<p>ನಟ ಲೋಕೇಶ್ ತಮ್ಮ ಕೊನೆಗಾಲದಲ್ಲಿ ಟೀವಿ ಮುಂದೆ ಕೂತು ತಮ್ಮ ಕುಟುಂಬದ ಎಲ್ಲಾ ಕಲಾವಿದರನ್ನು ಕುರಿತು ಮುಕ್ತವಾಗಿ ವಿಮರ್ಶೆ ಮಾಡುತ್ತಿದ್ದರು. ನಟನೆಯಲ್ಲಿ ತಮ್ಮ ಮಗಳಿಗೆ ಪತ್ನಿಗಿಂತ ಹೆಚ್ಚು ಅಂಕ ಕೊಡುತ್ತೇನೆಂದು ಹೇಳಿದ್ದ ಅವರಿಗೆ ಆಗ ಮಗ ನಟನಾಗಿ ಅಷ್ಟೇನೂ ರುಚಿಸಿರಲಿಲ್ಲ. <br /> <br /> ಆದರೆ, ಈಗ ಅವರ ಮಗ ಸೃಜನ್ ಟೀವಿ ನಿರೂಪಣೆಯಲ್ಲಿ ಲವಲವಿಕೆ ತೋರುವುದರ ಮೂಲಕ ಅಪ್ಪನಿಗೆ ತಕ್ಕ ಮಗ ಎನ್ನಿಸಿಕೊಂಡಿದ್ದಾರೆ. ಸಿನಿಮಾಗಳಲ್ಲೂ ಆಗೀಗ ಬಣ್ಣಹಚ್ಚುತ್ತಿರುವ ಸೃಜನ್ ಮೊನ್ನೆಮೊನ್ನೆ ಮನಬಿಚ್ಚಿ ಮಾತಾಡಿದರು. <br /> <br /> `ಹಿರಿಯರು ಸಾಗಿದ ಹಾದಿಯಲ್ಲೇ ಸಾಗುತ್ತಿದ್ದೇನೆ. ಬಣ್ಣದ ಲೋಕದಲ್ಲಿ ಅವರೊಂದು ಗುರಿ ಸಾಧಿಸಿದವರು. ಕನಸನ್ನು ಬಿತ್ತಿದವರು. ಬದುಕು ಕಟ್ಟಿದವರು. ಬೆಳೆಸಿದವರು. <br /> <br /> ನಾನವರ ವರ್ತಮಾನದ ಪ್ರತಿನಿಧಿಯಷ್ಟೆ. ಆದರೆ ಅವರ ಹೆಸರಿನ ನೆರಳಿನಲ್ಲಿ ಗುರುತಿಸಿಕೊಳ್ಳಲು ಇಷ್ಟವಿಲ್ಲ. ನನಗೆ ನನ್ನದೇ ಆದ ಐಡೆಂಟಿಟಿ ಬೇಕೆಂಬ ತುಡಿತವಿದೆ. ಅವರು ನನ್ನಲ್ಲಿ ಬಯಸಿದ್ದು, ಬೆಳೆಸಿದ್ದು ಅದೇ ಗುಣವನ್ನು. ಅದು ಸಾಕಾರಗೊಳ್ಳುವ ದಿನಗಳು ಶುರುವಾಗಿದೆ~- ಇದು ಸೃಜನ್ ಲೋಕೇಶ್ ಆತ್ಮವಿಶ್ವಾಸದ ಮಾತು.<br /> <br /> ಅಜ್ಜ ಸುಬ್ಬಯ್ಯ ನಾಯ್ಡು, ತಂದೆ ಲೋಕೇಶ್, ತಾಯಿ ಗಿರಿಜಾ ಲೋಕೇಶ್ ಹೆಸರು ಚಿತ್ರರಂಗದಲ್ಲಿ ಶಾಶ್ವತ. ಚಿತ್ರರಂಗದಲ್ಲಿ ತಾನು ನೆಲೆಯೂರಲು ಈ ಕಲಾಪರಂಪರೆಯೇ ಕಾರಣ. <br /> <br /> ಆದರೆ ಜನ ಅವರ ಹೆಸರಿನಿಂದ ನನ್ನನ್ನು ಗುರುತಿಸುವಂತಾಗಬಾರದು ಎನ್ನುವ ಸೃಜನ್ `ಲೋಕೇಶ್ ಮಗ ಸೃಜನ್ ಎಂದು ಜನ ನಿನ್ನನ್ನು ಗುರುತಿಸುವ ಬದಲು, ಸೃಜನ್ ತಂದೆ ಲೋಕೇಶ್ ಎಂದು ಕರೆಯುವಂತಾಗಬೇಕು~ ಎಂದು ತಂದೆ ಹೇಳಿದ್ದ ಮಾತುಗಳನ್ನು ನೆನಪಿನ ಬುತ್ತಿಯಿಂದ ಬಿಚ್ಚಿಡುತ್ತಾರೆ. ಆ್ಯಕ್ಟಿಂಗ್ನಿಂದ ಅಡುಗೆ ಮಾಡುವವರೆಗೂ ಎಲ್ಲದಕ್ಕೂ ಅವರಿಗೆ ತಂದೆಯೇ ಗುರು. <br /> <br /> `ನೀಲ ಮೇಘ ಶ್ಯಾಮ~ ಚಿತ್ರದ ಮೂಲಕ ನಾಯಕರಾಗಿ ಚಿತ್ರರಂಗಕ್ಕೆ ಕಾಲಿಟ್ಟ ಸೃಜನ್ಗೆ ಮುಂದೆ ನಾಯಕರಾಗುವ ಅವಕಾಶ ಸಿಗಲಿಲ್ಲ. ಹಾಗಂತ ಬೆಳ್ಳಿತೆರೆಯಿಂದ ಹಿಂದೆ ಸರಿಯಲಿಲ್ಲ. <br /> <br /> ನೆಗೆಟಿವ್ ಪಾತ್ರದ `ನವಗ್ರಹ~ ಹೆಸರು ಮಾಡಿತ್ತು. `ಪೊರ್ಕಿ~ಯಲ್ಲಿ ಸಪೋರ್ಟಿಂಗ್ ರೋಲ್, `ಚಿಂಗಾರಿ~ಯಲ್ಲಿ ಪೊಲೀಸ್, `ಸ್ನೇಹಿತರು~ ಚಿತ್ರದಲ್ಲಿ ಕಾಮಿಡಿ, `ದಿಲ್ಕುಶ್~ನಲ್ಲಿ ಕಾಲೇಜ್ ವಿದ್ಯಾರ್ಥಿ... <br /> <br /> ಹೀಗೆ ತಾವು ಕಾಣಿಸಿಕೊಳ್ಳುತ್ತಿರುವ ವೈವಿಧ್ಯಮಯ ಪಾತ್ರಗಳ ಬಗ್ಗೆ ಸೃಜನ್ಗೆ ತೃಪ್ತಿ ಇದೆ. ಮತ್ತೊಮ್ಮೆ ನಾಯಕರಾಗಿ ಬಣ್ಣಹಚ್ಚುವ ಹಂಬಲ ಅವರದು. ಅದಕ್ಕಾಗಿ ಕಥೆಯೂ ಸಿದ್ಧವಾಗಿದೆ. ಆದರೆ ಮುಹೂರ್ತ ಕೂಡಿಬರುತ್ತಿಲ್ಲ. ಇನ್ನೂ ಹೆಸರಿಡದ ಈ ಚಿತ್ರ ಮುಂದಿನ ವರ್ಷ ಸೆಟ್ಟೇರುವುದು ಖಚಿತ ಎನ್ನುತ್ತಾರೆ ಅವರು.