ಯುವರತ್ನ ಸಿನಿಮಾದ ನ್ಯೂಲುಕ್‌: ಅಸ್ಥಿಪಂಜರ ಹೊತ್ತು ನಿಂತ ಪುನೀತ್ ರಾಜ್‌ಕುಮಾರ್‌
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಪುನೀತ್ ರಾಜ್‌ಕುಮಾರ್‌ ನಟನೆಯ ‘ಯುವರತ್ನ’ ಸಿನಿಮಾದ ನ್ಯೂಲುಕ್‌ ಬಿಡುಗಡೆಯಾಗಿದ್ದು ಸಾಮಾಜಿಕ ಮಾಧ್ಯಮಗಳಲ್ಲಿ ಟ್ರೆಂಡ್‌ ಆಗುತ್ತಿದೆ. ಹೊಸ ವರ್ಷಕ್ಕೆ ಪುನೀತ್ ತಮ್ಮ ಅಭಿಮಾನಿಗಳಿಗೆ ನ್ಯೂಲುಕ್‌ ಗಿಫ್ಟ್‌ ಕೊಟ್ಟಿದ್ದಾರೆ
ಪುನೀತ್ ತಮ್ಮ ಹೆಗಲಿಗೆ ಅಸ್ಥಿಪಂಜರ ಹೊತ್ತು ನಿಂತಿದ್ದಾರೆ. ಪೊಸ್ಟರ್‌ ಬ್ಯಾಕ್ಗ್ರೌಂಡ್ನಲ್ಲಿ ಡೈನೋಸಾರದ ಅಸ್ಥಿಪಂಜರ ಇರುವುದು ಕುತೂಹಲ ಮೂಡಿಸಿದೆ.
Wishing everyone a very #HappyNewYear from team #Yuvarathnaa❤️💥🎉#YuvarathnaaNewLook ☠️@PuneethRajkumar @SanthoshAnand15 @VKiragandur @hombalefilms @MusicThaman @sayyeshaa @Karthik1423 @diganthmanchale @Dhananjayaka pic.twitter.com/B18yKmeNDM
— Hombale Films (@hombalefilms) January 1, 2020
ನಟಸಾರ್ವಭೌಮ ಚಿತ್ರದ ಬಳಿಕ ಪುನೀತ್ ನಟನೆಯ ‘ಯುವರತ್ನ’ ಸಿನಿಮಾ ಸಾಕಷ್ಟು ನಿರೀಕ್ಷೆ ಹುಟ್ಟುಹಾಕಿದೆ. ಸಂತೋಷ್‌ ಆನಂದರಾಮ್ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಎರಡು ವರ್ಷದ ಹಿಂದೆ ಸಂತೋಷ್‌ ಆನಂದರಾಮ್ ಮತ್ತು ಪುನೀತ್ ಕಾಂಬಿನೇಷನ್‌ನಡಿ ತೆರೆಕಂಡಿದ್ದ ‘ರಾಜಕುಮಾರ’ ಚಿತ್ರ ಸೂಪರ್‌ ಹಿಟ್‌ ಆಗಿತ್ತು. ಹಾಗಾಗಿಯೇ, ‘ಯುವರತ್ನ’ನ ಮೇಲೂ ನಿರೀಕ್ಷೆ ದು‍ಪ್ಪಟ್ಟಾಗಿದೆ.
ಶೈಕ್ಷಣಿಕ ರಂಗದಲ್ಲಿನ ಕಾರ್ಪೊರೇಟ್‌ ಸಂಸ್ಕೃತಿಯ ಸುತ್ತ ಈ ಸಿನಿಮಾದ ಕಥೆ ಹೆಣೆಯಲಾಗಿದೆ. ಇದರಲ್ಲಿ ನವಿರು ಪ್ರೇಮಕಥೆಯೂ ಇದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಈ ಚಿತ್ರದಲ್ಲಿ ಪುನೀತ್ ಸ್ಟೂಡೆಂಟ್‌ ಆಗಿ ಕಾಣಿಸಿಕೊಂಡಿದ್ದಾರೆ.
ಹೊಂಬಾಳೆ ಫಿಲಂಸ್‌ನ ವಿಜಯ್‌ ಕಿರಗಂದೂರ್‌ ಬಂಡವಾಳ ಹೂಡಿದ್ದಾರೆ. ಎಸ್‌. ತಮನ್‌ ಸಂಗೀತ ಸಂಯೋಜಿಸಿದ್ದು ವೆಂಕಟೇಶ್‌ ಅಂಗುರಾಜ್‌ ಅವರ ಛಾಯಾಗ್ರಹಣವಿದೆ.
