<p>ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಸಾವು, ಅವರ ಸಿನಿಮಾ ರಂಗದ ಆಪ್ತೇಷ್ಟರನ್ನು ಶೋಕಸಾಗರದಲ್ಲಿ ಮುಳುಗಿಸಿದೆ. ಸುಶಾಂತ್ರೊಂದಿಗೆ ಸಿನಿಮಾ, ಧಾರಾವಾಹಿಗಳಲ್ಲಿ ನಟಿಸಿದ ಹಲವು ಸಹನಟ–ನಟಿಯರು ಜಾಲತಾಣಗಳ ಮೂಲಕ ತಮ್ಮ ನೋವನ್ನು ಹೊರ ಹಾಕುತ್ತಿದ್ದಾರೆ.</p>.<p>‘ರಾಬ್ತಾ‘ ಸಿನಿಮಾದಲ್ಲಿ ಸುಶಾಂತ್ ಜತೆ ತೆರೆ ಹಂಚಿಕೊಂಡಿದ್ದ ನಟಿ ಕೃತಿ ಸನೋನ್, ಅಗಲಿದ ಗೆಳೆಯನ ಕುರಿತು ಇನ್ಸ್ಟಾಗ್ರಾಂ ಖಾತೆಯಲ್ಲಿ ಭಾವನಾತ್ಮಕವಾಗಿ ಬರೆದುಕೊಂಡಿದ್ದು, ಮನದ ನೋವನ್ನು ಅಕ್ಷರಗಳಲ್ಲಿ ಪೋಣಿಸಿದ್ದಾರೆ. ಆ ಭಾವ ತುಂಬಿದ ಸಾಲುಗಳು ಹೀಗಿವೆ...</p>.<p>'ನಿನ್ನಲ್ಲಿದ್ದ ಅದ್ಭುತ ಬುದ್ಧಿಶಕ್ತಿಯೇ ನಿನಗೆ ಒಳ್ಳೆಯ ಸ್ನೇಹಿತ ಹಾಗೆಯೇ ಕೆಟ್ಟ ವೈರಿಯೂ ಆಯಿತೇನೋ. ನೀನು ಜೀವನದಲ್ಲಿ ಬದುಕುವುದಕ್ಕಿಂತ ಸಾಯುವುದೇ ಸುಲಭ ಎಂದು ತೀರ್ಮಾನಿಸಿರುವುದು ನನ್ನನ್ನು ತುಂಬಾ ಘಾಸಿಗೊಳಿಸಿದೆ.<br />ನೀನು ಸಾಯುವ ನಿರ್ಧಾರ ತೆಗೆದುಕೊಂಡ ಆ ಕೆಟ್ಟ ಸಮಯದಲ್ಲಿ ನಿನ್ನ ಸುತ್ತಲೂ ಜನರು ಇರಬೇಕಿತ್ತು ಎನ್ನಿಸುತ್ತಿದೆ. ನಿನ್ನ ಸಮಸ್ಯೆಯನ್ನು ಪರಿಹರಿಸಲು ನನಗೆ ಒಂದು ಅವಕಾಶ ಸಿಕ್ಕಿದ್ದರೆ ಎಷ್ಟು ಚೆನ್ನಾಗಿರುತ್ತಿತ್ತು!<br />ನಿನ್ನನ್ನು ಯಾವಾಗಲೂ ಪ್ರೀತಿಸುತ್ತಿದ್ದವರನ್ನು ಹೀಗೆ ದೂರ ತಳ್ಳಬಾರದಿತ್ತು. ಈಗಲೂ ನನ್ನ ಹೃದಯದ ಒಂದು ಭಾಗ ಸದಾ ನಿನ್ನೊಂದಿಗೆ ಇರುತ್ತದೆ. ನನ್ನ ಹೃದಯದೊಳಗೆ ನೀನು ಯಾವಾಗಲೂ ಇರುತ್ತೀಯಾ...</p>.<p>ಈ ಭಾವನಾತ್ಮಕ ಸಾಲುಗಳ ಜತೆಗೆ ಸುಶಾಂತ್ ಅವರೊಂದಿಗೆ ತೆಗೆದುಕೊಂಡಿದ್ದ ಸೆಲ್ಫಿ ಫೋಟೊಗಳನ್ನು ಕೃತಿ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.</p>.