<br /> <br /> ಚಿತ್ರರಂಗದಲ್ಲಿ ಸಿಗದ ಹೆಸರು ಕೆಲವೇ ತಿಂಗಳಲ್ಲಿ ಕಿರುತೆರೆಯಲ್ಲಿ ಸಿಕ್ಕಿತು ಎಂಬುದು ಸೃಜನ್ ಹೆಮ್ಮೆ. ಸುವರ್ಣ ವಾಹಿನಿಯಲ್ಲಿ ಅವರು ನಡೆಸಿಕೊಡುತ್ತಿದ್ದ `ಮಜಾ ವಿತ್ ಸೃಜಾ~ ಅಪಾರ ಜನಪ್ರಿಯತೆ ಗಳಿಸಿತು. <br /> <br /> ಈ ಕಾರ್ಯಕ್ರಮದ ಮೂಲಕ ನನ್ನನ್ನು ನಾನು ಗುರುತಿಸಿಕೊಳ್ಳುವಂತಾಗಬೇಕೆಂಬ ಆಸೆ ಈಡೇರಿತು. 40-45 ವರ್ಷದಿಂದ ಚಿತ್ರರಂಗದಲ್ಲಿರುವ ಅಮ್ಮನನ್ನು ನನ್ನ ಹೆಸರಿನಿಂದ ಗುರುತಿಸುವ ಮಟ್ಟಕ್ಕೆ ಜನಪ್ರಿಯತೆ ಸಿಕ್ಕಿದೆ ಎಂದು ಖುಷಿ ಪಡುತ್ತಾರೆ.<br /> <br /> ಚಿತ್ರರಂಗಕ್ಕೆ ಕಾಲಿಟ್ಟಾಗಿನಿಂದ ಎಡರು ತೊಡರುಗಳು ಇದ್ದದ್ದೇ. ಇದೊಂದು ಪಯಣವಿದ್ದಂತೆ. ಹಲವು ಬಾರಿ ಟೈರ್ ಪಂಕ್ಚರ್ ಆಗಿದೆ. ಸರಿ ಮಾಡಿಕೊಂಡು ಸಾಗುತ್ತಿದ್ದೇನೆ ಎನ್ನುವ ಸೃಜನ್ರದ್ದು ದೃಢಮನಸ್ಸು. <br /> <br /> ಗಟ್ಟಿಯಾಗಿ ನಿಂತು ಯಾವುದೇ ಸನ್ನಿವೇಶವನ್ನು ಎದುರಿಸುವ ಛಾತಿ ಅವರದು. ಇದಕ್ಕೆ ಕೂಡ ತಂದೆಯೇ ಪ್ರೇರಣೆ ಎನ್ನುತ್ತಾರೆ ಅವರು. ಸೃಜನ್ ಪಿಯುಸಿಯಲ್ಲಿ ಇದ್ದಾಗ ಲೋಕೇಶ್ ಮೊದಲ ಬಾರಿಗೆ ಅನಾರೋಗ್ಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದರು. <br /> <br /> ಪಕ್ಕದಲ್ಲಿ ಅಳುತ್ತಾ ಕುಳಿತಿದ್ದ ಸೃಜನ್ಗೆ, `ಹೀಗೆ ಅಳುತ್ತಾ ಕುಳಿತರೆ ಮುಂದೆ ಕಷ್ಟಗಳು ಬಂದರೆ ಹೇಗೆ ಎದುರಿಸುತ್ತೀಯಾ? ನನಗೆ ಏನಾದರೂ ಆದಾಗ ಅಳುತ್ತಾ ಕುಳಿತರೆ ನನ್ನನ್ನು ಉಳಿಸಿಕೊಳ್ಳಲು ಆಗುವುದಿಲ್ಲ.