ಸದ್ಯ ಭಾರತೀಯ ಸಿನಿಮಾ ಇಂಡಸ್ಟ್ರಿಯಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ ನಟನೆಯ ‘ಕಬ್ಜ’ ಸಿನಿಮಾದ್ದೇ ಮಾತು. ಟ್ರೈಲರ್ ಬಿಡುಗಡೆಯಾದ ನಂತರವಂತೂ ಜನರಿಗೆ ಕಬ್ಜ ಮೇಲಿದ್ದ ನಿರೀಕ್ಷೆ ದುಪ್ಪಟ್ಟಾಗಿದ್ದು, ಮತ್ತೊಂದು ಬ್ಲಾಕ್ಬಸ್ಟರ್ ನೀಡುವುದಕ್ಕೆ ಸ್ಯಾಂಡಲ್ವುಡ್ ಸಜ್ಜಾಗಿದೆ. ಚಿತ್ರಕ್ಕಾಗಿ ಭರ್ಜರಿಯಾದ ಸೆಟ್ಗಳನ್ನೇ ಹಾಕಿದ್ದ ಆರ್.ಚಂದ್ರು ಅವರು ಚಿತ್ರದಲ್ಲಿ ಹತ್ತಾರು ವಿಂಟೇಜ್ ಕಾರ್ಗಳನ್ನ ಬಳಸಿದ್ದಾರೆ. 1960–1984ರ ಅವಧಿಯಲ್ಲಿ ಈ ಸಿನಿಮಾದ ಕಥೆ ಇರೋ ಕಾರಣ, ಆ ಕಾಲದ ಕಾರುಗಳೇ ಇಲ್ಲಿ ಮಿಂಚಿವೆ.