<p>‘ರಾಬ್ತಾ’ ಸಿನಿಮಾದಲ್ಲಿ ಸುಶಾಂತ್ ಜೋಡಿಯಾಗಿ ನಟಿಸುವಾಗ ‘ಈ ಸಿನಿಮಾದ ಪ್ರೇಮಕಥೆ ಬಹಳ ಇಷ್ಟವಾಗಿದೆ‘ ಎಂದು ಕೃತಿ ಹೇಳಿಕೊಂಡಿದ್ದರು. ಹಿಂದೆ ಇನ್ಸ್ಟಾಗ್ರಾಂನಲ್ಲೂ ಇದನ್ನು ಬರೆದುಕೊಂಡಿದ್ದರು.</p>.<p class="Briefhead"><strong>ಸುಶಾಂತ್ ಮನೆಗೆ ಅಂಕಿತಾ</strong></p>.<p>ಸುಶಾಂತ್ ಮಾಜಿ ಗೆಳತಿ ಅಂಕಿತಾ ಲೋಖಂಡೆ ಮಂಗಳವಾರ ತಮ್ಮ ತಾಯಿಯೊಂದಿಗೆ ಮುಂಬೈನ ಬಾಂದ್ರಾದಲ್ಲಿರುವ ಸುಶಾಂತ್ ಅವರ ನಿವಾಸಕ್ಕೆ ಭೇಟಿ ನೀಡಿದ್ದಾರೆ. ಅವರೊಂದಿಗೆ ಸರ್ಬಜಿತ್ ಸಿನಿಮಾ ನಿರ್ಮಾಪಕ ಸಂದೀಪ್ ಸಿಂಗ್ ಸಹ ಇದ್ದರು.</p>.<p>ಸುಶಾಂತ್ ಮತ್ತು ಅಂಕಿತಾ ‘ಪವಿತ್ರ ರಿಶ್ತಾ’ ಧಾರಾವಾಹಿ ಮೂಲಕ ಸ್ನೇಹಿತರಾಗಿ, ಪರಸ್ಪರ ಪ್ರೀತಿಸಿ ಆರು ವರ್ಷಗಳ ಕಾಲ ‘ಸಹಜೀವನ’ ನಡೆಸಿದ್ದರು. 2016ರಲ್ಲಿ ಇಬ್ಬರು ಬೇರೆಯಾಗಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಸಾವು, ಅವರ ಸಿನಿಮಾ ರಂಗದ ಆಪ್ತೇಷ್ಟರನ್ನು ಶೋಕಸಾಗರದಲ್ಲಿ ಮುಳುಗಿಸಿದೆ. ಸುಶಾಂತ್ರೊಂದಿಗೆ ಸಿನಿಮಾ, ಧಾರಾವಾಹಿಗಳಲ್ಲಿ ನಟಿಸಿದ ಹಲವು ಸಹನಟ–ನಟಿಯರು ಜಾಲತಾಣಗಳ ಮೂಲಕ ತಮ್ಮ ನೋವನ್ನು ಹೊರ ಹಾಕುತ್ತಿದ್ದಾರೆ.</p>.<p>‘ರಾಬ್ತಾ‘ ಸಿನಿಮಾದಲ್ಲಿ ಸುಶಾಂತ್ ಜತೆ ತೆರೆ ಹಂಚಿಕೊಂಡಿದ್ದ ನಟಿ ಕೃತಿ ಸನೋನ್, ಅಗಲಿದ ಗೆಳೆಯನ ಕುರಿತು ಇನ್ಸ್ಟಾಗ್ರಾಂ ಖಾತೆಯಲ್ಲಿ ಭಾವನಾತ್ಮಕವಾಗಿ ಬರೆದುಕೊಂಡಿದ್ದು, ಮನದ ನೋವನ್ನು ಅಕ್ಷರಗಳಲ್ಲಿ ಪೋಣಿಸಿದ್ದಾರೆ. ಆ ಭಾವ ತುಂಬಿದ ಸಾಲುಗಳು ಹೀಗಿವೆ...</p>.<p>'ನಿನ್ನಲ್ಲಿದ್ದ ಅದ್ಭುತ ಬುದ್ಧಿಶಕ್ತಿಯೇ ನಿನಗೆ ಒಳ್ಳೆಯ ಸ್ನೇಹಿತ ಹಾಗೆಯೇ ಕೆಟ್ಟ ವೈರಿಯೂ ಆಯಿತೇನೋ. ನೀನು ಜೀವನದಲ್ಲಿ ಬದುಕುವುದಕ್ಕಿಂತ ಸಾಯುವುದೇ ಸುಲಭ ಎಂದು ತೀರ್ಮಾನಿಸಿರುವುದು ನನ್ನನ್ನು ತುಂಬಾ ಘಾಸಿಗೊಳಿಸಿದೆ.