<br /> <br /> ಗಟ್ಟಿಯಿದ್ದರೆ ಮಾತ್ರ ಆ ಕ್ಷಣದಲ್ಲಿ ನನ್ನನ್ನು ಉಳಿಸಿಕೊಳ್ಳಲು ಸಾಧ್ಯ~ ಎಂದಿದ್ದರು. `ಮುಂದೆ ಅವರು ಸತ್ತಾಗಲೂ ನಾನು ಅಳಲಿಲ್ಲ. ಅವರ ಇಚ್ಛೆಯಂತೆ ಮೃತದೇಹವನ್ನು ಆಸ್ಪತ್ರೆಗೆ ದಾನ ಮಾಡಿದೆ. ಅವರಿಂದ ಇಬ್ಬರಿಗೆ ಕಣ್ಣು ಬಂದವು~ ಎಂದು ಲೋಕೇಶ್ ನಿಧನರಾದ ದಿನಗಳನ್ನು ನೆನೆಸಿಕೊಳ್ಳುತ್ತಾ ಸೃಜನ್ ಹನಿಗಣ್ಣಾಗುತ್ತಾರೆ. <br /> <br /> `ತಂದೆ ಬದುಕಿಗೆ ಆದರ್ಶ. ಅಮ್ಮ ಸರ್ವಸ್ವ~ ಎನ್ನುವ ಸೃಜನ್ ಪಾಲಿಗೆ ಗಿರಿಜಾ ಲೋಕೇಶ್ ಅಮ್ಮ ಮಾತ್ರವಲ್ಲ. ಮಾರ್ಗದರ್ಶಕಿ, ಗೆಳತಿ, ಸಹೋದರಿ ಎಲ್ಲವೂ. ಟೀವಿ ಮತ್ತು ಸಿನಿಮಾಗಳೆರಡೂ ಒಂದನ್ನೊಂದು ಅವಲಂಬಿಸಿರುವ ಮಾಧ್ಯಮಗಳು. <br /> <br /> ಇವೆರಡೂ ನಾನು ಪಯಣಿಸುವ ದೋಣಿಗಳು ಎನ್ನುವ ಸೃಜನ್ಗೆ ಸಿನಿ ಸಾಗರದ ಪಯಣದಲ್ಲಿ ತಂದೆಯ ಸಾಧನೆಗಳಾಚೆಗಿನ ಗುರಿಮುಟ್ಟುವ ಉತ್ಕಟತೆಯಿದೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಟ ಲೋಕೇಶ್ ತಮ್ಮ ಕೊನೆಗಾಲದಲ್ಲಿ ಟೀವಿ ಮುಂದೆ ಕೂತು ತಮ್ಮ ಕುಟುಂಬದ ಎಲ್ಲಾ ಕಲಾವಿದರನ್ನು ಕುರಿತು ಮುಕ್ತವಾಗಿ ವಿಮರ್ಶೆ ಮಾಡುತ್ತಿದ್ದರು. ನಟನೆಯಲ್ಲಿ ತಮ್ಮ ಮಗಳಿಗೆ ಪತ್ನಿಗಿಂತ ಹೆಚ್ಚು ಅಂಕ ಕೊಡುತ್ತೇನೆಂದು ಹೇಳಿದ್ದ ಅವರಿಗೆ ಆಗ ಮಗ ನಟನಾಗಿ ಅಷ್ಟೇನೂ ರುಚಿಸಿರಲಿಲ್ಲ. <br /> <br /> ಆದರೆ, ಈಗ ಅವರ ಮಗ ಸೃಜನ್ ಟೀವಿ ನಿರೂಪಣೆಯಲ್ಲಿ ಲವಲವಿಕೆ ತೋರುವುದರ ಮೂಲಕ ಅಪ್ಪನಿಗೆ ತಕ್ಕ ಮಗ ಎನ್ನಿಸಿಕೊಂಡಿದ್ದಾರೆ. ಸಿನಿಮಾಗಳಲ್ಲೂ ಆಗೀಗ ಬಣ್ಣಹಚ್ಚುತ್ತಿರುವ ಸೃಜನ್ ಮೊನ್ನೆಮೊನ್ನೆ ಮನಬಿಚ್ಚಿ ಮಾತಾಡಿದರು. <br /> <br /> `ಹಿರಿಯರು ಸಾಗಿದ ಹಾದಿಯಲ್ಲೇ ಸಾಗುತ್ತಿದ್ದೇನೆ. ಬಣ್ಣದ ಲೋಕದಲ್ಲಿ ಅವರೊಂದು