ಸರ್ಬಿಯಾ ಕಾಡಿನಲ್ಲಿ ರಣವೀರ್‌ ಸಿಂಗ್‌ ಹೂವು ಹುಡುಕಾಟ; ಬೇರ್‌ ಗ್ರಿಲ್ಸ್‌ ಸಾಥ್‌
ಮುಂಬೈ: ಬೆಟ್ಟ–ಗುಡ್ಡ, ದಟ್ಟಡವಿ, ನದಿ, ಸಮುದ್ರ, ಸುರಂಗ,...ಹೀಗೆ ನಿಸರ್ಗದ ರುದ್ರರಮಣೀಯ ಸೊಬಗಿನ ನಡುಗೆ ಸಾಹಸಮಯ ಯಾತ್ರೆಯ ಕಾರ್ಯಕ್ರಮಗಳ ಮೂಲಕ ಹೆಸರಾಗಿರುವ ಬೇರ್‌ ಗ್ರಿಲ್ಸ್‌, ಈಗ ಬಾಲಿವುಡ್‌ ಸ್ಟಾರ್‌ ರಣವೀರ್‌ ಸಿಂಗ್‌ ಅವರನ್ನು ಕಾಡಿಗೆ ಕರೆದುಕೊಂಡು ಹೋಗಿದ್ದಾರೆ.
'ರಣವೀರ್‌ ವರ್ಸಸ್‌ ವೈಲ್ಡ್‌ ವಿತ್‌ ಬೇರ್‌ ಗ್ರಿಲ್ಸ್‌' ವಿಶೇಷ ರಿಯಾಲಿಟಿ ಕಾರ್ಯಕ್ರಮಕ್ಕಾಗಿ ನಟ ರಣವೀರ್‌ ಸರ್ಬಿಯಾದ ಕಾಡುಗಳಲ್ಲಿ ಅಲೆದಾಡಿದ್ದಾರೆ. ತನ್ನ ಪ್ರಿಯತಮೆಗಾಗಿ 'ಅಪರೂಪದ ಹೂ' ಹುಡುಕಿ ಹೊರಡುವುದೇ ಈ ಸಾಹಸಯಾತ್ರೆಯ ಉದ್ದೇಶ. ನೆಟ್‌ಫ್ಲಿಕ್ಸ್‌ ಒಟಿಟಿ ವೇದಿಕೆಯಲ್ಲಿ ಈ ಕಾರ್ಯಕ್ರಮವು ಜುಲೈ 8ರಂದು ಪ್ರಸಾರವಾಗಲಿದೆ.
ಕಾಡು ಹೂವಿನ ಹುಡುಕಾಟದಲ್ಲಿ ರಣವೀರ್‌ ಕರಡಿಯ ಬಾಯಿಗೆ ಹತ್ತಿರವಾಗುವುದು, ಅದರಿಂದ ತಪ್ಪಿಸಿಕೊಂಡು ಓಡುವುದು, ಬೆಟ್ಟದಿಂದ ಬೆಟ್ಟಕ್ಕೆ ಹಗ್ಗ ಹಿಡಿದು ದಾಟುವುದು,..ಇಂಥ ಹಲವು ದೃಶ್ಯಗಳು ಕಾರ್ಯಕ್ರಮದಲ್ಲಿ ಟೀಸರ್‌ನಲ್ಲಿ ನೋಡಲು ಸಿಗುತ್ತದೆ.
Jungle mein Mangal ! 🤯🤯
— Ranveer Singh (@RanveerOfficial) June 10, 2022
Ranveer VS Wild, an interactive special packed with thrilling adventures is COMING SOON on @NetflixIndia 😎#RanveerVsWild pic.twitter.com/ue5wGVc2Ng
ಸಾಮಾಜಿಕ ಮಾಧ್ಯಮಗಳ ತಮ್ಮ ಖಾತೆಗಳಲ್ಲಿ ರಣವೀರ್‌ ಮತ್ತು ಗ್ರಿಲ್ಸ್‌ ಶುಕ್ರವಾರ 'ರಣವೀರ್‌ ವರ್ಸಸ್‌ ವೈಲ್ಡ್‌ ವಿತ್‌ ಬೇರ್‌ ಗ್ರಿಲ್ಸ್‌' ಟೀಸರ್‌ ಹಂಚಿಕೊಂಡಿದ್ದಾರೆ. ಈ ಕಾರ್ಯಕ್ರಮವನ್ನು ಬಾನಿಜಯ್‌ ಏಷ್ಯಾ ಮತ್ತು ದಿ ನ್ಯಾಚುರಲ್‌ ಸ್ಟುಡಿಯೋಸ್‌ ನಿರ್ಮಾಣ ಮಾಡಿದೆ.
Is the jungle wilder or @RanveerOfficial ? There is only one right answer! 😅
— Bear Grylls (@BearGrylls) June 10, 2022
Catch our deadly, dangerous and dramatic adventure, Ranveer VS Wild, an action packed interactive special coming soon on @NetflixIndia!@netflixindia @ranveerofficial @Banijayasia @banijaygroup pic.twitter.com/9RaXhjiqe6
ಭಾರತದ ಮೊಟ್ಟಮೊದಲ ವಿಶೇಷ ಸಾಹಸಮಯ ಕಾರ್ಯಕ್ರಮವನ್ನು ನೆಟ್‌ಫ್ಲಿಕ್ಸ್‌ ಹೊರತರುತ್ತಿರುವುದಾಗಿ ನೆಟ್‌ಫ್ಲಿಕ್ಸ್‌ ಇಂಡಿಯಾದ ಉಪಾಧ್ಯಕ್ಷೆ (ಕಂಟೆಂಟ್‌) ಮೋನಿಕಾ ಶೆರ್ಗಿಲ್‌ ಹೇಳಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.