<br />ನೀನು ಸಾಯುವ ನಿರ್ಧಾರ ತೆಗೆದುಕೊಂಡ ಆ ಕೆಟ್ಟ ಸಮಯದಲ್ಲಿ ನಿನ್ನ ಸುತ್ತಲೂ ಜನರು ಇರಬೇಕಿತ್ತು ಎನ್ನಿಸುತ್ತಿದೆ. ನಿನ್ನ ಸಮಸ್ಯೆಯನ್ನು ಪರಿಹರಿಸಲು ನನಗೆ ಒಂದು ಅವಕಾಶ ಸಿಕ್ಕಿದ್ದರೆ ಎಷ್ಟು ಚೆನ್ನಾಗಿರುತ್ತಿತ್ತು!<br />ನಿನ್ನನ್ನು ಯಾವಾಗಲೂ ಪ್ರೀತಿಸುತ್ತಿದ್ದವರನ್ನು ಹೀಗೆ ದೂರ ತಳ್ಳಬಾರದಿತ್ತು. ಈಗಲೂ ನನ್ನ ಹೃದಯದ ಒಂದು ಭಾಗ ಸದಾ ನಿನ್ನೊಂದಿಗೆ ಇರುತ್ತದೆ. ನನ್ನ ಹೃದಯದೊಳಗೆ ನೀನು ಯಾವಾಗಲೂ ಇರುತ್ತೀಯಾ...</p>.<p>ಈ ಭಾವನಾತ್ಮಕ ಸಾಲುಗಳ ಜತೆಗೆ ಸುಶಾಂತ್ ಅವರೊಂದಿಗೆ ತೆಗೆದುಕೊಂಡಿದ್ದ ಸೆಲ್ಫಿ ಫೋಟೊಗಳನ್ನು ಕೃತಿ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.</p>.<p>‘ರಾಬ್ತಾ’ ಸಿನಿಮಾದಲ್ಲಿ ಸುಶಾಂತ್ ಜೋಡಿಯಾಗಿ ನಟಿಸುವಾಗ ‘ಈ ಸಿನಿಮಾದ ಪ್ರೇಮಕಥೆ ಬಹಳ ಇಷ್ಟವಾಗಿದೆ‘ ಎಂದು ಕೃತಿ ಹೇಳಿಕೊಂಡಿದ್ದರು. ಹಿಂದೆ ಇನ್ಸ್ಟಾಗ್ರಾಂನಲ್ಲೂ ಇದನ್ನು ಬರೆದುಕೊಂಡಿದ್ದರು.</p>.<p class="Briefhead"><strong>ಸುಶಾಂತ್ ಮನೆಗೆ ಅಂಕಿತಾ</strong></p>.<p>ಸುಶಾಂತ್ ಮಾಜಿ ಗೆಳತಿ ಅಂಕಿತಾ ಲೋಖಂಡೆ ಮಂಗಳವಾರ ತಮ್ಮ ತಾಯಿಯೊಂದಿಗೆ ಮುಂಬೈನ ಬಾಂದ್ರಾದಲ್ಲಿರುವ ಸುಶಾಂತ್ ಅವರ ನಿವಾಸಕ್ಕೆ ಭೇಟಿ ನೀಡಿದ್ದಾರೆ. ಅವರೊಂದಿಗೆ ಸರ್ಬಜಿತ್ ಸಿನಿಮಾ ನಿರ್ಮಾಪಕ ಸಂದೀಪ್ ಸಿಂಗ್ ಸಹ ಇದ್ದರು.</p>.<p>ಸುಶಾಂತ್ ಮತ್ತು ಅಂಕಿತಾ ‘ಪವಿತ್ರ ರಿಶ್ತಾ’ ಧಾರಾವಾಹಿ ಮೂಲಕ ಸ್ನೇಹಿತರಾಗಿ, ಪರಸ್ಪರ ಪ್ರೀತಿಸಿ ಆರು ವರ್ಷಗಳ ಕಾಲ ‘ಸಹಜೀವನ’ ನಡೆಸಿದ್ದರು. 2016ರಲ್ಲಿ ಇಬ್ಬರು ಬೇರೆಯಾಗಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
