ಹಾಡು ಹರಾಜು

`ಐದು ಸಾವಿರ ರೂಪಾಯಿ! ಒಂದು ಸಾರಿ... ಎರಡು ಸಾರಿ...~ ಹರಾಜು ಶುರುವಾದಾಗ ಅಲ್ಲಿದ್ದ ಕೆಲವರಿಗೆ ಅಚ್ಚರಿ. ಚಿತ್ರಸಾಹಿತಿ ಕವಿರಾಜ್ ಮುಖದಲ್ಲಿ ಕುತೂಹಲದ ಗೆರೆಗಳು. ಯಾಕೆಂದರೆ, ಹರಾಜಾಗುತ್ತಿದ್ದದ್ದು ಅವರು ಬರೆದ ಹಾಡಿನ ಸಾಹಿತ್ಯದ ಪ್ರತಿ.

`ಮೊದಲ ಮಿಂಚು~ ಆಡಿಯೋ ಬಿಡುಗಡೆ ಸಮಾರಂಭದ ಹೈಲೈಟ್ ಈ ಹರಾಜು ಪ್ರಕ್ರಿಯೆ. `ತಿರುಗಿ ತಿರುಗಿ ನೋಡಲೇ~ ಎಂಬ ಹಾಡಿನ ಪ್ರತಿ ಕೊನೆಗೆ ಹರಾಜಾದದ್ದು 15 ಸಾವಿರ ರೂಪಾಯಿಗೆ. ಕನ್ನಡ ಚಿತ್ರಗೀತೆಯೊಂದನ್ನು ಬರೆಯಲು 75 ಸಾವಿರ ರೂಪಾಯಿವರೆಗೆ ಸಂಭಾವನೆ ನೀಡುವ ಈ ಕಾಲಮಾನದಲ್ಲಿ ಇದೇನೂ ದೊಡ್ಡ ಮೊತ್ತವಲ್ಲ ಎಂದು ಕೆಲವರಿಗೆ ಅನ್ನಿಸಿದ್ದೇನೋ ನಿಜ. ಆದರೆ, ಸಂಭಾವನೆಗೂ ಈ ಹರಾಜಿಗೂ ಸಂಬಂಧವಿಲ್ಲ. ಹಾಡಿನಿಂದ ಬಂದ 15 ಸಾವಿರ ರೂಪಾಯಿಯು ಸಹಾರಾ ಅನಾಥಾಶ್ರಮದ ಸಿಬ್ಬಂದಿಗೆ ಸಂದಿತು.

ಇತ್ತೀಚೆಗೆ ಅನೇಕರು ಆಡಿಯೋ ಬಿಡುಗಡೆ ಸಮಾರಂಭಗಳನ್ನು ಅದ್ದೂರಿಯಾಗಿ ಮಾಡುತ್ತಿರುವಾಗ `ಮೊದಲ ಮಿಂಚು~ ಚಿತ್ರದ ರೂವಾರಿ ವೆಸ್ಲೆ ಬ್ರೌನ್ ಈ ರೀತಿ ಸೃಜನಶೀಲತೆ ತೋರಿದ್ದು ಅರ್ಥಪೂರ್ಣ. ಹೊಸಕೋಟೆಯ ಸದಾನಂದ ಎಂಬುವರು ಕವಿರಾಜ್ ಬರೆದ ಸಾಹಿತ್ಯವನ್ನು ಅತಿ ಹೆಚ್ಚು ಮೊತ್ತದ ಹರಾಜು ಕೂಗಿ ಗಿಟ್ಟಿಸಿಕೊಂಡರು.

`ಗಂಭೀರ ಸಾಹಿತ್ಯವನ್ನು ಹರಾಜು ಹಾಕಿದರೆ ಒಳ್ಳೆಯ ಬೆಲೆ ಸಿಗುವುದರಲ್ಲಿ ಅನುಮಾನವಿಲ್ಲ. ಚಿತ್ರಸಾಹಿತ್ಯಕ್ಕೂ ಇಂಥದೊಂದು ಗೌರವ ಸಂದಿರುವುದು ಅಪರೂಪ, ಆಶ್ಚರ್ಯ~ ಎಂದು ಕವಿರಾಜ್ ಹುಬ್ಬೇರಿಸಿದರು.

ಚಿತ್ರದಲ್ಲಿ ಎಂಟು ಜವಾಬ್ದಾರಿಗಳನ್ನು ನಿರ್ವಹಿಸಿರುವ ವೆಸ್ಲೆ ಬ್ರೌನ್ ಅದು ಕೂಡ ದಾಖಲೆಯಾಗಲಿದೆ ಎಂದು ಹೇಳಿಕೊಂಡರು. ಆ್ಯಷ್ಲೆ-ಅಭಿಲಾಷ್ ಚಿತ್ರದ ಹಾಡುಗಳಿಗೆ ಸಂಗೀತ ಸಂಯೋಜನೆ ಮಾಡಿದ್ದು, ಅವರಿಗೆ ದಿನೇದಿನೇ ಉತ್ತಮ ಪ್ರತಿಕ್ರಿಯೆ ದೊರೆಯುತ್ತಿರುವುದು ಖುಷಿ ತಂದಿದೆ.

ಆಡಿಯೋ ಬಿಡುಗಡೆ ಸಮಾರಂಭದಲ್ಲಿ ಎದ್ದುಕಂಡ ಇನ್ನೊಂದು ಅಂಶ- ಗಾಯಕ, ಗಾಯಕಿಯರ ಉಪಸ್ಥಿತಿ. ಹೇಮಂತ್, ಲಕ್ಷ್ಮಿ ಮತ್ತಿತರ ಹಾಡುಗಾರರು ಸಂಭ್ರಮದಲ್ಲಿ ಎಲ್ಲರೊಳಗೆ ಒಂದಾದರು.

ಸುಪ್ರೀತಾ, ಸಿ.ಜಯರಾಜ್, ಅಭಿರಾಮ್ ಸೇರಿದಂತೆ ಚಿತ್ರದ ತಾರಾಬಳಗದ ಎಲ್ಲರೂ ತಂತಮ್ಮ ಅನುಭವವನ್ನು ಚುಟುಕಾಗಿ ಹಂಚಿಕೊಂಡರು. ಆನಂದ್ ಆಡಿಯೋದ ಮೋಹನ್,ಕರಿಸುಬ್ಬು ಅತಿಥಿಗಳ ಸಾಲಿನಲ್ಲಿ ಎದ್ದುಕಂಡರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಾಡು ಹರಾಜು

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಶೂಟಿಂಗ್‌ ವಿಶ್ವಕಪ್‌: ಭಾರತಕ್ಕೆ ನಿರಾಸೆ

ಬಾಕ್ಸಿಂಗ್‌ ಸಂಸ್ಥೆ ಚುನಾವಣೆ ವಿಳಂಬ: ಸತ್ಯಶೋಧನಾ ಸಮಿತಿ ರಚಿಸಿದ ಉಷಾ

ರಾಜ್ಯ ರ‍್ಯಾಂಕಿಂಗ್ ಟೇಬಲ್ ಟೆನಿಸ್ ಟೂರ್ನಿ: ಶಾರ್ವಿಲ್‌, ಸಾಕ್ಷ್ಯಾ ಚಾಂಪಿಯನ್‌

Test|ನಾಲ್ಕನೇ ದಿನದ ಆರಂಭದಲ್ಲಿ ಭಾರತೀಯ ವೇಗಿಗಳ ಅಬ್ಬರ: ಲಯ ಕಳೆದುಕೊಂಡ ಆಂಗ್ಲರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