ಕನ್ನಡತಿ ರಚಿತಾ ರಾಮ್ ಅಭಿನಯದ ತೆಲುಗಿನ ‘ಸೂಪರ್ ಮಚ್ಚಿ’ ಸಿನಿಮಾದ ಟ್ರೈಲರ್‌ ಬಿಡುಗಡೆಯಾಗಿದ್ದು ಅಭಿಮಾನಿಗಳಿಂದ ಮೆಚ್ಚುಗೆ ವ್ಯಕ್ತವಾಗಿದೆ.
ನಟ ಕಲ್ಯಾಣ್ ದೇವ್ ಜತೆತೆರೆ ಹಂಚಿಕೊಂಡಿರುವ ಅವರು ಮೊದಲ ಸಲತೆಲುಗು ಚಿತ್ರರಂಗಕ್ಕೆ ಎಂಟ್ರಿ ನೀಡಿದ್ದಾರೆ. ಕನ್ನಡದಲ್ಲಿಬೇಡಿಕೆ ಇದ್ದರೂ ರಚಿತಾಪರಭಾಷೆಯ ಚಿತ್ರರಂಗದತ್ತಲೂ ಕಣ್ಣಿಟ್ಟಿದ್ದಾರೆ
ಯೂಟ್ಯೂಬ್ನಲ್ಲಿ ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಈ ಚಿತ್ರದ ಟ್ರೇಲರ್ ಲಕ್ಷಾಂತರ ವೀಕ್ಷಣೆ ಕಂಡಿದೆ.ಅಭಿಮಾನಿಗಳು ಕೂಡ ಉತ್ತಮ ಕಾಮೆಂಟ್‌ಗಳನ್ನು ಹಾಕುತ್ತಿದ್ದಾರೆ.
ಕೊರೊನಾ ನಡುವೆಯೂ ‘ಸೂಪರ್ ಮಚ್ಚಿ’ ಚಿತ್ರ ಜನವರಿ 24ರಂದು ಬಿಡುಗಡೆಯಾಗುತ್ತಿದೆ. ಪುಲಿ ವಾಸು ನಿರ್ದೇಶನದ ಈ ಸಿನಿಮಾಗೆ ತಮನ್‌ಸಂಗೀತ ನೀಡಿದ್ದಾರೆ.
ಇತ್ತೀಚೆಗಷ್ಟೇ ರಚಿತಾ ನಟನೆಯ ಕನ್ನಡದ ‘ಲವ್ ಯೂ ರಚ್ಚು’ ಸಿನಿಮಾ ತೆರೆಕಂಡು ಯಶಸ್ವಿಯಾಗಿದೆ. ಪ್ರೇಮ್ ನಿರ್ದೇಶನದ ‘ಏಕ್ ಲವ್ ಯಾ’ ಚಿತ್ರದಲ್ಲೂ ರಚಿತಾ ಅಭಿನಯಿಸಿದ್ದು ಈ ಚಿತ್ರ ಬಿಡುಗಡೆ ಸಿದ್ಧವಾಗಿದೆ.
