9ನೇ ವಯಸ್ಸಿನಲ್ಲಿ ಗಮನ ಸೆಳೆದಿದ್ದ: ಕಡಲಕೆರೆ ಹೆರಾಲ್ಡ್ ತಾವ್ರೊ-ಪ್ರೆಸಿಲ್ಲಾ ದಂಪತಿ ಪುತ್ರ ನಿಹಾಲ್ ಅಲಂಗಾರಿನ ಸೇಂಟ್ ಥೋಮಸ್ ಶಾಲೆಯಲ್ಲಿ ಮೂರನೇ ತರಗತಿಯಲ್ಲಿ ಓದುತ್ತಿದ್ದಾಗ ಆಲ್ಬಂ ಹಾಡಿಗೆ ಯಾವುದೇ ತರಬೇತಿ ಇಲ್ಲದೆ ಹಾಡಿ ಭೇಷ್ ಅನ್ನಿಸಿಕೊಂಡಿದ್ದ. ಅಲ್ಲಿಂದ ಪ್ರೇರಣೆಗೊಂಡು ಆರಂಭವಾದ ಸಂಗೀತ ಪಯಣದಲ್ಲಿ ಮತ್ತೆ ಹಿಂತಿರುಗಿ ನೋಡಲಿಲ್ಲ. ಪ್ರತಿಭಾ ಕಾರಂಜಿ, ‘ನಮ್ಮ ಟಿವಿ’ಯ ಸೂಪರ್ ಸಿಂಗರ್, ವಾಯ್ಸ್ ಆಫ್ ಉಡುಪಿ, ದಾಯ್ಜಿ ವಲ್ಡ್ ವಾಯ್ಸ್, ಝೀ ಕನ್ನಡದ ಸರಿಗಮ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಕನ್ನಡಿಗರ ಮೆಚ್ಚುಗೆ ಗಳಿಸಿದ್ದ.