ಬೆಂಗಳೂರು: ಫಿನಾಲೆ ವಾರಕ್ಕೂ ಮೊದಲು ಬಿಗ್‌ ಬಾಸ್‌ ಮನೆಯಲ್ಲಿ ವಾರದ ಕಳಪೆ, ಉತ್ತಮ ಪಟ್ಟದ ಹಂಚಿಕೆಯಾಗಿದೆ. 15ನೇ ವಾರದ ಹಾಗೂ ಈ ಸೀಸನ್‌ನ ಕೊನೆಯ ಕಳಪೆ ಪಟ್ಟವನ್ನು ಪ್ರತಾಪ್‌ ಪಡೆದಿದ್ದಾರೆ.
ಎಲ್ಲಾ ಟಾಸ್ಕ್‌ಗಳಲ್ಲಿ ಶೂನ್ಯ ಪ್ರದರ್ಶನ ನೀಡಿದ್ದಾರೆ ಎಂದು ಕಾರ್ತಿಕ್‌ ಅವರು ಪ್ರತಾಪ್‌ ಅವರಿಗೆ ಕಳಪೆ ಪಟ್ಟ ನೀಡಿದ್ದಾರೆ. ಜತೆಗ ವಿನಯ್‌, ತುಕಾಲಿ ಸಂತೋಷ್‌, ನಮ್ರತಾ ಕೂಡ ಕಳಪೆ ಆಟಗಾರ ಎಂದು ಪ್ರತಾಪ್‌ ಅವರನ್ನು ನಾಮಿನೇಟ್‌ ಮಾಡಿದ್ದಾರೆ.
ಈ ನಡುವೆ ಸಂಗೀತಾ ಮಾತ್ರ ‘ಇಲ್ಲಿ ಯಾರೂ ಕಳಪೆ ಇಲ್ಲ’ ಎಂದು ಹೇಳುವ ಮೂಲಕ ಜಾರಿಕೊಂಡಿದ್ದಾರೆ. ಕಳಪೆ ಪಟ್ಟ ಹೊತ್ತ ಸದಸ್ಯರಿಗೆ ನೀಡುವ ಬಟ್ಟೆಯನ್ನು ಸಂಗೀತಾ ಅವರಿಂದಲೇ ಪಡೆದ ಪ್ರತಾಪ್‌, ಸಂಗೀತಾ ದೀದಿ ಇಷ್ಟು ವಾರ ನನ್ನ ಪರವಾಗಿ ನಿಂತಿದ್ದರು ಅದಕ್ಕೆ ಸಂತಸವಿದೆ ಎಂದು ಹೇಳಿದ್ದಾರೆ. ಇತ್ತ, ನನ್ನ ಪಕ್ಕ ಯಾರು ನಿಲ್ಲುತ್ತಾರೊ ಅವರು ಜೈಲಿಗೆ ಹೋಗುತ್ತಾರೆ ಎಂದು ಸಂಗೀತಾ ಬೇಸರ ವ್ಯಕ್ತಪಡಿಸಿದ್ದಾರೆ. ಪ್ರತಾಪ್‌ ಕೆನ್ನೆಗೆ ಮುತ್ತಿಟ್ಟ ಸಂಗೀತಾ ಜೈಲಿನ ಗೇಟ್‌ ತೆಗೆದು ಅವರನ್ನು ಒಳಕ್ಕೆ ಕಳುಹಿಸಿದ್ದಾರೆ.
ಮಿಡ್‌ ವೀಕ್‌ ಎಲಿಮಿನೇಷನ್‌ನಲ್ಲಿ ತನಿಷಾ ಕುಪ್ಪಂಡ ಹೊರಹೋಗಿದ್ದಾರೆ.
