷನ್ ಕಾಮಿಡಿ ಎಂದು ಹೇಳಲಾಗುತ್ತಿದೆ. ಕೆ.ವಿ. ಆನಂದ್ ನಿರ್ದೇಶನದ ಈ ಚಿತ್ರದಲ್ಲಿ ಸೂರ್ಯ ಈಗ ತಾನೇ ಸೇರ್ಪಡೆಯಾಗಿದ್ದಾರೆ. ಪ್ರಧಾನಮಂತ್ರಿ ಬೇರೆ ಬೇರೆ ದೇಶಗಳಿಗೆ ಭೇಟಿ ನೀಡುವ ಸನ್ನಿವೇಶಗಳನ್ನು ಚಿತ್ರ ಒಳಗೊಂಡಿದೆ. ಹಾಗಾಗಿ ಹಲವು ದೇಶಗಳಲ್ಲಿ ಸೂರ್ಯ–ಮೋಹನ್ಲಾಲ್ ಜೋಡಿ ಚಿತ್ರೀಕರಣದಲ್ಲಿ ಭಾಗಿಯಾಗಲಿದೆ.</p>.<p>ಕಾಲಿವುಡ್ನ ನವ ವಿವಾಹಿತ ಜೋಡಿ ಆರ್ಯ ಮತ್ತು ಸಯ್ಯೇಷಾ ಕೂಡಾ ಈ ಚಿತ್ರದಲ್ಲಿ ನಟಿಸಲಿದ್ದಾರೆ. ಲೈಕಾ ನಿರ್ಮಾಣದ ಈ ಚಿತ್ರದಲ್ಲಿ ಹ್ಯಾರಿಸ್ ಜಯರಾಜ್ ಸಂಗೀತ ನಿರ್ದೇಶನ ಹಾಗೂ ಅಭಿನಂದನ್ ರಾಮಾನುಜಂ ಸಿನೆಮಾಟೊಗ್ರಾಫರ್ ಹೊಣೆ ಹೊತ್ತಿದ್ದಾರೆ.</p>.<p>ಈಗಾಗಲೇ ‘ಲೂಸಿಫರ್’ನಲ್ಲಿ ರಾಜಕಾರಣಿಯ ಪಾತ್ರದಲ್ಲಿ ಮಿಂಚಿರುವ ಮೋಹನ್ಲಾಲ್ಗೆ ಒಂದೇ ಬಗೆಯ ಕಥಾವಸ್ತುವುಳ್ಳ ಚಿತ್ರಗಳು ಸಿಗುತ್ತಿರುವುದು ಅವರ ರಾಜಕೀಯ ಬದುಕಿಗೆ ಮುನ್ನುಡಿ ಎಂದೂ ಮಾಲಿವುಡ್ ಹೇಳುತ್ತಿದೆ. ಆದರೆ ರಾಜಕೀಯ ಪ್ರವೇಶದ ಬಗ್ಗೆ ಮೋಹನ್ಲಾಲ್ ಇದುವರೆಗೂ ತುಟಿಪಿಟಕ್ಕೆಂದಿಲ್ಲ.</p>.<p>ಅದೇನೇ ಇರಲಿ, ತಮಿಳಿನ ಸಿನಿಪ್ರಿಯರಿಗೆ ತಮ್ಮಿಷ್ಟದ ನಟನೊಂದಿಗೆ ಮೋಹನ್ಲಾಲ್ ಅವರ ಖದರನ್ನೂ ನೋಡುವ ಅವಕಾಶ ಮತ್ತೊಮ್ಮೆ ಸಿಕ್ಕಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕಾಲಿವುಡ್ ಸ್ಟಾರ್ ಸೂರ್ಯ, ಪ್ರಧಾನಮಂತ್ರಿಯೊಬ್ಬರಿಗೆ ವಿಶೇಷ ಭದ್ರತಾ ಪಡೆ ಎನ್ಎಸ್ಜಿ ಮುಖ್ಯಸ್ಥರಾಗಿ ನೇಮಕಗೊಂಡಿದ್ದಾರೆ! ಈ ವಿಶೇಷ ಗೆಟಪ್ಪಿನಲ್ಲಿ ಅವರು ಕಾಣಿಸಿಕೊಳ್ಳಲಿರುವುದು ‘ಕಾಪ್ಪಾನ್’ ಚಿತ್ರದಲ್ಲಿ.</p>.<p>ಮಲಯಾಳಂ ಚಿತ್ರರಂಗದ ಮೇರುನಟ ಮೋಹನ್ಲಾಲ್ ಈ ಚಿತ್ರದಲ್ಲಿ ಚಂದ್ರಕಾಂತ್ ವರ್ಮಾ ಹೆಸರಿನ ಪ್ರಧಾನಮಂತ್ರಿಯ ಪಾತ್ರ ಮಾಡಿದ್ದಾರೆ. ರಾಜಕೀಯ ಮತ್ತು ರಾಜಕಾರಣಿಯ ಕತೆಯುಳ್ಳ ಚಿತ್ರ ಇದೆಂದು ಮೇಲ್ನೋಟಕ್ಕೆ ಅನಿಸಿದರೂ, ಚಿತ್ರ ಬೇರೆಯೇ ಕತೆ ಹೇಳುತ್ತದೆ ಎನ್ನುತ್ತದೆ ಚಿತ್ರತಂಡ.</p>.<p>‘ಕಾಪ್ಪಾನ್’ ಆ್ಯಕ್ಷನ್ ಕಾಮಿಡಿ ಎಂದು ಹೇಳಲಾಗುತ್ತಿದೆ. ಕೆ.ವಿ. ಆನಂದ್ ನಿರ್ದೇಶನದ ಈ ಚಿತ್ರದಲ್ಲಿ ಸೂರ್ಯ ಈಗ ತಾನೇ ಸೇರ್ಪಡೆಯಾಗಿದ್ದಾರೆ. ಪ್ರಧಾನಮಂತ್ರಿ ಬೇರೆ ಬೇರೆ ದೇಶಗಳಿಗೆ ಭೇಟಿ ನೀಡುವ ಸನ್ನಿವೇಶಗಳನ್ನು ಚಿತ್ರ ಒಳಗೊಂಡಿದೆ. ಹಾಗಾಗಿ ಹಲವು ದೇಶಗಳಲ್ಲಿ ಸೂರ್ಯ–ಮೋಹನ್ಲಾಲ್ ಜೋಡಿ ಚಿತ್ರೀಕರಣದಲ್ಲಿ ಭಾಗಿಯಾಗಲಿದೆ.</p>.<p>ಕಾಲಿವುಡ್ನ ನವ ವಿವಾಹಿತ ಜೋಡಿ ಆರ್ಯ ಮತ್ತು ಸಯ್ಯೇಷಾ ಕೂಡಾ ಈ ಚಿತ್ರದಲ್ಲಿ ನಟಿಸಲಿದ್ದಾರೆ. ಲೈಕಾ ನಿರ್ಮಾಣದ ಈ ಚಿತ್ರದಲ್ಲಿ ಹ್ಯಾರಿಸ್ ಜಯರಾಜ್ ಸಂಗೀತ ನಿರ್ದೇಶನ ಹಾಗೂ ಅಭಿನಂದನ್ ರಾಮಾನುಜಂ ಸಿನೆಮಾಟೊಗ್ರಾಫರ್ ಹೊಣೆ ಹೊತ್ತಿದ್ದಾರೆ.</p>.<p>ಈಗಾಗಲೇ ‘ಲೂಸಿಫರ್’ನಲ್ಲಿ ರಾಜಕಾರಣಿಯ ಪಾತ್ರದಲ್ಲಿ ಮಿಂಚಿರುವ ಮೋಹನ್ಲಾಲ್ಗೆ ಒಂದೇ ಬಗೆಯ ಕಥಾವಸ್ತುವುಳ್ಳ ಚಿತ್ರಗಳು ಸಿಗುತ್ತಿರುವುದು ಅವರ ರಾಜಕೀಯ ಬದುಕಿಗೆ ಮುನ್ನುಡಿ ಎಂದೂ ಮಾಲಿವುಡ್ ಹೇಳುತ್ತಿದೆ. ಆದರೆ ರಾಜಕೀಯ ಪ್ರವೇಶದ ಬಗ್ಗೆ ಮೋಹನ್ಲಾಲ್ ಇದುವರೆಗೂ ತುಟಿಪಿಟಕ್ಕೆಂದಿಲ್ಲ.</p>.<p>ಅದೇನೇ ಇರಲಿ, ತಮಿಳಿನ ಸಿನಿಪ್ರಿಯರಿಗೆ ತಮ್ಮಿಷ್ಟದ ನಟನೊಂದಿಗೆ ಮೋಹನ್ಲಾಲ್ ಅವರ ಖದರನ್ನೂ ನೋಡುವ ಅವಕಾಶ ಮತ್ತೊಮ್ಮೆ ಸಿಕ್ಕಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>