ಚಂದನವನದ ನಟಿ ಹಾಗೂ ರೂಪದರ್ಶಿ ಶುಭ್ರಾ ಅಯ್ಯಪ್ಪ ಅವರು ಭಾವಿ ಪತಿಯ ಬಗ್ಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ಪರಿಚಯ ಮಾಡಿಕೊಟ್ಟಿದ್ದಾರೆ.
ಶುಭ್ರಾ ಅಯ್ಯಪ್ಪ ಅವರು ಶಿವಣ್ಣ ಅಭಿನಯದ ’ವಜ್ರಕಾಯ’ ಸಿನಿಮಾದಲ್ಲಿ ನಟಿಸಿದ್ದರು. ಇನ್ನು ಎರಡು ಸಿನಿಮಾಗಳಲ್ಲಿ ಅಭಿನಯಿಸಿದ್ದು ಅವು ಇನ್ನು ಬಿಡುಗಡೆಯಾಗಿಲ್ಲ. ಶುಭ್ರಾ ಸಿನಿಮಾರಂಗಕ್ಕಿಂತ ರೂಪದರ್ಶಿಯಾಗಿ ಹೆಚ್ಚು ಖ್ಯಾತಿಯಾಗಿದ್ದಾರೆ.
ಭಾವಿ ಪತಿ ವಿಶಾಲ್ ಶಿವಪ್ಪನ ಫೋಟೊವನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ’ನಾನು ನನ್ನ ಪಾಂಡೆಗೆ ಎಸ್‌ ಎಂದು ಬಿಟ್ಟೆ’ ಎಂದು ಬರೆದುಕೊಂಡಿದ್ದಾರೆ. ಅವರ ಕೈಯಲ್ಲಿ ಉಂಗುರ ಇರುವುದನ್ನು ಗಮನಿಸಿರುವ ನೆಟ್ಟಿಗರು ಶುಭ್ರಾ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎಂದು ಹೇಳುತ್ತಿದ್ದಾರೆ.