ಗುರಿ ಸಾಧಿಸಿದವರು. ಕನಸನ್ನು ಬಿತ್ತಿದವರು. ಬದುಕು ಕಟ್ಟಿದವರು. ಬೆಳೆಸಿದವರು. <br /> <br /> ನಾನವರ ವರ್ತಮಾನದ ಪ್ರತಿನಿಧಿಯಷ್ಟೆ. ಆದರೆ ಅವರ ಹೆಸರಿನ ನೆರಳಿನಲ್ಲಿ ಗುರುತಿಸಿಕೊಳ್ಳಲು ಇಷ್ಟವಿಲ್ಲ. ನನಗೆ ನನ್ನದೇ ಆದ ಐಡೆಂಟಿಟಿ ಬೇಕೆಂಬ ತುಡಿತವಿದೆ. ಅವರು ನನ್ನಲ್ಲಿ ಬಯಸಿದ್ದು, ಬೆಳೆಸಿದ್ದು ಅದೇ ಗುಣವನ್ನು. ಅದು ಸಾಕಾರಗೊಳ್ಳುವ ದಿನಗಳು ಶುರುವಾಗಿದೆ~- ಇದು ಸೃಜನ್ ಲೋಕೇಶ್ ಆತ್ಮವಿಶ್ವಾಸದ ಮಾತು.<br /> <br /> ಅಜ್ಜ ಸುಬ್ಬಯ್ಯ ನಾಯ್ಡು, ತಂದೆ ಲೋಕೇಶ್, ತಾಯಿ ಗಿರಿಜಾ ಲೋಕೇಶ್ ಹೆಸರು ಚಿತ್ರರಂಗದಲ್ಲಿ ಶಾಶ್ವತ. ಚಿತ್ರರಂಗದಲ್ಲಿ ತಾನು ನೆಲೆಯೂರಲು ಈ ಕಲಾಪರಂಪರೆಯೇ ಕಾರಣ. <br /> <br /> ಆದರೆ ಜನ ಅವರ ಹೆಸರಿನಿಂದ ನನ್ನನ್ನು ಗುರುತಿಸುವಂತಾಗಬಾರದು ಎನ್ನುವ ಸೃಜನ್ `ಲೋಕೇಶ್ ಮಗ ಸೃಜನ್ ಎಂದು ಜನ ನಿನ್ನನ್ನು ಗುರುತಿಸುವ ಬದಲು, ಸೃಜನ್ ತಂದೆ ಲೋಕೇಶ್ ಎಂದು ಕರೆಯುವಂತಾಗಬೇಕು~ ಎಂದು ತಂದೆ ಹೇಳಿದ್ದ ಮಾತುಗಳನ್ನು ನೆನಪಿನ ಬುತ್ತಿಯಿಂದ ಬಿಚ್ಚಿಡುತ್ತಾರೆ. ಆ್ಯಕ್ಟಿಂಗ್ನಿಂದ ಅಡುಗೆ ಮಾಡುವವರೆಗೂ ಎಲ್ಲದಕ್ಕೂ ಅವರಿಗೆ ತಂದೆಯೇ ಗುರು. <br /> <br /> `ನೀಲ ಮೇಘ ಶ್ಯಾಮ~ ಚಿತ್ರದ ಮೂಲಕ ನಾಯಕರಾಗಿ ಚಿತ್ರರಂಗಕ್ಕೆ ಕಾಲಿಟ್ಟ ಸೃಜನ್ಗೆ ಮುಂದೆ ನಾಯಕರಾಗುವ ಅವಕಾಶ ಸಿಗಲಿಲ್ಲ. ಹಾಗಂತ ಬೆಳ್ಳಿತೆರೆಯಿಂದ ಹಿಂದೆ ಸರಿಯಲಿಲ್ಲ. <br /> <br /> ನೆಗೆಟಿವ್ ಪಾತ್ರದ `ನವಗ್ರಹ~ ಹೆಸರು ಮಾಡಿತ್ತು. `ಪೊರ್ಕಿ~ಯಲ್ಲಿ ಸಪೋರ್ಟಿಂಗ್ ರೋಲ್, `ಚಿಂಗಾರಿ~ಯಲ್ಲಿ ಪೊಲೀಸ್, `ಸ್ನೇಹಿತರು~ ಚಿತ್ರದಲ್ಲಿ ಕಾಮಿಡಿ, `ದಿಲ್ಕುಶ್~ನಲ್ಲಿ ಕಾಲೇಜ್ ವಿದ್ಯಾರ್ಥಿ... <br /> <br /> ಹೀಗೆ ತಾವು ಕಾಣಿಸಿಕೊಳ್ಳುತ್ತಿರುವ ವೈವಿಧ್ಯಮಯ ಪಾತ್ರಗಳ ಬಗ್ಗೆ ಸೃಜನ್ಗೆ ತೃಪ್ತಿ ಇದೆ. ಮತ್ತೊಮ್ಮೆ ನಾಯಕರಾಗಿ ಬಣ್ಣಹಚ್ಚುವ ಹಂಬಲ ಅವರದು. ಅದಕ್ಕಾಗಿ ಕಥೆಯೂ ಸಿದ್ಧವಾಗಿದೆ. ಆದರೆ ಮುಹೂರ್ತ ಕೂಡಿಬರುತ್ತಿಲ್ಲ. ಇನ್ನೂ ಹೆಸರಿಡದ ಈ ಚಿತ್ರ ಮುಂದಿನ ವರ್ಷ ಸೆಟ್ಟೇರುವುದು ಖಚಿತ ಎನ್ನುತ್ತಾರೆ ಅವರು.<br /> <br /> ಚಿತ್ರರಂಗದಲ್ಲಿ ಸಿಗದ ಹೆಸರು ಕೆಲವೇ ತಿಂಗಳಲ್ಲಿ ಕಿರುತೆರೆಯಲ್ಲಿ ಸಿಕ್ಕಿತು ಎಂಬುದು ಸೃಜನ್ ಹೆಮ್ಮೆ. ಸುವರ್ಣ ವಾಹಿನಿಯಲ್ಲಿ ಅವರು ನಡೆಸಿಕೊಡುತ್ತಿದ್ದ `ಮಜಾ ವಿತ್ ಸೃಜಾ~ ಅಪಾರ ಜನಪ್ರಿಯತೆ ಗಳಿಸಿತು. <br /> <br /> ಈ ಕಾರ್ಯಕ್ರಮದ ಮೂಲಕ ನನ್ನನ್ನು ನಾನು ಗುರುತಿಸಿಕೊಳ್ಳುವಂತಾಗಬೇಕೆಂಬ ಆಸೆ ಈಡೇರಿತು. 40-45 ವರ್ಷದಿಂದ ಚಿತ್ರರಂಗದಲ್ಲಿರುವ ಅಮ್ಮನನ್ನು ನನ್ನ ಹೆಸರಿನಿಂದ ಗುರುತಿಸುವ ಮಟ್ಟಕ್ಕೆ ಜನಪ್ರಿಯತೆ ಸಿಕ್ಕಿದೆ ಎಂದು ಖುಷಿ ಪಡುತ್ತಾರೆ.<br /> <br /> ಚಿತ್ರರಂಗಕ್ಕೆ ಕಾಲಿಟ್ಟಾಗಿನಿಂದ ಎಡರು ತೊಡರುಗಳು ಇದ್ದದ್ದೇ. ಇದೊಂದು ಪಯಣವಿದ್ದಂತೆ. ಹಲವು ಬಾರಿ ಟೈರ್ ಪಂಕ್ಚರ್ ಆಗಿದೆ. ಸರಿ ಮಾಡಿಕೊಂಡು ಸಾಗುತ್ತಿದ್ದೇನೆ ಎನ್ನುವ ಸೃಜನ್ರದ್ದು ದೃಢಮನಸ್ಸು. <br /> <br /> ಗಟ್ಟಿಯಾಗಿ ನಿಂತು ಯಾವುದೇ ಸನ್ನಿವೇಶವನ್ನು ಎದುರಿಸುವ ಛಾತಿ ಅವರದು. ಇದಕ್ಕೆ ಕೂಡ ತಂದೆಯೇ ಪ್ರೇರಣೆ ಎನ್ನುತ್ತಾರೆ ಅವರು. ಸೃಜನ್ ಪಿಯುಸಿಯಲ್ಲಿ ಇದ್ದಾಗ ಲೋಕೇಶ್ ಮೊದಲ ಬಾರಿಗೆ ಅನಾರೋಗ್ಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದರು. <br /> <br /> ಪಕ್ಕದಲ್ಲಿ ಅಳುತ್ತಾ ಕುಳಿತಿದ್ದ ಸೃಜನ್ಗೆ, `ಹೀಗೆ ಅಳುತ್ತಾ ಕುಳಿತರೆ ಮುಂದೆ ಕಷ್ಟಗಳು ಬಂದರೆ ಹೇಗೆ ಎದುರಿಸುತ್ತೀಯಾ? ನನಗೆ ಏನಾದರೂ ಆದಾಗ ಅಳುತ್ತಾ ಕುಳಿತರೆ ನನ್ನನ್ನು ಉಳಿಸಿಕೊಳ್ಳಲು ಆಗುವುದಿಲ್ಲ.<br /> <br /> ಗಟ್ಟಿಯಿದ್ದರೆ ಮಾತ್ರ ಆ ಕ್ಷಣದಲ್ಲಿ ನನ್ನನ್ನು ಉಳಿಸಿಕೊಳ್ಳಲು ಸಾಧ್ಯ~ ಎಂದಿದ್ದರು. `ಮುಂದೆ ಅವರು ಸತ್ತಾಗಲೂ ನಾನು ಅಳಲಿಲ್ಲ. ಅವರ ಇಚ್ಛೆಯಂತೆ ಮೃತದೇಹವನ್ನು ಆಸ್ಪತ್ರೆಗೆ ದಾನ ಮಾಡಿದೆ. ಅವರಿಂದ ಇಬ್ಬರಿಗೆ ಕಣ್ಣು ಬಂದವು~ ಎಂದು ಲೋಕೇಶ್ ನಿಧನರಾದ ದಿನಗಳನ್ನು ನೆನೆಸಿಕೊಳ್ಳುತ್ತಾ ಸೃಜನ್ ಹನಿಗಣ್ಣಾಗುತ್ತಾರೆ. <br /> <br /> `ತಂದೆ ಬದುಕಿಗೆ ಆದರ್ಶ. ಅಮ್ಮ ಸರ್ವಸ್ವ~ ಎನ್ನುವ ಸೃಜನ್ ಪಾಲಿಗೆ ಗಿರಿಜಾ ಲೋಕೇಶ್ ಅಮ್ಮ ಮಾತ್ರವಲ್ಲ. ಮಾರ್ಗದರ್ಶಕಿ, ಗೆಳತಿ, ಸಹೋದರಿ ಎಲ್ಲವೂ. ಟೀವಿ ಮತ್ತು ಸಿನಿಮಾಗಳೆರಡೂ ಒಂದನ್ನೊಂದು ಅವಲಂಬಿಸಿರುವ ಮಾಧ್ಯಮಗಳು. <br /> <br /> ಇವೆರಡೂ ನಾನು ಪಯಣಿಸುವ ದೋಣಿಗಳು ಎನ್ನುವ ಸೃಜನ್ಗೆ ಸಿನಿ ಸಾಗರದ ಪಯಣದಲ್ಲಿ ತಂದೆಯ ಸಾಧನೆಗಳಾಚೆಗಿನ ಗುರಿಮುಟ್ಟುವ ಉತ್ಕಟತೆಯಿದೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
