ಮುಂಬೈ: ಬಾಲಿವುಡ್‌ ನಟ ವರುಣ್ ಧವನ್, ಪತ್ನಿ ನತಾಶಾ ದಲಾಲ್ ಹೆಣ್ಣು ಮಗುವಿನ ಪೋಷಕರಾಗಿರುವ ಸಂತಸವನ್ನು ಹಂಚಿಕೊಂಡಿದ್ದಾರೆ.
ಈ ಸಂಬಂಧ ಇನ್‌ಸ್ಟಾಗ್ರಾಮ್‌ನಲ್ಲಿ ವಿಡಿಯೊ ಪೋಸ್ಟ್‌ ಹಂಚಿಕೊಳ್ಳುವ ಮೂಲಕ ಮಾಹಿತಿ ನೀಡಿದ್ದಾರೆ.
'ಜೂನ್ 3ರಂದು ಮೊದಲ ಮಗುವನ್ನು ನಾವು ಬರ ಮಾಡಿಕೊಂಡಿದ್ದೇವೆ. ತಾಯಿ ಹಾಗೂ ಮಗುವಿನ ಕ್ಷೇಮ ಕೋರಿ ಶುಭಾಶಯ ತಿಳಿಸಿದ ಅಭಿಮಾನಿಗಳು ಹಾಗೂ ಆಪ್ತರಿಗೆ ಧನ್ಯವಾದ' ತಿಳಿಸಿದ್ದಾರೆ
ಬಾಲಿವುಡ್‌ನ ಕರಣ್ ಜೋಹರ್, ಕರೀನಾ ಕಪೂರ್ ಖಾನ್, ಅಭಿಷೇಕ್ ಬಚ್ಚನ್, ಸನ್ಯಾ ಮಲ್ಹೋತ್ರಾ, ಸಮಂತಾ ರುತ್ ಪ್ರಭು, ಪ್ರಿಯಾಂಕಾ ಚೋಪ್ರಾ, ಪರಿಣಿತಿ ಚೋಪ್ರಾ ಸೇರಿದಂತೆ ಚಿತ್ರರಂಗದವರು ಶುಭ ಹಾರೈಸಿದ್ದಾರೆ.
