ಅವರು ಸಿನಿಮಾ ಶೂಟಿಂಗ್ಗೆ ಚಂಢೀಗಡಕ್ಕೆ ಹೋಗಿದ್ದಾರೋ ಅಥವಾ ವಿರಾಮಕ್ಕೋ ಎಂದು ಅಭಿಮಾನಿಗಳು ತಲೆ ಕೆಡಿಸಿಕೊಂಡಿದ್ದರು. ಆದರೆ ಆಕೆ ನಿಜಕ್ಕೂ ಅಲ್ಲಿಗೆ ತೆರಳಿದ್ದು ಬೇರೆಯದ್ದೇ ಕಾರಣಕ್ಕೆ. ಅದೇನೆಂದರೆ ಮ್ಯೂಸಿಕ್ ವಿಡಿಯೊವೊಂದರ ಚಿತ್ರೀಕರಣಕ್ಕಾಗಿ ರಶ್ಮಿಕಾ ಚಂಢೀಗಡಕ್ಕೆ ಹೋಗಿದ್ದರು. ಈ ಮ್ಯೂಸಿಕ್ ವಿಡಿಯೊ ರ್ಯಾಪರ್ ಬಾದ್ಶಾ, ಅಮಿತ್ ಉಚನಾ ಹಾಗೂ ಯುವನ್ ಶಂಕರ್ ರಾಜ್ ಅವರ ಸಾರಥ್ಯದಲ್ಲಿ ಮೂಡಿ ಬರುತ್ತಿದೆ. ಅಲ್ಲಿ ಎರಡು ದಿನಗಳ ಕಾಲ ಶೂಟಿಂಗ್ ಮಾಡಲಾಗಿದ್ದು ರಶ್ಮಿಕಾ ಭಿನ್ನನೋಟದಲ್ಲಿ ಮಿಂಚಿದ್ದಾರೆ.